عباس تابش انتخاب ِعباس تابش

[فلک شیر]

گلدان میں مری ہوئی تتلی اور ایک بھول
سوچوں اگر تو اس سے زیادہ نہیں ہوں میں

دستک ہر ایک در پہ میں دیتا ہوں دیر تک
لیکن کسی مکاں سے نکلتا نہیں ہوں میں

پچھلے کئی دنوں سے عجب بےخیالی ہے
یہ بھی پتہ نہیں ہے کہ ہوں یا نہیں ہوں میں
​

 

[فلک شیر]

ہمارے پاؤں الٹے تھے فقط چلنے سے کیا ہوتا
بہت آ گے گئے لیکن بہت پیچھے نکل آئے

بھٹکنے سے بچایا حسنِ کم اطراف نے ہم کو
کہ صدراہے تک آئے اور پھر سیدھے نکل آئے
​

 

[فلک شیر]

خدا نے ہم میں یہ کیا قدر مشترک رکھی
کہ میری آنکھ ترے لب سے پھول جھڑتا ہے

شکستگی میں بھی معیار اپنے ہوتے ہین
گرے مکان تو اپنے ہی پاؤں پڑتا ہے

​

 

[فلک شیر]

سمجھنا ہے اسے لیکن
کتابیں پڑھ رہا ہوں میں

ابھی چڑیاں نہ بولیں
بہت جاگا ہوا ہوں میں

مکمل بھی ادھورا بھی
انوکھا تجربہ ہوں میں

سفر اچھا نہین لگتا
کہاں سے آ رہا ہوں میں​

 

[فلک شیر]

دل کو ناکارہ سمجھ کر رکھ دیا تھا
جب ہوئی کمرے میں تاریکی تو یہ پتھر کھلا​

 

[فلک شیر]

اپنے اندر بھی اک تماشا ہے
کیا کریں کھڑکیاں کھول کے ہم​

 

[فلک شیر]

اب کسی اور سمت چلتے ہیں
تھک گئی ہے یہ رہگذر اے دوست

اس طرح تو نہ وقت گزرے گا
کوئی اچھی بری خبر اے دوست
​

 

[فلک شیر]

اتفاقات کو میں نہیں مانتا
کوئی بچھڑے، بچھڑ کر دوبارہ ملے

کیسے ممکن ہے تسخیرِ دنیا نہ ہو
ایک تجھ سا ملے ایک مجھ سا ملے​

 

[فلک شیر]

مجھے کلام پہ مجبور اگر نہ کرتا دل
مرا سکوت کوئی کا م کر گیا ہوتا​

 

[فلک شیر]

اگر یہ تم ہو تو ثابت کرو کہ یہ تم ہو
گیا ہوا تو کوئی لوٹ کر نہیں آتا

ہماری خاک پہ اندھی ہوا کا پہرہ ہے
اسے خبر ہے یہاں کوزہ گر نہیں آتا​

 

[فلک شیر]

اگر سوچا کبھی میں نے تری قامت نگاری کا
حوالہ مختلف دوں گا صنوبر کے حوالے سے​

 

[فلک شیر]

اس لب کے سارے پھول تو شاخوں نے لے لیے
اور میں نے ایک گرا ہوا وعدہ اٹھا لیا

انگارہ سی زمیں پہ پڑے ہی تھے دل کے پاؤں
تابش کسی نے بڑھ کے یہ بچہ اٹھا لیا​

 

[عمر سیف]

بہت خوبصورت شراکت ۔۔۔

 

[فلک شیر]

ابھی میں نشہ لاحاصلی میں رہتا ہوں
ابھی یہ تلخی ءدنیا مجھے گوارا نہیں​

 

[فلک شیر]

کون کہتا ہے کہ وہ بھولتا جاتا ہے مجھے
اپنا چہرہ نہ سہی رہ تو دکھاتا ہے مجھے

صبح کے ساتھ میں کھو جاتا ہوں بچے کی طرح
شام ہوتے ہی کوئی ڈھونڈ کے لاتا ہے مجھے

آپ کچھ اور بتاتے ہیں مرے بارے میں
آئینہ کوئی اور شکل دکھاتا ہے مجھے

آج اک عمر میں یہ بھید کھلا ہے مجھ پر
وہ کوئی اور نہیں ہے جو ڈراتا ہے مجھے

سرد مہری میں یہ سورج بھی ہے تیرے جیسا
دور ہی دور سے جو دیکھتا جاتا ہے مجھے

یہ نہ میں ہوں نہ ہوا ہے نہ قضا ہےتابش
میرے لہجے میں کوئی اور بلاتا ہے مجھے​

 

[فلک شیر]

اب پھول رفتنی نہیں خوشبو گزشتنی نہیں
بچھڑا وہ جس مقام پر موسم وہیں ٹھہر گیا​

 

[فلک شیر]

میں ا س کا لمحہ موجود ہوں مگر وہ شخص
فضول سمجھ کر گزارتا ہے مجھے

بظاہر ایسا نہیں پیڑ اس حویلی کا
ہوا چلے تو بہت پھول مارتا ہے مجھے​

 

[فلک شیر]

ڈھلتا سورج تو نہ ہاتھ آیا کہ لاتے اس کو
ایک رستہ تھا جسے شام کو گھر لے آئے​

 

[فلک شیر]

وہ غزالوں کی طرح گھر سے تو نکلا تابش
عین ممکن ہے اسے خوف ادھر لے آئے​

 

[سید شہزاد ناصر]

سن رہا ہوں ابھی تک میں اپنی ہی آواز کی بازگشت
یعنی اس دشت میں زور سے بولنا بھی اکارت گیا​

اہا اہا کیا کہنے