اشعار - حروف تہجی کے لحاظ سے

الف عین

لائبریرین
نیم کا پیڑ تھا برسات تھی اور جھولا تھا
گاؤں میں گزرا زمانہ بھی غزل جیسا تھا

منور رانا
 

شمشاد

لائبریرین
یہ احترامِ جنوں ہے کہ سِی لیا دامن
وگرنہ اک تماشا سا کُو بہ کُو کرتے
(حمایت علی شاعر)
 

محمد وارث

لائبریرین
بہار و خزاں کم نگاہوں کے وہم
برے یا بھلے سب زمانے ترے

عدم بھی ہے تیرا حکایت کدہ
کہاں تک گئے ہیں فسانے ترے

۔
 

شمشاد

لائبریرین
پیام آئے ہیں اُس یارِ بے وفا کے مجھے
جسے قرار نہ آیا کہیں بُھلا کے مجھے
(احمد فراز)
 

الف عین

لائبریرین
چاہتا ہوں کہ ترے ہاتھ بھی پیلے ہو جائیں
کیا کروں میں کوئی رشتہ ہی نہیں آتا ہے
منور رانا
 

محمد وارث

لائبریرین
خانہ زادِ زلف ہیں،زنجیر سے بھاگیں گے کیوں
ہیں گرفتارِ وفا، زنداں سے گھبرائیں گے کیا


(غالب)

.
 

فاتح

لائبریرین
شمشاد صاحب! د کے بعد ڈ کی باری تھی:)

ڈھانپے جو نفرتوں کے برہنہ وجود کو
ایسی بھی کوئی پیار کی چادر تلاش کر​
 

شمشاد

لائبریرین
غلطی ہو گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ذہنوں میں خیال جل رہے ہیں
سوچوں کے الاؤ سے لگے ہیں
(احمد ندیم قاسمی)
 

فاتح

لائبریرین
زیست آزار ہوئی جاتی ہے
سانس تلوار ہوئی جاتی ہے

جسم بے کار ہوا جاتا ہے
روح بیدار ہوئی جاتی ہے​

(احمد ندیم قاسمی)
 

شمشاد

لائبریرین
سکوتِ حلقۂ زنداں سے ایک گونج اُٹھی
اور اس کے ساتھ مرے ساتھیوں کی یاد آئی
(ساحر)
 
Top