اشعار - حروف تہجی کے لحاظ سے

[شمشاد]

زہے میری بے زبانی! کہ جو رشکِ صد زباں ہے!
کبھی گوشِ دل سے سنیے مری خامشی کی باتیں
(سرور عالم رازسرور)

 

[الف عین]

سوندھی مٹی کی مہک دور سے آتی ہے مجھے
سرد رحمت کی خبر آ کے سناتی ہے مجھے
اعجاز عبید

شگفتہ۔۔۔ تم نے کہیں بارش کا شعر لکھنے کا کہا تھا نا۔۔ یہیں یاد آ گیا۔

 

[عمر سیف]

شہرِ دل کے خواب کی تعبیر کیا کروں
کبھی نیا یہ کبھی پرانا لگتا ہے

 

[شمشاد]

صاف ظاہر ہے نگاہوں سے کہ ہم مرتے ہیں
منہ سے کہتے ہوئے یہ بات مگر ڈرتے ہیں
(اختر انصاری)

 

[عمر سیف]

ضد میں دنیا کی بہرحال ملا کرتے تھے
ورنہ ہم دونوں میں ایسی کوئی الفت بھی نہ تھی

 

[ہما]

طرز جینے کا سِکھاتی ہے مُجھے
تشنگی زہر پِلاتی ہے مُجھے

 

[شمشاد]

ظلمت کدے میں میرے شبِ غم کا جوش ہے
اک شمع ہے دلیلِ سحر، سو خاموش ہے
(چچا)

 

[ہما]

عجیب سانحہ مجھ پر گُزر گیا یارو
میں‌اپنے سایہ سے کل رات ڈر گیا یارو

 

[حسن علوی]

شہر برباد ہو رہا ھے ابھی
اور تو ھے کہ سو رہا ھے ابھی

دیکھ ویران ہو رہا ھے جہاں
اور تو دیغ دھو رہا ھے ابھی

تیرے اندر بھی کوئی دکھ میں ھے
میرے اندر بھی رو رہا ھے کوئی

(فرحت عباس شاہ)

 

[حسن علوی]

شہر برباد ہو رہا ھے ابھی
اور تو ھے کہ سو رہا ھے ابھی

دیکھ ویران ہو رہا ھے جہاں
اور تو داغ دھو رہا ھے ابھی

تیرے اندر بھی کوئی دکھ میں ھے
میرے اندر بھی رو رہا ھے کوئی

(فرحت عباس شاہ)

 

[شمشاد]

حسن آپ کو تو ع کے بعد غ سے شعر دینا تھا، یہ ش سے کہاں دے دیا اور وہ بھی دو دفعہ۔

 

[ہما]

شہر برباد ہو رہا ھے ابھی
اور تو ھے کہ سو رہا ھے ابھی

دیکھ ویران ہو رہا ھے جہاں
اور تو داغ دھو رہا ھے ابھی

تیرے اندر بھی کوئی دکھ میں ھے
میرے اندر بھی رو رہا ھے کوئی

(فرحت عباس شاہ)

حرف غ سے لکھنا تھا نا؟

 

[شمشاد]

غمِ حیات کا جھگڑا مٹا رہا ہے کوئی
چلے بھی آؤ کہ دنیا سے جا رہا ہے کوئی
(سردار انجم)

اب ' ف '

 

[ہما]

غمِ حیات کا جھگڑا مٹا رہا ہے کوئی
چلے بھی آؤ کہ دنیا سے جا رہا ہے کوئی
(سردار انجم)

اب ' ف '

فاصلے ایسے بھی ہوںگے کبھی سوچا نہ تھا
سامنے بیٹھا تھا وہ میرے اور میرا نہ تھا

 

[سارہ خان]

قاصد جو تھا بہار کا نا معتبر ہُوا
گلشن میں بندوبست برنگِ شِگر ہُوا

خواہش جو شاخِ حرف پہ چٹکی، بِکھر گئی
آنسو جو دِل میں بند رہا، وہ گُہر ہُوا

 

[شمشاد]

کہیں خیال کے آباد کردہ گلشن میں
ہے ایک گل کہ ہے ناواقفِ بہار ابھی
(فیض احمد فیض)

 

[محمد وارث]

فاصلے ایسے بھی ہوںگے کبھی سوچا نہ تھا
سامنے بیٹھا تھا وہ میرے اور میرا نہ تھا

شاید یہ شعر کچھ یوں ہے

فاصلے ایسے بھی ہونگے یہ کبھی سوچا نہ تھا
سامنے بیٹھا تھا میرے اور وہ میرا نہ تھا

(عدیم ہاشمی)

۔

 

[محمد وارث]

گلوں میں رنگ بھرے بادِ نو بہار چلے
چلے بھی آؤ کہ گلشن کا کاروبار چلے

(فیض)

۔

 

[الف عین]

لبوں پہ اس کے کبھی بددعا نہیں ہوتی
بس ایک ماں ہے جو مجھ سے خفا نہیں ہوتی
منور رانا

 

[شمشاد]

ماضی پہ ندامت ہوتمہیں یا کہ مسرت
خاموش پڑا سوئے گا وا ماندۂ الفت
(فیض احمد فیض)