بیت بازی سے لطف اٹھائیں

[سارہ خان]

یہ جو سرگشتہ سے پھرتے ہیں کتابوں والے
ان سے مت مل کہ انہیں روگ ہیں خوابوں والے

 

[شمشاد]

یاد بھی خواب ہوئی، یاد وہ آتے کیوں ہیں؟
روز و شب اک نیا افسانہ سناتے کیوں ہیں؟
(سرور)

 

[حسن نظامی]

نکہت گل کہاں سے آئی ہے
شوخئی موجہ صبا کیا ہے

ایک قیامت ہے گویا قامت میں
معنی تنگی قبا کیا ہے
شاکر القادری

 

[الف عین]

یہ انتہائے جنوں ہے کہ غیر ہی سا لگا
جو آشنا تھا کبھی، آج اجنبی سا لگا
صادق اندوری۔ والدِ مرحوم

 

[خرم شہزاد خرم]

فرقہ بندی ہے کہيں اور کہيں ذاتيں ہيں
کيا زمانے ميں پنپنے کی يہی باتيں ہيں

 

[شمشاد]

فرقہ بندی ہے کہيں اور کہيں ذاتيں ہيں
کيا زمانے ميں پنپنے کی يہی باتيں ہيں

جناب فوٹو ٹیک صاحب یہ آپ نے کہاں کی کہاں چپکا دی؟ یہ بیت بازی کا دھاگہ، آپ کو تو الف سے شعر دینا۔

 

[شمشاد]

ابھی نظر نہیں ایسی کہ دُور تک دیکھوں
ابھی خبر نہیں مجھ کو کہ کس اثر میں ہوں
(عبید اللہ علیم)

 

[خرم شہزاد خرم]

جناب فوٹو ٹیک صاحب یہ آپ نے کہاں کی کہاں چپکا دی؟ یہ بیت بازی کا دھاگہ، آپ کو تو الف سے شعر دینا۔

او معافی چاہتا ہوں میں کسی اور خیال میں تھا
اک مدد سے میری ماں نہیں سوی تابش
میں نے ایک بارے کہا تھا مجھے ڈر لگتا ہے

 

[شمشاد]

اگر آپ اشعار کے پوسٹ مارٹم اسی طرح کریں گے تو کسی دن شعراء حضرات نے آپ پر ہلہ بول دینا ہے۔

اصل شعر کچھ یوں ہے :

ایک مدت سے میری ماں نہیں سوئی تابش
میں نے اک بار کہا تھا مجھے ڈر لگتا ہے

 

[خرم شہزاد خرم]

اگر آپ اشعار کے پوسٹ مارٹم اسی طرح کریں گے تو کسی دن شعراء حضرات نے آپ پر ہلہ بول دینا ہے۔

اصل شعر کچھ یوں ہے :

ایک مدت سے میری ماں نہیں سوئی تابش
میں نے اک بار کہا تھا مجھے ڈر لگتا ہے

اس بار پھر میں معافی چاہتا ہوں
ویسے جب تک آپ ساتذہ کا سایہ ہے تب تک غلطی معاف ہے بعد میں دیکھا جائے گا شکریہ

 

[شمشاد]

نہ میں استاد نہ شاعر، ویسے تابش صاحب کو پتہ چل گیا ناں تو بہت ناراض ہوں گے کہ آپ نے ان کے شعر کی ٹانگیں توڑ دی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ کس کے اشک ہیں اے بادشاہِ عدل پناہ
جو ڈھل گئے ہیں ترے تاج کے نگینوں میں
(احمد ندیم قاسمی)

 

[خرم شہزاد خرم]

نہ میں استاد نہ شاعر، ویسے تابش صاحب کو پتہ چل گیا ناں تو بہت ناراض ہوں گے کہ آپ نے ان کے شعر کی ٹانگیں توڑ دی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ کس کے اشک ہیں اے بادشاہِ عدل پناہ
جو ڈھل گئے ہیں ترے تاج کے نگینوں میں
(احمد ندیم قاسمی)

نہ تھا کچھ تو خدا تھا، کچھ نہ ہوتا تو خدا ہوتا
ڈبویا مجھ کو ہونے نے، نہ ہوتا میں تو کیا ہوتا


میں نے سنا ہے تابش صاحب بہت اچھے ہیں وہ مجھے معاف کر دے گے

 

[شمشاد]

اِک پشیمان سی حسرت مُجھے سوچتا ہے
اب وُہی شہر محبت سے مُجھے سوچتا ہے
(نوشی گیلانی)

 

[خرم شہزاد خرم]

یوں تراشوں گا غزل میں تیرے پیکر کے نقوش
وہ بھی دیکھے گا تجھے جس نے تجھے دیکھا نہیں

 

[شمشاد]

نہ آنکھ میں کوئی منظر نہ لب پہ کوئی صدا
اتار دل پہ کوئی اسم در نہیں کھلتے

 

[عمر سیف]

یہی وفا کا صلہ ہے تو کوئی بات نہیں
یہ درد تم نے دیا ہے تو کوئی بات نہیں

 

[شمشاد]

نجانے کون سی رُت میں بھچڑ گئے وہ لوگ
جو اپنے دل میں بہت احترام رکھتے تھے
(نوشی گیلانی)

 

[عمر سیف]

یہ جو ہر گام پر اُجالے ہیں
سب تیری یاد کے حوالے ہیں

 

[شمشاد]

نہیں میں دوستوں کا ذکر کرتا
میں اپنے دشمنوں پر مہرباں ہوں

 

[عمر سیف]

نمیَ آنکھوں سے جاتی ہی نہیں ہے
ستم اس دل نے اتنا سہہ لیا ہے