ایک صبح کا ذکر ہے ۔ ۔ ۔ ۔

یاز

محفلین
اور یہاں ایک بیگم اس تحریرکے دوران کینہ توز نظروں سےاپنے شوہر نامدار کو دیکھ رہی ہیں اور سوچ رہی ہیں کہ بس چند سطور اور پڑھ لو ں پھر جنگ کے بگل۔۔۔۔۔یعنی جرم آدم نے کیا اور نسل آدم کو سزا وغیرہ وغیرہ! :laughing:
592wyf.jpg


j6oM4vFu5kSr_vEWG_QvK6Kuo05KciJKHx6EcKHFnYkB-K8bdbPuFqQftzfQGznrFVuNaWsXelNoPusu5461PAFgaE9hbGePv4TH3XqDW8xUIL2d0bikSb2mMWDNERiGdw9Bz3y5c1KJ404-8RRtrYq_bh3eY2bIC2w

 

یاز

محفلین
آمین ثم آمین! :redheart:

خیر مبارک اور یہ محفل کی اختتامی تقریب کے لیے جاسمن بجو کی طرف سے شروع کی جانے والی وہی لڑی تھی جس میں ہمارے مراسلے کے کچھ ہی دیر بعد گھمسان کا رن پڑا تھا تاہم زیک کے آنے سے پہلے پہلے سیز فائر کروا دیا گیا۔ :) :)
ماشاءاللہ بہت مبارک ہو۔
بارانِ رحمت ببارد بر سراسر زندگی تو
مهر و وفا مثلِ بهاران جاودان در خانهٔ تو

(تیری پوری زندگی پر اللہ کی رحمت کی بارش ہو، محبت اور وفا تیرے گھر میں بہار کی مانند ہمیشہ قائم رہیں)
 

نیرنگ خیال

لائبریرین
اور یہاں ایک بیگم اس تحریرکے دوران کینہ توز نظروں سےاپنے شوہر نامدار کو دیکھ رہی ہیں اور سوچ رہی ہیں کہ بس چند سطور اور پڑھ لو ں پھر جنگ کے بگل۔۔۔۔۔یعنی جرم آدم نے کیا اور نسل آدم کو سزا وغیرہ وغیرہ! :laughing:
شادی مبارک ہو۔۔۔

شادی اناؤنس کرنے کا خوب طریقہ ہے! مبارک ہو
کیا کمال بات کی ہے۔۔۔
 

نیرنگ خیال

لائبریرین
نین بھائی ، تین چار اور مضامین ہیں زنبیل میں لیکن طوالت کی وجہ سے انہیں نکالتے ہوئے ڈر لگتا ہے ۔ میری رائے میں فیس بک اور دیگرسوشل میڈیا نے ایک اور ظلم جو کیا ہے وہ یہ کہ اکثر قارئین کو مختصر تحریروں کی عادت ڈال دی ہے۔ کہاں تو لوگ کئی کئ صفحات کے مضمون بلکہ پوری پوری کتاب ایک نشست میں پڑھ ڈالتے تھے اب توجہ کا دورانیہ چند منٹوں تک محدود ہوگیا ہے۔ اس کی ایک وجہ لوگوں کی مصروفیت بھی ہے شاید
آپ کی محبت اور توجہ کے لیے سراپا سپاس ہوں۔ اللہ کریم شاد و آباد رکھے!
مصروفیت تو جعلی ہے۔۔۔ مجھے نہیں لگتا کہ اصل میں لوگ اتنے مصروف ہیں جتنا کہ وہ بتاتے ہیں۔۔۔ مثلا جو شخص روز کی دو سے تین گھنٹے شارٹ ویڈیوز دیکھتا ہو۔۔۔ وہ کاہے کا مصروف۔۔۔ اور اگر کسی کا سکرین ٹائم دو تین گھنٹے ہیں۔۔۔ تو پھر وہ پڑھ سکتا ہے۔۔۔ لیکن اصل بات یہ ہے کہ لوگوں کو قول اقوال کی عادت سی ہوگئی ہے۔۔۔ بہرحال الحمداللہ۔۔۔ یہ ہمارا مسئلہ نہیں ہے۔۔۔ ہم تو منتظر رہتے ہیں۔۔۔ جلد سے جلد وہ تحاریر یہاں لگائیں۔۔۔۔ شدت سے انتظار ہے۔
 

ظہیراحمدظہیر

لائبریرین
واہ واہ جناب۔
بہت عرصے بعد ایسی شگفتہ تحریر پڑھی کہ مزہ آ گیا۔ ایسی تحریر کا اصل کمال یہ ہے کہ پڑھتے ہوئے ہر قاری خود کو بھی جیسے داستان کا ’’مفعول‘‘ سمجھ رہا ہو۔
اللہ کرے کہ زورِ قلم اور زیادہ۔
نیز یہ کہ انجمنِ شوہران کی جانب سے مشترکہ کمنٹ یہ بھی کہ
جو تیرا حال ہے، وہ میرا حال ہے
اس حال سے حال ملاوؑ
بہت شکریہ جناب! بہت نوازش! اللہ آپ کو خوش رکھے!

