طارق شاہ
محفلین
غزل
بنیں شریکِ سفر وہ مکاں سے گھر کے لیے
تو وجہ کیا کوئی باقی ہو دِل میں ڈر کے لیے
طَلَب ذرا نہ ہو تکیہ کی عُمر بھر کے لیے!
مُیَسّر اُن کا ہو زانُو جو میرے سر کے لیے
تمنّا دِل میں کہاں اب کسی بھی گھر کے لیے
نہیں ہے چاند مُیسّر جو بام و دَر کے لیے
کوئی بھی پیار ہو، اِظہار سے عِبارت ہے!
کریں بَبانگِ دُہُل مجھ سا بَہرَہ وَرکے لیے
ہم آئے چھوڑ کے سب حِفظِ ما تَقَدُّم میں !
نہ جذبِ نقل مَکانی، نہ مال و زَر کے لیے
طَلَب میں دِید کی گریہ کُناں ہُوں شام وسَحر
رَسَدخوشی کی مِری جان! چشمِ تر کے لیے
گو اِضطِراب وغَمِ دِل پہ غم نہیں باقی
مگر سُکُوت یہ کافی نہیں بَھنوَر کے لیے
رَہِ سُخن میں اُفق پر ہُوں اِس میں شک نہ رہا!
جو شَہسَواروں نے بَوسے مِرے اُتر کے لیے
وہ بعدِ مرگ بھی زندہ رَہَیں سُخن سے ،خلشؔ!
جو ذَوق وعِلم پہ سر گشتہ ہوں ہُنر کے لیے
شفیق خلشؔ
جنوری ۲۰۲۳
بنیں شریکِ سفر وہ مکاں سے گھر کے لیے
تو وجہ کیا کوئی باقی ہو دِل میں ڈر کے لیے
طَلَب ذرا نہ ہو تکیہ کی عُمر بھر کے لیے!
مُیَسّر اُن کا ہو زانُو جو میرے سر کے لیے
تمنّا دِل میں کہاں اب کسی بھی گھر کے لیے
نہیں ہے چاند مُیسّر جو بام و دَر کے لیے
کوئی بھی پیار ہو، اِظہار سے عِبارت ہے!
کریں بَبانگِ دُہُل مجھ سا بَہرَہ وَرکے لیے
ہم آئے چھوڑ کے سب حِفظِ ما تَقَدُّم میں !
نہ جذبِ نقل مَکانی، نہ مال و زَر کے لیے
طَلَب میں دِید کی گریہ کُناں ہُوں شام وسَحر
رَسَدخوشی کی مِری جان! چشمِ تر کے لیے
گو اِضطِراب وغَمِ دِل پہ غم نہیں باقی
مگر سُکُوت یہ کافی نہیں بَھنوَر کے لیے
رَہِ سُخن میں اُفق پر ہُوں اِس میں شک نہ رہا!
جو شَہسَواروں نے بَوسے مِرے اُتر کے لیے
وہ بعدِ مرگ بھی زندہ رَہَیں سُخن سے ،خلشؔ!
جو ذَوق وعِلم پہ سر گشتہ ہوں ہُنر کے لیے
شفیق خلشؔ
جنوری ۲۰۲۳