اشعار - حروف تہجی کے لحاظ سے

[محمد وارث]

میں کب کہتا ہوں کہ وہ اچھا بہت ہے
مگر اس نے مجھے چاہا بہت ہے

(بشیر بدر)

 

[سارہ خان]

نہ گلا کیا نہ خفا ہُوئے، یونہی راستے میں جُدا ہُوئے
نہ تُو بے وفا نہ میں بے وفا، جو گزر گیا سو گزر گیا

 

[محمد وارث]

وہ مری خاک نشینی کے مزے کیا جانے
جو مری طرح، تری راہ میں آباد نہیں

لاؤ اک سجدہ کروں عالمِ بدمستی میں
لوگ کہتے ہیں کہ ساغر کو خدا یاد نہیں

ساغر صدیقی نے نظامی کے مقطعہ پر مصرع لگا کر، اسکو امر کردیا ہے۔

۔

 

[امیداورمحبت]

ہم جس پر مر رہے ہیں وہ ہے بات ہی کچھ اور
عالم تجھ سے لاکھ سہی تو مگر کہاں

(حالی)​

 

[محمد وارث]

یہ داغ داغ اُجالا، یہ شب گزیدہ سحر
وہ انتظار تھا جس کا، یہ وہ سحر تو نہیں
یہ وہ سحر تو نہیں جس کی آرزو لے کر
چلے تھے یار کے مل جائے گی کہیں نہ کہیں

(فیض)

۔

 

[فاتح]

اے مفتیء بد کیش نہ کر فتویٰ فروشی
کیا تو بھی نہیں لائقِ تعزیرِ خرابات
(احمد فراز)

 

[سارہ خان]

بہت کٹھن ہے اندھیروں کے شہر میں *محسن*
چراغ بن کے ہَوا سے نباہتے رہنا

 

[محمد وارث]

پوچھ بیٹھا ہوں میں تجھ سے ترے کُوچے کا پتہ
تیرے حالات نے کیسی تری صورت کر دی

مجھ کو دشمن کے ارادوں پہ بھی پیار آتا ہے
تری الفت نے محبت مری عادت کر دی

(احمد ندیم قاسمی)

۔

 

[سارہ خان]

تجھ کو خط لکھنے کے تیور بُھول گئے
آڑی تِرچھی سطریں لکھتا رہتا ہوں

تیرے ہجر میں اور مجھے کیا کرنا ہے
تیرے نام کتابیں لکھتا رہتا ہوں

( محسن نقوی )

 

[زینب]

ghror-e-hasti ny maar dala vagrna hum log bhi jee lety

kissi ki ankh ka noor ho kr,kissi k dil ka karar ban kar

 

[امیداورمحبت]

ٹھہرو کوئی دم کہ جاں ٹھہرے
مت جاؤ کہ جی سے جائیں گے ہم

(مومن)​

 

[عمر سیف]

جلوہِ حسن کا ہر چند اثر پڑتا ہے
پاس جاتا ہوں تو کچھ اور نظر پڑتا ہے۔

 

[الف عین]

چاندی سونا دیکھوں میں
مئی میں کیا دیکھوں میں
مابدولت۔۔ نہیں مطلب بندہ نا چیز۔ مابدولت تو آج کل محض ساجد ہیں۔

 

[عمر سیف]

حفیظ اپنا مقدر، حفیظ اپنا نصیب
گرے تھے پھول مگر ہم نے زخم ہی کھائے

 

[محمد وارث]

خاموش رتجگوں کا دھواں تھا چہار سو
نکلا کب آفتاب مجھے تو پتہ نہیں

امجد وہ آنکھیں جھیل سی گہری تو ہیں مگر
ان میں کوئی بھی عکس مرے نام کا نہیں

۔

 

[عمر سیف]

دو چار خراشوں سے ہو تسکینِ جفا کیا
شیشہ ہوں تو پتھر پہ اچھالے کوئی آ کر

 

[الف عین]

ذکر اس پرہی وش کا اور پھر بیاں اہنا
بن گیا رقیب آخر تھا جو رازداں اپنا
چچا

 

[عمر سیف]

ڈر کچھ اور بھی آہستہ اے نگارِ وصال
کہ ایک عمر سے میں تیرے انتظار میں تھا

 

[عمر سیف]

چاچو آپ ڈ سے لکھنا بھول گئے تھے۔۔۔

 

[محمد وارث]

ذ کے بعد ر سے


رسمِ وفا کدھر گئی، تیری ادا کو کیا ہوا
شہر تو ہے وہی مگر آب و ہوا کو کیا ہوا

رسم و رواجِ شہر میں پیشہ ہے اک گداگری
مانگے پھرے ہے بھیک کیوں، فرماں روا کو کیا ہوا

(لطیف ساحل)

۔