اشعار - حروف تہجی کے لحاظ سے

[محمد وارث]

شمع کے مانند اہلِ انجمن سے بے نیاز
اکثر اپنی آگ میں چپ چاپ جل جاتے ہیں لوگ

شاعر ان کی دوستی کا اب بھی دم بھرتے ہیں آپ
ٹھوکریں کھا کر تو سنتے ہیں سنبھل جاتے ہیں لوگ

(حمایت علی شاعر)

۔

 

[الف عین]

صلہ ملا تو نہیں کچھ مجھے وفا کر کے
مگر میں خوش ہوں یہی جرم بارہا کر کے
اعجاز عبید

 

[شمشاد]

صاف ظاہر ہے نگاہوں سے کہ ہم مرتے ہیں
منہ سے کہتے ہوئے یہ بات مگر ڈرتے ہیں
(اختر انصاری)

 

[محمد وارث]

ضمیرِ صدف میں کرن کا مقام
انوکھے انوکھے ٹھکانے ترے

(عدم)

۔

 

[الف عین]

طاق تھے داستاں کہنے میں عبیدؔ
اب بجز دیدۂ تر، یاد نہیں

 

[شمشاد]

ظالم تھا وہ اور ظلم کی عادت بھی بہت تھی
مجبور تھے ہم اس سے محبت بھی بہت تھی
(کلیم عاجز)

 

[عمر سیف]

عمر جلوؤں میں‌ بسر ہو یہ ضروری تو نہیں
ہر شبِ غم کی سحر ہو یہ ضروری تو نہیں

 

[شمشاد]

غمِ عاشقی سے کہہ دو راہِ عام تک نہ پہنچے
مجھے خوف ہے یہ تہمت میرے نام تک نہ پہنے
(شکیل بدایونی)

 

[عمر سیف]

فرصتِ شوق نہ دی کربِ وفا نے ورنہ
کوئی اعجاز تو ہم نے بھی دکھایا ہوتا

 

[شمشاد]

قربتوں میں بھی جدائی کے زمانے مانگے
دل وہ بیمار کہ رونے کے بہانے مانگے
(احمد فراز)

 

[زینب]

کیا کہیں اب کے عجب عشق ھوا ھے محسن

سرد شاموں کی طرح، گرم سویرمں جیسا

 

[شمشاد]

دوسرے مصرعے میں کچھ گڑبڑ لگ رہی ہے۔

 

[شمشاد]

گلوں میں رنگ بھرے بادِ نوبہار چلے
چلے بھی آؤ کہ گلشن کا کاروبار چلے
(فیض)

 

[زینب]

دوسرے مصرعے میں کچھ گڑبڑ لگ رہی ہے۔

جی بلکل ٹائپنگ کی گربڑ۔۔۔۔۔

یہ کچھ یوں تھا

کیا کہیں اب کے عجب عشق ھوا ھے محسن

سرد شاموں کی طرح، گرم سویروں جیسا

 

[شمشاد]

کوئی بات نہیں، ہو جاتا ہے ایسے بھی۔ اب حرفِ ' ل ' سے شعر دیں۔

 

[زینب]

لکھا تھا ہجر میرے ہاتھ کی لکیروں میں

تیرا وصال میری ذندگی کو راس نہں

وہ بے جبر ہی رہا میرے راکھ ہونے تک

وہ آنکھ اب بھی میرے واسطے اداس نہں


ابھی جلدی میں ہوں باقی بعد میں۔۔۔۔۔۔۔۔۔۔۔۔۔۔۔

 

[شمشاد]

میں چاہتا بھی یہی تھا وہ بے وفا نکلے
اسے سمجھنے کا کوئی تو سلسلہ نکلے
(وسیم بریلوی)

 

[الف عین]

نہیں تیہرا نشیمن قصرِ سلطانی کے گنبد پر
تو شاہیں ہے بسیرا کر پہاروں کی چٹانوں میں

 

[شمشاد]

وہ فراق اور وہ وصال کہاں
وہ شب و روز و ماہ و سال کہاں
(چچا)

 

[محمد وارث]

ہر اجنبی ہمیں محرم دکھائی دیتا ہے
جو اب بھی تیری گلی سے گزرنے لگتے ہیں

درِ قفس پہ اندھیرے کہ مہر لگتی ہے
تو فیض دل میں ستارے اترنے لگتے ہیں

۔