ساغر نظامی بنا لیں گلستاں دل کو، نظر کو باغباں کرلیں - ساغر نظامی

کاشفی نے 'پسندیدہ کلام' کی ذیل میں اس موضوع کا آغاز کیا، ‏فروری 19, 2014

  1. کاشفی

    کاشفی محفلین

    مراسلے:
    15,393
    غزل
    (ساغر نظامی)
    بنا لیں گلستاں دل کو، نظر کو باغباں کرلیں
    ہمارے بس میں ہو تو، اپنی دنیا جاوداں کرلیں

    تعیّن وجہِ تسکیں ہے، تجاوز وجہ بربادی
    قفس کو کیوں خیالوں میں حریف آشیاں کرلیں

    ہَوا طوفانِ رنگ و بو کا ساماں لے کے آئی ہے
    چمن والے ابھی سے انتظامِ گلستاں کرلیں

    جنہیں مدِّنظر ہو امتحاں معیارِ وحشت کا
    وہ پہلے اپنے معیارِ نظر کا امتحاں کرلیں

    میں ناواقف سہی منزل سے، منزل مجھ سے واقف ہے
    مجھے بھی قافلے والے شریکِ کارواں کرلیں

    چمن میں جانے کل کس برق وش کی حُکمرانی ہو
    ابھی سے عندلیب و گُل کو اپنا رازداں کرلیں

    ہمارا حق ہے اے صیّاد، ہر غنچہ پہ، ہر گُل پر
    جو ہم چاہیں تو ہر شاخِ چمن پر آشیاں کرلیں

    گُل اپنے، غُنچے اپنے، گلستاں اپنا، بہار اپنی
    گوارا کیوں چمن میں رہ کے ظلمِ باغباں کرلیں

    اسی خاکِ چمن سے ابر خونیں بن کے اُٹھوں گا
    وہ میرے خون سے رنگیں قبائے گلستاں کرلیں

    یہ اک بجلی کہ رقصاں ہے، یہ اک شعلہ کہ عریاں ہے
    جو مل جائے تو ہم روشن چراغِ آشیاں کرلیں

    ہمارے سجدوں میں روحانیت ہے، تیرے جلوؤں کی
    جبیں جس ذرّے پر رکھ دیں، مرتب آستاں کرلیں

    نیا نوحہ لکھے گا کون مرگِ نوجوانی کا
    مرا اک شعرِغم ہی یاد میرے نوحہ خواں کرلیں

    نہ دے پھر کوئی غربت میں ثبوتِ آبلہ پائی
    وہ ساغر کاش کانٹوں کو بھی اپنا ہم زباں کرلیں
     
    • زبردست زبردست × 1
  2. مدیحہ گیلانی

    مدیحہ گیلانی محفلین

    مراسلے:
    2,282
    جھنڈا:
    Pakistan
    موڈ:
    Bored
    اسی خاکِ چمن سے ابر خونیں بن کے اُٹھوں گا
    وہ میرے خون سے رنگیں قبائے گلستاں کرلیں
    واہ واہ سبحان اللہ !
    لاجواب کلام بے انتہا خوبصورت انتخاب ۔
    پیشکش کا شکریہ کاشفی صاحب !
     
    • دوستانہ دوستانہ × 1
  3. کاشفی

    کاشفی محفلین

    مراسلے:
    15,393
    بہت شکریہ ۔ خوش و خرم رہیں ہمیشہ۔۔:)
     

اس صفحے کی تشہیر