امجد اکبر کا کلام

[محمد اسامہ سَرسَری]

وفا ہے شیوہ ، وفا کریں گے​

وفا بھی تم سے سدا کریں گے​

یہ جاں جو ہم کو عزیز تر ہے​

یہ جاں بھی تم پر فدا کریں گے​

شاعر: امجد اکبر​

 

[محمد اسامہ سَرسَری]

نبی میرا نرالا ہے ، وہ اونچی شان والا ہے​

حبیبِ رب تعالیٰ ہے ، وہ اونچی شان والا ہے​

​

کہا یوں آمنہ سے نوریوں نے سرورِ کونین​

ترے گھر آنے والا ، وہ اونچی شان والا ہے​

​

دکھا کر والضحی چہرہ غرور اس چاند کا سارا​

یوں پل میں توڑ ڈالا ہے ، وہ اونچی شان والا ہے​

​

نبی اس کو بناکر دو جہانوں کا نبوت پر​

لگایا رب نے تالا ہے ، وہ اونچی شان والا ہے​

​

جو کھاری تھا کنواں وہ ہوگیا میٹھا لعاب اس میں​

جب آں حضرت نے ڈالا ہے ، وہ اونچی شان والا ہے​

​

خدائے لم یزل کے بعد امجد! دو جہانوں میں​

اسی کا بول بالا ہے ، وہ اونچی شان والا ہے​

شاعر: امجد اکبر​

 

[محمد اسامہ سَرسَری]

قسم خدا کی بڑے پراثر تھے​

اگرچہ بول ترے مختصر تھے​

ہماری کیسے ملاقات ہوتی​

کہ ہم الگ وہ الگ راہ پر تھے​

ہمارے قتل سے سب باخبر تھے​

ہمارے قتل سے وہ بےخبر تھے​

جنھیں نہ آج کوئی دیکھتا ہے​

سنو یہی کبھی رشکِ قمر تھے​

جو جل رہے تھے پسِ پشت امجد​

پلٹ کے دیکھا تو اپنے ہی گھر تھے​

شاعر: امجد اکبر​

 

[محمد اسامہ سَرسَری]

شاید ان کی مجھے ہوجائے زیارت امجد!​

اس لیے میں نے ان آنکھوں کو سلا رکھا ہے​

شاعر: امجد اکبر​

 

[محمد اسامہ سَرسَری]

وہ یاد آئے تو آنکھوں سے بہ پڑے آنسو​

ہمارے غم کا یوں اظہار کرگئے آنسو​

ہمیں خبر تھی یہ کام آئیں گے ضرور​

تبھی تو ہم نے رکھتے تھے سنبھال کے آنسو​

ہمیں حیات بھر ان سے نہ مل سکا کچھ بھی​

اگر کچھ ان سے ملا بھی ہے تو ملے آنسو​

ہمیں یقیں تھا نہ رکتے وہ روکنے کے لیے​

بہا بھی دیتے اگر ان کے سامنے آنسو​

تمھارے بن مرے دن اس طرح کٹے امجد​

یہ کہہ کے آنکھ سے اس نے بہا دیے آنسو​

شاعر: امجد اکبر​

 

[محمد اسامہ سَرسَری]

بستی جلی ، خبر ہوئی شائع کچھ اس طرح
آتش زنوں کے تیل کا نقصان ہوگیا
شاعر: امجد اکبر​