1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $413.00
    اعلان ختم کریں

جون ایلیا اک پاگل لڑکی کو بھُلا کر اب تو بڑے آرام سے ہو

نیرنگ خیال نے 'پسندیدہ کلام' کی ذیل میں اس موضوع کا آغاز کیا، ‏جولائی 23, 2013

  1. نیرنگ خیال

    نیرنگ خیال لائبریرین

    مراسلے:
    17,747
    جھنڈا:
    Pakistan
    موڈ:
    Dunce
    جون! تمہیں یہ دور مبارک، دُور غمِ ایاّم سے ہو
    اک پاگل لڑکی کو بھُلا کر اب تو بڑے آرام سے ہو
    ایک ادھوری انگڑائی کے مستقبل کا خون کیا
    تُم نے اس کا دل رکھا یا اس کے دل کا خون کیا
    یہ جو تمہارا سحرِ تکلّم حسن کو کرتا ہے مسحور
    بانو، جمال آرا اور فضّہ کے حق میں ہے اک ناسور

    خونِ جگر کا جو بھی فن ہے سچ جانو، وہ جھوٹا ہے

    وہ جو بہت سچ بول رہا ہے ، سچ جانو وہ جھوٹا ہے
    قتلِ سیزر پر انطوائی جو کچھ بولا جھوٹ تھا وہ
    یعنی لبوں نے جتنا کچھ زخموں کو تولا جھوٹ تھا وہ
    میّت پر سُہراب کی فردوسی نے ناٹک کھیلا تھا
    اس کے ہونٹوں پر تھے نالے دل میں فن کا میلا تھا

    حسن بَلا کا قاتل ہو پر آخر کو بیچارا ہے
    عشق تو وہ قتّال ہے جس نے اپنے کو بھی مارا ہے
    یہ دھوکے دیتا آیا ہے دل کو بھی دنیا کو بھی
    اس کے جھوٹ نے خوار کیا ہے صحرا میں لیلیٰ کو بھی
    دل دکُھتا ہے کیسے کہوں مین،چل سے بے چل ہوتے ہیں
    جذبے میں جو بھی مرتے ہیں، وہ سب پاگل ہوتے ہیں

    تھی جو اک صیّاد تمہاری، ٹھہری ہے اک صیدِ زبوں
    یعنی اب ہونٹوں سے مسیحا کے رِستا ہے اکثر خون
    خون کی تھوکن ہے جو تمہاری، کیا ہے وہ اک پیشہ کہ نہیں
    تم ہو مسیحاوٗں کے حق میں قاتل اندیشہ کہ نہیں
    فن جو جُز فن کچھ بھی نہ ہو، وہ اک مہلک خوش باشی ہے
    کارِ سُخن پیشہ ہے تمہارا جو خونی عیّاشی ہے

    جون ، ہو تم جو بند بَلا کے "عشاقی" میں چاق بھی ہو
    تم جذبوں کے سوداگر ہو اور ان کے قزّاق بھی ہو
    عشق کی یاوہ سرائی آخر رد بھی ہونا چاہیے نا
    آخر کو بکواس کی کوئی حد بھی ہونا چاہیے نا
    میں جو ہوں باتوں کا ہوں میں، اک خاوند، اک خدا
    لڑکی کو پَرچانے کا فن کس نے جانا میرے سِوا

    جان، تمہی میرا سب کچھ ہو، جی نہیں سکتا میں تم بن
    لمحوں کی پیکار ہے جن میں، بس ہوں سسکتا میں تم بن
    سُنتے ہو وہ جان تمہاری، بس اب گھر تک زندہ ہے
    گھر کیا، وہ اُٹھ بھی نہیں سکتی، بس بستر تک زندہ ہے۔۔۔​
     
    • زبردست زبردست × 8
    • پسندیدہ پسندیدہ × 4
  2. شیزان

    شیزان لائبریرین

    مراسلے:
    6,469
    موڈ:
    Cool
    زبردست انتخاب نین بھائی
     
    • دوستانہ دوستانہ × 1
  3. نیرنگ خیال

    نیرنگ خیال لائبریرین

    مراسلے:
    17,747
    جھنڈا:
    Pakistan
    موڈ:
    Dunce
    شکریہ شیزان بھائی۔۔ خوشی ہوئی جو انتخاب ذوق لطیف پر پورا اترا :)
     
    • دوستانہ دوستانہ × 1
  4. امجد میانداد

    امجد میانداد محفلین

    مراسلے:
    4,969
    جھنڈا:
    Pakistan
    موڈ:
    Dead
    جون صاحب کی کیا ہی باتاں،

    بہت شکریہ شئیر کرنے کا بیاض نیرنگ سے عمدہ انتخاب :)
     