میں پرانی دنیا کا آدمی ہوں ۔جیو اور جینے دو پر یقین رکھتا ہوں۔ میری نثر نگاری گھر ، کام اورروزمرہ زندگی کے ارد گرد ہی گھومتی ہے سو عجب نہیں کہ کچھ قارئین ان کہانیوں میں اپنا عکس دیکھتے ہیں۔
 

ظہیراحمدظہیر

لائبریرین
مصروفیت تو جعلی ہے۔۔۔ مجھے نہیں لگتا کہ اصل میں لوگ اتنے مصروف ہیں جتنا کہ وہ بتاتے ہیں۔۔۔ مثلا جو شخص روز کی دو سے تین گھنٹے شارٹ ویڈیوز دیکھتا ہو۔۔۔ وہ کاہے کا مصروف۔۔۔ اور اگر کسی کا سکرین ٹائم دو تین گھنٹے ہیں۔۔۔ تو پھر وہ پڑھ سکتا ہے۔۔۔ لیکن اصل بات یہ ہے کہ لوگوں کو قول اقوال کی عادت سی ہوگئی ہے۔۔۔ بہرحال الحمداللہ۔۔۔ یہ ہمارا مسئلہ نہیں ہے۔۔۔ ہم تو منتظر رہتے ہیں۔۔۔ جلد سے جلد وہ تحاریر یہاں لگائیں۔۔۔۔ شدت سے انتظار ہے۔
نین بھائی ، آپ کی محبت کا مقروض ہوں۔ کمپیوٹر میں پرانی فائلوں اور ایمیلوں کی تلاش جاری ہے۔ ایک مضمون کل نکال لیا ہے ۔ چند روز میں جیسے جیسے ذہنی فرصت میسر آتی ہے اس ڈرافٹ کو دیکھتا ہوں۔ ان شاءاللہ ماہِ رواں کے جون بدلنے سے پہلے پہلے آپ کی خدمت میں پیش کردوں گا۔ ایک دو مضامین کو اگلے ماہ تک کے لیے اٹھا رکھتا ہوں ۔ وہ سالگرہ کی لڑیوں میں مناسب رہیں گے۔
 
ماشاءاللہ بہت مبارک ہو۔
بارانِ رحمت ببارد بر سراسر زندگی تو
مهر و وفا مثلِ بهاران جاودان در خانهٔ تو

(تیری پوری زندگی پر اللہ کی رحمت کی بارش ہو، محبت اور وفا تیرے گھر میں بہار کی مانند ہمیشہ قائم رہیں)
خیر مبارک۔ آمین ثم آمین 🌸
 

یاز

محفلین
آپ یہ لڑی بند کروائیں گے کیا ؟! :)

لارڈ آف دا رنگز میری بھی پسندیدہ فلمیں ہیں۔ بچوں کے ساتھ بہت پہلے ایک دفعہ دیکھ چکا ہوں۔ دوسری بارریٹائرمنٹ کے بعد دیکھنے کا ارادہ ہے۔:)
اس معاملے میں ہم اور برادرم زیک بھی آپ کے ہم خیال ہیں۔
جب بھی دیکھی تو ایکسٹینڈڈ ورژن یا ایڈیشن دیکھئے گا۔
 

زیک

مسافر
اس معاملے میں ہم اور برادرم زیک بھی آپ کے ہم خیال ہیں۔
جب بھی دیکھی تو ایکسٹینڈڈ ورژن یا ایڈیشن دیکھئے گا۔
میں اس پر احتجاج کرتا ہوں۔ یہ میری فیورٹ مووی سیریز ہے اور کم از کم آدھ درجن بار دیکھی ہوئی ہے۔ جب بھی دیکھی ایکسٹینڈڈ ایڈیشن ہی دیکھی
 

سیما علی

لائبریرین
ظہیر بھائی
کیا خوبصورت اور
مزیدار تحریر بڑے عرصے بعد پڑھنے کو ملی ۔پڑھتے ہوئے یو ں محسوس ہوا کہ أپ خود اس کا حصہ ہیں
کیا بات ہے ڈھیروں دعائیں

چاکلیٹ کا ڈبہ کھولتے ہی ان کی ساری ناراضگی ایکدم دور ہو گئی تھی۔"
میں نے کہا ۔ "لیکن تمہاری بھابی کو تو چاکلیٹ کچھ اتنے زیادہ پسند نہیں۔"
جھٹ سے بولے۔" چاکلیٹ تو میری بیگم کو بھی پسند نہیں۔ لیکن چاکلیٹ کے ڈبے سے برآمد ہونے والے سونے کے نیکلس کو فوراً خوشی خوشی پہن لیا۔ چاکلیٹ کو تو ہاتھ بھی نہیں لگایا
چاکلیٹ سے تو واقعی خوش ہونے والی نہیں البتہ نیکلیس سے کچھ کام بن جائے
کوشش جاری رکھیے۔
ہماری
دعائیں آپکے ساتھ ہیں۔
جیتے رہیے
 

