بیت بازی سے لطف اٹھائیں (3)

[صائمہ شاہ]

شمشاد صاحب میں نے شعر پوسٹ کیا جو ’ی‘ پہ ختم ہو رہا ہے۔ اصولآ اگلا شعر ’ی‘ سے ہی شروع ہونا چاہیے۔ صائمہ جی اور آپ نے اشعار ’ا‘ سے لکھے ہیں۔ یا جو جہاں سے مرضی شروع کر دے اس کے بعد اصول شروع ہو جاتا ہے۔ میں کچھ سمجھا نہیں بیت بازی کے بارے میں !

عمران معذرت خواہ ہوں آپ صحیح کہہ رہے ہیں

 

[ابن سعید]

نہیں یہاں نہیں لکھ پا رہی یہ گوگل سے بہت مختلف ہے

بٹیا رانی، یہ گوگل سے یقیناً مختلف ہے لیکن ہماری رائے میں گوگل سے کہیں زیادہ سہل ہے۔ یہاں فونیٹک کی بورڈ فعال ہے۔ یعنی الف کے لئے a ب کے لئے b و علیٰ ہٰذا القیاس۔ اسی طرح بعض حروف شفٹ کے ساتھ ٹائپ ہوتے ہیں جیسے ت کے لئے t اور ٹ کے لئے شفٹ کے ساتھ T۔ کچھ حروف جن کا کوئی فونیٹک بدل موجود نہیں وہ کہیں اور بھی ہو سکتے ہیں مثلاً ش کے لئے x، ط کے لئے v ظ کے لئے شفٹ کے ساتھ V وغیرہ۔

آپ ایک بار ساری کیز ایک ایک کرکے دباتی چلی جائیں اور مشاہدہ کر لیں کہ کس کی سے کیا لکھا جاتا ہے۔ اسی طرح شفٹ دبا کر تمام کیز دبا کر دیکھ لیں۔ ان شاء اللہ دو ایک دن میں اچھی خاصی عادت پڑ جائے گی اور ہفتے بھر میں پوری رفتار سے لکھنے لگیں گی۔

مزید کسی قسم کی مدد کی ضرورت ہو تو کسی بھی منتظم سے بلا تکلف رابطہ فرمائیں۔

 

[عمران شناور]

چلیے اب ی سے شعر پوسٹ کریں تاکہ سلسلہ آگے بڑھایا جائے

 

[شمشاد]

آپ تو دے ہی نہیں رہے شعر، میں ہی پھر سے شروع کر دیتا ہوں۔
---------------------------------------------------------------------

​

جن سے پھولوں کے بچھانے کی تھی امید قدیر​

میری راہوں میں انہوں نے ہی بچھائے پتھر​

(قدیر انصاری)

 

[صائمہ شاہ]

بٹیا رانی، یہ گوگل سے یقیناً مختلف ہے لیکن ہماری رائے میں گوگل سے کہیں زیادہ سہل ہے۔ یہاں فونیٹک کی بورڈ فعال ہے۔ یعنی الف کے لئے a ب کے لئے b و علیٰ ہٰذا القیاس۔ اسی طرح بعض حروف شفٹ کے ساتھ ٹائپ ہوتے ہیں جیسے ت کے لئے t اور ٹ کے لئے شفٹ کے ساتھ T۔ کچھ حروف جن کا کوئی فونیٹک بدل موجود نہیں وہ کہیں اور بھی ہو سکتے ہیں مثلاً ش کے لئے x، ط کے لئے v ظ کے لئے شفٹ کے ساتھ V وغیرہ۔

آپ ایک بار ساری کیز ایک ایک کرکے دباتی چلی جائیں اور مشاہدہ کر لیں کہ کس کی سے کیا لکھا جاتا ہے۔ اسی طرح شفٹ دبا کر تمام کیز دبا کر دیکھ لیں۔ ان شاء اللہ دو ایک دن میں اچھی خاصی عادت پڑ جائے گی اور ہفتے بھر میں پوری رفتار سے لکھنے لگیں گی۔

مزید کسی قسم کی مدد کی ضرورت ہو تو کسی بھی منتظم سے بلا تکلف رابطہ فرمائیں۔

شکریہ

 

[عمران شناور]

رخ بدلنے لگا فسانے کا
لوگ محفل سے اٹھ کے جانے لگے
باقی صدیقی

 

[شمشاد]

​

یہاں درد سے ہاتھ سینے پہ رکھا​

وہاں ان کو گزرے گماں کیسے کیسے​

(امیر مینائی)​

 

[عمران شناور]

یوں اٹھے آہ اس گلی سے ہم
جیسے کوئی جہاں سے اٹھتا ہے
میر

 

[شمشاد]

​

یہ اور بات کہ شیشہ تھا درمیاں منصور​

چراغ ہوتا ہے جیسے وہ جسم ایسا تھا​

(منصور آفاق)​

 

[عمران شناور]

اس قدر کون محبت کا صلہ دیتا ہے
اس کا بندہ ہوں جو بندے کو خدا دیتا ہے
احمد ندیم قاسمی

 

[محمد امین]

امین بھائی یہ بیت بازی کا دھاگہ ہے۔ آپ کن الفاظ حروف سے شعر دے رہے ہیں۔​

--------------------------------------------------------------------------​

​

نگہ شوق کا حال نہ پوچھ​

سر بسر اضطراب ہو کے رہی

(فانی بدایونی)​

​

اففف میں شعر کا جواب شعر سے سمجھ کر پوسٹ کیے جا رہا تھا

 

[شمشاد]

یقیں کریں تو کیجیے، شہادتیں نہ مانگیے
حقیقتیں بدل چکیں، روایتیں نہ مانگیے
(سہیل ثاقب)

 

[صائمہ شاہ]

یارو میں اس نظر کی بلندی کو کیا کروں
سایہ بھی اپنا دیکھتا ہوں آسمان پر

 

[مغزل]

راہِ مضمونِ تازہ بند نہیں
تاقیامت کھلا ہے بابِ سخن
ولی دکنی

 

[غ۔ن۔غ]

نظر عذاب ہے پاؤں میں ہو اگر زنجیر
فضا کے رنگ کو دیکھوں کہ بال و پر دیکھوں

 

[شمشاد]

نہ جانے کون سے ترکش کے تیر کب چل جائیں
نشانِ مہر کمانِ سپر میں رکھا جائے
(افتخار عارف)

 

[عمران شناور]

یہ عشق نام ہمہ وقت کی طلب کا ہے
کسی کے عشق میں پڑ کر فراغتیں کیسی
ابرار حامد

 

[امیداورمحبت]

احباب کی جفائیں تو زخمی نہ کرسکیں
احباب کے خلوص کا مارا ہوا ہوں میں
عدم

 

[غ۔ن۔غ]

یہ آرزو تھی تجھے گل کے روبرو کرتے
ہم اور بلبلِ بیتاب گفتگو کرتے

 

[امیداورمحبت]

یہی ہے ناں تمہیں ہم نے بچھڑ جانے کی جلدی ہے
کبھی ملنا تمھارے مسئلے کا حل نکالیں گے
سلیم کوثر