    • دوستانہ دوستانہ × 1
  5. نیرنگ خیال

    نیرنگ خیال لائبریرین

    مراسلے:
    17,747
    جھنڈا:
    Pakistan
    موڈ:
    Dunce
    :) شکریہ امجد بھائی۔۔۔ یہ جون ایلیا کی کتاب "یعنی" سے لی گئی ہے :)
     
    • پسندیدہ پسندیدہ × 1
  6. نیلم

    نیلم محفلین

    مراسلے:
    11,419
    جھنڈا:
    England
    موڈ:
    Lurking
    واہ بہت خُوب
     
    • دوستانہ دوستانہ × 1
  7. نیرنگ خیال

    نیرنگ خیال لائبریرین

    مراسلے:
    17,747
    جھنڈا:
    Pakistan
    موڈ:
    Dunce
    شکریہ آپ کا :)
     
    • پسندیدہ پسندیدہ × 1
  8. فلک شیر

    فلک شیر محفلین

    مراسلے:
    7,324
    جھنڈا:
    Pakistan
    موڈ:
    Shh
    ویسے اس کو سنجیدہ مت لے لیجیے گا.........:):):)
    جون صاحب رنگینی مضمون کی خاطر کافی کچھ فرما جاتے تھے.........
    ہمارے عزیز شاعردوست شناور اسحاق ایک رات لاہور سے مشاعرہ سے واپسی پہ فیصل آباد کے ایک شاعر مقصود وفا کو ساتھ لیتے آئے..............گپ شپ کے دوران انہوں نے عجیب بات سنائی، کہنے لگے جون اور میں گویا دانت کاٹی روٹی کھاتے تھے اور ہم پیالہ بھی تھے......... مقصود کہنے لگے کہ ایک روز جون انہیں کہنے لگے، یار مقصود بندے کا کوئی شاندار سا گھر ہونا چاہیے.........تو مقصود نے جواباً کہا’جون بھائی! وہ جو شاعری میں ہم درویشی، بے نیازی، شاعرانہ جمالیات، اور رندی کا ملغوبہ پیش کرتے ہیں، وہ!!!‘......
    کہنے لگے’اماں! وہ تو شاعری کی باتیں ہیں‘...................
     
    • معلوماتی معلوماتی × 2
    • پسندیدہ پسندیدہ × 1
  9. نیرنگ خیال

    نیرنگ خیال لائبریرین

    مراسلے:
    17,747
    جھنڈا:
    Pakistan
    موڈ:
    Dunce
    میں جون صاحب کے کلام سے ایسا کلام نمونہ کے طور پر پیش کرسکتا ہوں۔۔۔ جس میں ہوس اور حرص کو موضوع بنایا ہے۔۔ اور کیا خوب موضوع بنایا ہے :) لیکن بات یہ ہے کہ جب جون بھائی ہوس کی بات کرتے ہیں تو لہجہ اتنا بیباک کر لیتے ہیں کہ عوامی سطح پر شامل کرتے ہوئے بھی دل گھبراتا ہے۔ :)
     
    آخری تدوین: ‏جولائی 23, 2013
    • متفق متفق × 2
  10. فلک شیر

    فلک شیر محفلین

    مراسلے:
    7,324
    جھنڈا:
    Pakistan
    موڈ:
    Shh
    گھبرائیے مت...........ہمت کیجیے قبلہ.................:):):)
    جون کے پرستاروں کا دل گھبرانا نہ چاہیے.............
    اسی رات مقصود وفا کا سنایا ہوا ایک اور واقعہ:
    جون ہندوستان گئے کسی ادبی وفد میں شامل ہو کے........اپنے آبائی وطن کی طرف کچھ دوستوں کو لے کر نکل لیے............رستے میں کسی مزار پہ قوالی ہو رہی تھی........حافظ کے اشعار دل کو لگ گئے............جیب میں موجود آخری رپیہ تک اس قوال پہ لٹا دیا........پھر ساتھیوں سے کہا، جو کچھ جیب میں ہو، الٹ دو......... پیسے نکالے گئےاور وہ بھی قوال پہ لٹا دیے گئے..........آخر اچانک موڈ بدلا اور اٹھ کھڑے ہوئے..........اڈے پہ آئے تو صرف ایک آدمی کے پاس مشکل سے اتنے پیسے نکلے کہ واپس دلی پہنچ سکتے.............
     