نیرنگ خیال

لائبریرین
نین بھائی ، آپ کی محبت کا مقروض ہوں۔ کمپیوٹر میں پرانی فائلوں اور ایمیلوں کی تلاش جاری ہے۔ ایک مضمون کل نکال لیا ہے ۔ چند روز میں جیسے جیسے ذہنی فرصت میسر آتی ہے اس ڈرافٹ کو دیکھتا ہوں۔ ان شاءاللہ ماہِ رواں کے جون بدلنے سے پہلے پہلے آپ کی خدمت میں پیش کردوں گا۔ ایک دو مضامین کو اگلے ماہ تک کے لیے اٹھا رکھتا ہوں ۔ وہ سالگرہ کی لڑیوں میں مناسب رہیں گے۔
تساہل ایک مشکل لفظ ہے اس لفظ کے معنی
کتابوں میں کہاں ڈھونڈوں ظہیر سے پوچھ لوں گا میں

امید ہے انور شعور اس ترمیم پر برا نہ منائیں گے
 
استادِ محترم السلام و علیکم!
پطرس بخاری صاحب میرے پسندیدہ مزاح نگار ہیں۔آپ کی تحریر کی برجستگی اورمنظر نگاری نے ان کی یاد تازہ کردی۔ میرےسمیت دوسرے محفلین آپ کی شاعری کے معترف تو تھے ہی لیکن اس شگفتہ تحریر نے یہ باور کرادیا کہ آپ کی حسِ مزاح بہت اعلٰی درجے کی ہےاور نثر نگاری زبردست ۔آج کل بہت سے مزاح نگار مزاح کے نام پر شاعری اور نثر میں عامیانہ پن اور پھکڑ بازی کا مظاہرہ کرتے ہیں ۔ آپ کی تحریر ان کے لیے درسی کتاب کے ایک مضمون کی حیثیت رکھتی ہے۔
رات کو سونے سے پہلے انٹرنیٹ پر کچھ دیر ایک مزاحیہ مشاعرہ دیکھا تھا جس میں تقریباً ہر شاعر نے اپنے طنز و مزاح کا ہدف حسبِ معمول بیگم کی ذاتِ با برکات ہی کو بنایا تھا
لگتا ہے کہ مزاحیہ شاعری لکھنی ہو یا مزاحیہ نثر بیگم کی ذات با برکات اس کا ایک آسان ہدف ہے۔ :)
حالانکہ مزاح لکھنے والوں نے عام سی چیزوں کو لے کر ایسا مزاح تخلیق کیا ہے کہ سبحان اللہ
جیسا کہ:
پطرس بخاری صاحب کی تحریر--------------- مرحوم کی یاد میں
سیدامتیاز علی تاج صاحب کی لکی تحریر ----------- چچا چھکن نے تصویر ٹانگی
 

ظہیراحمدظہیر

لائبریرین
میں اس پر احتجاج کرتا ہوں۔ یہ میری فیورٹ مووی سیریز ہے اور کم از کم آدھ درجن بار دیکھی ہوئی ہے۔ جب بھی دیکھی ایکسٹینڈڈ ایڈیشن ہی دیکھی

احتجاج بولے تو؟
ہم نے بھی شاید انہی معنوں میں بات کی تھی۔

کئی بار دیکھنے کی کوشش کی ۔ایک دفعہ تو لانگ ویک اینڈ پر تہیہ کرلیا تھا کہ سارا دن بیٹھ کر پوری ٹرائیلوجی دیکھنی ہے۔ لیکن کبھی بھی آدھے پون گھنٹے سے زیادہ نہیں دیکھ پایا۔ کسی نہ کسی وجہ سےادھورا چھوڑ کر اٹھنا پڑا۔
اور ایسی فلمیں قسطوں میں تو نہیں دیکھی جاسکتیں۔ تقریباً یہی حال انڈیا جونز کی فلموں کے ساتھ بھی ہوا۔ ایک بار سے زیادہ کبھی نہیں دیکھ سکا۔
ریٹائرمنٹ کے بعد کرنے والے کاموں کی فہرست ہر سال طویل تر ہوتی جارہی ہے۔ :)
 

ظہیراحمدظہیر

لائبریرین
تساہل ایک مشکل لفظ ہے اس لفظ کے معنی
کتابوں میں کہاں ڈھونڈوں ظہیر سے پوچھ لوں گا میں

امید ہے انور شعور اس ترمیم پر برا نہ منائیں گے
نین بھائی ،مضمون کا تیا پانچہ شروع کردیا ہے۔ میں تو سمجھ رہا تھا کہ اس کی صرف نوک پلک درست کرنا ہوگی لیکن اس کی تو حجامت اور شیو بھی بنانی ہے اور اس کے بعد منہ کو اچھا خاصا رگڑ رگڑ کر دھونا بھی ہے۔ ورنہ آپ لوگ نفسِ مضمون کے بجائے خود مضمون پر ہنسیں گے۔:D
 
Top