بیت بازی سے لطف اٹھائیں (3)

[شمشاد]

ابتدا علامہ کے ایک شعر سے :

خودی کو کر بلند اتنا کہ ہر تقدیر سے پہلے
خدا بندے سے خود پوچھے بتا تیری رضا کیا ہے

 

[ہما]

یہ کہاں کی دوستی ہے ، کہ بنے ہیں‌دوست ناصح
کوئی چارہ ساز ہوتا کوئی غمگُسار ہوتا

 

[امر شہزاد]

اک بار وہ ملا تھا مجھے بے رخی کے ساتھ
اس دن سے دل کا شہر برابر اداس ہے

 

[شمشاد]

ی۔ہ م۔ہ و نج۔وم ک۔ی روش۔نی ت۔رے حس۔ن کا پ۔رت۔و ب۔دل نہیں
ترا ہجر، شب کا سہاگ تھا، مرے غم کی مانگ بھری رہی
(سید نصیر الدین نصیر)

 

[فہداعجاز]

یونہی بے سبب نہ پھرا کرو کوئی شام گھر بھی رہا کرو
یہ غزل کی سچی کتاب ہے اسے چپ کے چپ کے پڑھا کرو

 

[مغزل]

وا حسرتا کہ یار نے کھینچا ستم سے ہاتھ​

ہم کو حریصِ لذّتِ آزاد دیکھ کر​

چچا جان​

 

[فہداعجاز]

یہ مجھے سمجھ نہیں آئی کہ مجھے ن سے شعر لکھنا ہے کہ ر سے
چلو ر سے لکھ دیتے ہیں

روشن چراغ یاد بھی کرتا نہ تھا کوئی
قبضہ ہمارے شہر پہ ایسی ہوا کا تھا

 

[ہما]

اُن کے دیکھے سے جو آ جاتی ہے مُنہ پر رونق
وہ سمجھتے ہیں کہ بیمار کا حال اچھا ہے

 

[مغزل]

یادِ ماضی عذاب ہے یارب
چھین لے مجھ سے حافظہ میرا

 

[ہما]

اطہر تُم نے عشق کیا ، کچھ تُم ہی کہو کیا حال ہوا
کوئی نیا احساس ملا، یا سب جیسا احوال ہوا

 

[محمداحمد]

اب بھی اوجھل نگاہوں سے نشانِ منزل
زندگی تو ہی بتا کتنا سفر باقی ہے

 

[شمشاد]

یاد کا موسم جب سے بادل چال ہوا
اجڑ گئے سپنے، جیون جنجال ہوا
(رام ریاض)

 

[ہما]

 

[الف عین]

یوں بہت ہنس کے ملا تھا لیکن
دل ہی دل میں وہ خفا ہو جیسے
پروین شاکر

 

[ہما]

یہ اور بات کسی پیڑ سے منسوب نہیں‌
برگِ آوارہ سہی ہیں‌تو چمن میں‌ہم بھی

 

[امر شہزاد]

ہمارے شوق کے آسودہ و خوش حال ہونے تک
تمھارے گیسو و رخسار کا سودا ہو چکا ہوگا

 

[امر شہزاد]

میں یہ شعر کہیں اور پوسٹ کر رہا تھا غلطی سے ایسا ہو گیا۔

 

[الف عین]

امر شہزاد۔۔ ی سے شعر دینا تھا، دو دو بار ہ سے دیا ہے!!

 

[مغزل]

[font="urdu_umad_nastaliq"]

اک س۔۔۔تارہ ہے کہکش۔۔۔۔اؤں میں
اک س۔۔تارے میں کہکش۔۔اں آباد
س۔۔۔ید انور ج۔۔۔اوید ہاشمی

اگلا شعر ’’ د ‘‘ سے ہوگا۔۔۔​

[/font]

 

[سارہ خان]

دل نے دنیا کے ہر اک درد کو اپنا تو لیا
مضمحل روح کو اندازِ جنوں مل نہ سکا۔۔۔۔۔۔