    • زبردست زبردست × 2
    • معلوماتی معلوماتی × 2
  11. نیرنگ خیال

    نیرنگ خیال لائبریرین

    مراسلے:
    17,747
    جھنڈا:
    Pakistan
    موڈ:
    Dunce
    واہ واہ۔۔۔ جون اپنے مزاج کے آدمی تھے۔۔۔ ہم کہاں گھبراتے ہیں۔۔۔ ہمیں تو عوام کے پسینے کی پرواہ ہے۔۔۔ کہیں ان کی پیشانیاں نہ عرق آلود ہوجائیں۔۔۔۔ ;)
     
    • متفق متفق × 2
  12. اوشو

    اوشو محفلین

    مراسلے:
    2,321
    جھنڈا:
    Pakistan
    موڈ:
    Drunk
    حسن بَلا کا قاتل ہو پر آخر کو بیچارا ہے
    عشق تو وہ قتّال ہے جس نے اپنے کو بھی مارا ہے
    یہ دھوکے دیتا آیا ہے دل کو بھی دنیا کو بھی
    اس کے جھوٹ نے خوار کیا ہے صحرا میں لیلیٰ کو بھی
    دل دکُھتا ہے کیسے کہوں مین،چل سے بے چل ہوتے ہیں
    جذبے میں جو بھی مرتے ہیں، وہ سب پاگل ہوتے ہیں

    بہت اعلی
    بہت خوب انتخاب نیرنگ خیال جی
     
    • دوستانہ دوستانہ × 1
    • متفق متفق × 1
  13. نیرنگ خیال

    نیرنگ خیال لائبریرین

    مراسلے:
    17,747
    جھنڈا:
    Pakistan
    موڈ:
    Dunce
    شکریہ سرکار۔۔۔ اظہار خیال کے لیے تشکر۔۔۔ :)
     
  14. اوشو

    اوشو محفلین

    مراسلے:
    2,321
    جھنڈا:
    Pakistan
    موڈ:
    Drunk
    واقعی جون کو برداشت کرنا ہر کس و ناکس کے بس کی بات نہیں۔
     
    • متفق متفق × 2
  15. فلک شیر

    فلک شیر محفلین

    مراسلے:
    7,324
    جھنڈا:
    Pakistan
    موڈ:
    Shh
    عوام کا پسینہ ..........یہ تو عام ہے آج کل سورج اور ارباب بست و کشاد کی عنایت سے.........
     
    • پر مزاح پر مزاح × 1
  16. نیرنگ خیال

    نیرنگ خیال لائبریرین

    مراسلے:
    17,747
    جھنڈا:
    Pakistan
    موڈ:
    Dunce
    سنگ و خشت ہیں مقید اور سگ آزاد۔۔۔۔۔ :) خیر ہم اس پسینے کی بات نہ کر رہے تھے۔۔۔ جو ارباب اختیار کی عنایت ہے۔۔۔ بلکہ ہم تو اس کی بات کر رہے تھے۔۔۔۔ جو عوامی سطح پر معیوب و معتوب سمجھا جاتا ہے۔۔۔ :skull::tongue:
     
  17. فلک شیر

    فلک شیر محفلین

    مراسلے:
    7,324
    جھنڈا:
    Pakistan
    موڈ:
    Shh
    وہ تو ہم سمجھ گئے تھے.........لیکن !!!!!!!
    چلیں آپ اکیلے اکیلے کلامِ جون سے استفادہ فرمائیں..........عوام ایسے بھی گزار لیں گے بری بھلی:):):)
     
    • پسندیدہ پسندیدہ × 1
  18. نیرنگ خیال

    نیرنگ خیال لائبریرین

    مراسلے:
    17,747
    جھنڈا:
    Pakistan
    موڈ:
    Dunce
    وہ تو ہم کو بھی معلوم تھا کہ آپ سمجھ گئے۔۔۔ لیکن لکھا اس لیے کہ عوام بھی سمجھ لے۔۔۔۔ :p

    ذرا یہ شعر دیکھیے

    ہے دل سے ہر نفس ہوسِ دید کا سوال
    خلوت ہے وہ کہاں، وہ جہاں بے لباس ہے

    اور لگے ہاتھوں اک نظر ادھر بھی

    ہوس انگیز ہوں بدن جن کے
    اُن میں سب سے نباہ کی جائے

    اور پھر یہ

    ہوس انگیز ہے بدن تیرا
    ہائے میری ہوس کہ فانی ہے

    چلیں ابھی تک کے لیے اتنا ہی۔۔۔۔ بقیہ نشہ کے متعلق اشعار پھر کبھی سہی۔۔۔ :)
     
    • پسندیدہ پسندیدہ × 3
    • زبردست زبردست × 1
  19. فلک شیر

    فلک شیر محفلین

    مراسلے:
    7,324
    جھنڈا:
    Pakistan
    موڈ:
    Shh
    ضرور ضرور
     
    • دوستانہ دوستانہ × 1
  20. نیرنگ خیال

    نیرنگ خیال لائبریرین

    مراسلے:
    17,747
    جھنڈا:
    Pakistan
    موڈ:
    Dunce
    آپ مجھے اخلاقی اقدار کی پاسداری نہ کرنے پر اک عدد دھمکی آمیز خط انتظامیہ سے دلوا کر رہیں گے۔۔۔ :)
     
    • دوستانہ دوستانہ × 1
    • پر مزاح پر مزاح × 1

اس صفحے کی تشہیر