ایک پکنک کی روداد:فقط ایک مچھلی:از: محمد خلیل الرحمٰن

[محمد خلیل الرحمٰن]

فقط ایک مچھلی​

محمد خلیل الرحمٰن​

سمندر میں پکنک منانے گئے تھے​

کہ ہم مچھلیوں کو رِجھانے گئے تھے​

مگر ہاتھ آئی ، فقط ایک مچھلی​

سمندر کی پیاری، بہت نیک مچھلی​

سمندر نے ہم کو عطاکی جو مچھلی​

وہ نیلی ، وہ پیلی، وہ خاکی ، وہ اصلی​

بہت نیک اور خوبصورت سی مچھلی​

فرشتہ صفت، ایک مورت سی مچھلی​

کئی اِک شکاری وہاں تاک میں تھے​

مگر اسکی خواہش، کوئی نیک پکڑے​

پہنچ کر وہاں ہم نے کانٹا جو ڈالا​

وہی دِل لبھانے کا رنگین آلا​

جونہی اس میں چارہ ، (دِل اپنا ) لگایا​

دِل اُس جل پری کا یونہی کِھنچ کے آیا​

تو یوں صاحبو! ہم نے اُس دِن پکڑلی​

وہ نازک سی چنچل سی ، دِ ل پھینک مچھلی​

بہت خوبصورت ، بہت نیک مچھلی​

شکاری کی قسمت، فقط ایک مچھلی​

​

سبق اس کہانی سے ملتا یہی ہے​

سمندر کی مخلوق بھی جل پری ہے​

مگر اپنا حصہ فقط ایک مچھلی​

بہت خوبصورت بہت نیک مچھلی​

 

[شمشاد]

بہت خوب جناب بہت شکریہ۔

اللہ ایک ہی سے توڑ نبا دے تو صد شکر۔

 

[محمد وارث]

خوب ہے خلیل صاحب۔

 

[ابن سعید]

مگر اپنا حصہ فقط ایک مچھلی

کیا مطلب ہے آپ کا؟ یہاں بھی ایک سے زائد چاہئے؟

 

[شمشاد]

وہ تو پہلے ہی کہہ چکے ہیں کہ چار تک کی اجازت ہے تو ۔۔۔۔

 

[الف عین]

خوب۔۔۔۔

 

[محمد خلیل الرحمٰن]

کیا مطلب ہے آپ کا؟ یہاں بھی ایک سے زائد چاہئے؟

ہے جستجو کہ خوب سے ہے خوب تر کہاں
اب دیکھیے ٹھہرتی ہے جاکر نظر کہاں

 

[شمشاد]

متفق جناب عالی، لہذا no comments

 

[مغزل]

کیا کہنے خلیل صاحب۔۔ بہت عمدہ اور شگفتہ نظم ہے بے ساختہ ہنسی آگئی۔۔ یوں بھی ان دنوں ہنسی موقوف تھی ۔۔ چلیے آپ کی نظم سے ہی بحال ہوگئی ۔۔ سدا سلامت رہیں شاد باد کامران رہیں ۔۔

 

[میر انیس]

بہت مزیدار مچھلی اوہ معاف کیجئے گا نظم ہے اللہ طاقت دے آپ کو اور مچھلیاں پھنسانے کی۔

 

[میر انیس]

کیا کہنے خلیل صاحب۔۔ بہت عمدہ اور شگفتہ نظم ہے بے ساختہ ہنسی آگئی۔۔ یوں بھی ان دنوں ہنسی موقوف تھی ۔۔ چلیے آپ کی نظم سے ہی بحال ہوگئی ۔۔ سدا سلامت رہیں شاد باد کامران رہیں ۔۔

کیا ہوا محمود خیریت تو ہے؟

 

[محمد خلیل الرحمٰن]

ہم بھی یہی پوچھا ہی چاہتے تھے۔ شادی کا ہنگامہ اور ہنسی موقوف؟ چہ معنی دارد؟

 

[مغزل]

جی جی ۔۔ انیس بھائی ( میر انیس ) ۔۔ سب کرم ہے مالک کا۔۔ محبتوں کے لیے شکر گزار ہوں۔
میں نے خلیل صاحب سے فون پر آپ کے لیے بھی اس تشویش پر بات کی تھی ( اللہ جزا عطا فرمائے آمین)۔۔
باقی خود خلیل صاحب ( محمد خلیل الرحمٰن ) کی بتائیں گے آپ کو۔۔۔

 

[نورمحمد]

مگر اسکی خواہش، کوئی نیک پکڑے۔۔۔۔۔ شاید اسی لئے میں اکثر مچھلی کے شکار میں ناکام لوٹ آتا ہوں ۔ ۔ ۔

 

[شمشاد]

خلیل بھائی سے تھپکی شپکی لے کر مچھلی کے شکار کو جایا کریں، ویسے آپ کون سی مچھلی کی بات کر رہے ہیں، وہ جو کانٹے میں آتی ہے یا وہ جو ہاتھ سے پھسل جاتی ہے؟

 

[نورمحمد]

کانٹے والی حضرت۔ ۔ ۔ ۔

ہم اکثر چھٹیوں میں گاؤن میں 3-4 دوست مچھلی کا شکار کرنے جاتے ہیں اور مزے کے بات یہ کہ مجھے تو کچھ نہیں ملتا مگر کبھی خالی ہاتھ واپس نہیں ہوتا ۔ سبھی دوست اپنے حصے میں سے مجھے بھی دے دیتے ہیں۔۔۔ ہا ہا ہا۔۔۔

 

[محمد خلیل الرحمٰن]

کیا مطلب ہے آپ کا؟ یہاں بھی ایک سے زائد چاہئے؟

وہ تو پہلے ہی کہہ چکے ہیں کہ چار تک کی اجازت ہے تو ۔۔۔ ۔

بہت مزیدار مچھلی اوہ معاف کیجئے گا نظم ہے اللہ طاقت دے آپ کو اور مچھلیاں پھنسانے کی۔

خلیل بھائی سے تھپکی شپکی لے کر مچھلی کے شکار کو جایا کریں، ویسے آپ کون سی مچھلی کی بات کر رہے ہیں، وہ جو کانٹے میں آتی ہے یا وہ جو ہاتھ سے پھسل جاتی ہے؟

لوگ بھی کیا خوب ہوتے ہیں، ایک سادہ سی نظم میں آئینے کی طرح ، اپنی ساری دلی خواہشات پڑھ لیتے ہیں۔

 

[شمشاد]

قسم لے لیں، میری اس میں ایک بھی دلی خواہش نہیں ہے۔ صرف خواہش کی کہیں تو اور بات ہے۔

 

[محمد خلیل الرحمٰن]

ہزاروں خواہشیں ایسی کہ ہر خواہش پہ دم نکلے
بہت نکلے مرے ارمان لیکن پھر بھی کم نکلے

 

[یوسف-2]

بہت اچھے بھئی بہت اچھے
عنایت علی خان کی نظم ۔۔۔ بول میری مچھلی ۔۔۔ یاد آگئی، گو کہ ان دونوں مچھلیوں کی نسل الگ ہے