ایسے اشعار جن میں کوئی ایک حرف بکثرت آیا ہو

[محمد اسامہ سَرسَری]

مشہور شعرائے کرام کے ایسے اشعار پیش کریں جن میں کوئی ایک حرف بکثرت آیا ہو۔
جیسے غالب کے اس شعر میں ”م“ آٹھ بار آیا ہے:
مملکتِ کمال میں ایک امیرِ نامور
عرصۂ قیل و قال میں، خسروِ نامدار ایک

اور جیسے علامہ اقبال کے اس شعر میں ”ق“ چار بار آیا ہے:
نکل کر خانقاہوں سے ادا کر رسم شبیری
کہ فقر خانقاہی ہے فقط اندوہ و دلگیری

اور جیسے ہمارے محترم فاتح صاحب کے اس شعر میں ”ر“ آٹھ بار ہے:
اک چہرۂ ابر آسا اترا مرے صحرا پر
ہاتھوں کے کٹورے میں اک جھیل اتر آئی

 

[محمد اسامہ سَرسَری]

ابن انشا کے اس شعر میں ”س“ سات بار آیا ہے:
ساون بھادوں ساٹھ ہی دن ہیں، پھر وہ رت کی بات کہاں
اپنے اشک مسلسل برسیں اپنی سی برسات کہاں

 

[الشفاء]

اے پھول میرے پھول کو یہ پھول دے دینا
کہنا کہ تیرے پھول نے یہ پھول بھیجا ہے۔

 

[محمد اسامہ سَرسَری]

ابن انشا کے اس شعر میں ”الف“ گیارہ بار آیا ہے:
دریا بہ حباب اندر، طوفاں بہ سحاب اندر
محشر بہ حجاب اندر، ہونا ہو تو ایسا ہو

 

[محمد اسامہ سَرسَری]

غالب کے اس شعر میں ”ب“ ملاحظہ فرمائیے:
اس کتابِ طرب نصاب نے جب
آب و تاب انطباع کی پائی

 

[نوید رزاق بٹ]

ایک ظریفانہ شعر کہیں سُنا تھا، شاعر کا نام معلوم نہیں۔ لفظ 'نہیں' اور حرف 'ن' متعدد بار آتے ہیں

نہ کر نہیں نہیں، یہ وقت نہیں نہیں کا
تیرے نہیں نہیں نے، چھوڑا نہیں کہیں کا

 

[MD MUBARAK ANSARI]

پل پل تسرتے تھے جس پل کے لیے
وہ پل بھی آیا کچھ پل کے لیے
سوچا اس پل کو روک لوں ایک پل کے لیے
پر وہ پل نہ رکا ایک پل کے لیے۔

 

[زوجہ اظہر]

اک یاد رہ جانے والا شعر کچھ یوں تھا
قسم تم کو مرے سرکی مرے پہلو سے مت سرکو
اگر سرکو تو یوں سرکو قلم کردو مرے سر کو

سات مرتبہ میم
سات مرتبہ سین
نو مرتبہ واو
نو مرتبہ رے

 

[زوجہ اظہر]

اور لے آئیں گے بازار سے گر ٹوٹ گیا
ساغر جم سے مرا جام سفال اچھا ہے

دس بار الف

 

[سیما علی]

جتنے موتی گرے آنکھ سے جتنا تیرا خسارا ہوا
دست بستہ تجھے کہہ رہے ہیں وہ سارا ہمارا ہوا

 

[سیما علی]

بدن کے قفل چٹختے تھے اسم ایسا تھا
نگار خانہء جاں کا طلسم ایسا تھا

 

[سیما علی]

یہ الگ اس مرتبہ بھی پشت پر خنجر لگا
یہ الگ پھر زخم پچھلے زخم کے اندر لگا مجھ سے لپٹی جا

 

[سیما علی]

بنا گلاب تو کانٹے چبھا گیا اک شخص
ہوا چراغ تو گھر ہی جلا گیا اک شخص

تمام رنگ میرے اور سارے خواب میرے
فسانہ تھے کہ فسانہ بنا گیا اِک شخص
عبید اللّہ علیم

 

[سیما علی]

دل کہ آتے ہیں جس کو دھیان بہت
خود بھی آتا ہے اپنے دھیان میں کیا

جون ایلیا

 

[سیما علی]

سنا ہے لوگ اسے آنکھ بھر کے دیکھتے ہیں
سو اس کے شہر میں کچھ دن ٹھہر کے دیکھتے ہیں

 

[سیما علی]

ہم ترستے ہی ترستے ہی ترستے ہی رہے
وہ فلانے سے فلانے سے فلانے سے ملے

کیف بھوپالی

 

[سیما علی]

جہاں تیرا نقش قدم دیکھتے ہیں
خیاباں خیاباں ارم دیکھتے ہیں

 

[سیما علی]

چلے ہو عرب کو خرامه خرامه
یہاں کی ضرورت ہے تازہ اقامہ

مسافر کا خالو نہ پھو پا نه ماما
اقامه اقامه اقامه اقامه
نعیم جاوید​

 

[سیما علی]

تمہارے دستِ نازُک کیلیے بھیجی تھی اک پہنچی
خبر پہنچی تو یہ پہنچی کہ وہ پہنچی نہیں پہنچی

 

[سیما علی]

وہ تھا جلوہ آرا مگر تم نے موسیٰ
نہ دیکھا، نہ دیکھا، نہ دیکھا، نہ دیکھا