ارضِ وطَن کو پھر سے لہُو کا خراج دو ۔ فاتح الدین بشیر

[فاتح]

ماہِ آزادی کے حوالے سے میری ایک پرانی غزل جو کئی سال پہلے کہی تھی لیکن آج بھی تازہ ہے۔

ارضِ وطَن کو پھر سے لہُو کا خراج دو
قربانیوں کی رسم کو پھر سے رِواج دو

ظلمت کی بادِ تیز سے جو سرنگوں نہ ہو
طاقِ وطن کو ایسا کوئی اب سراج دو

گر "کَل" سنوارنی ہے تمہیں ارضِ پاک کی
مقتل میں وقت کے یہ ضروری ہے "آج" دو

ماں سر برہنہ ہوتی چلی جا رہی ہے پھر
بیٹے ہو اس کے چاہئے عظمت کا تاج دو

دھرتی کی گود میں جو پلے ہو تو اب بشیر
قرضِ وفا بھی تم مع سود و بیاج دو​

 

[ماوراء]

ارضِ وطَن کو پھر سے لہُو کا خراج دو
قربانیوں کی رسم کو پھر سے رِواج دو


بہت خوب فاتح صاحب۔

 

[زرقا مفتی]

بہت خوب
فاتح صاحب کاش سب ایہلَ وطن ایسے ہی سوچنے لگیں

 

[محمد وارث]

واہ واہ فاتح صاحب، کیا خوب کلام ہے

ارضِ وطن کو پھر سے لہو کا خراج دو
قربانیوں کی رسم کو پھر سے رِواج دو

دھرتی کی گود میں جو پلے ہو تو اب بشیر
قرضِ وفا بھی تم مع سود و بیاج دو

سبحان اللہ، سبحان اللہ۔

۔

 

[سیدہ شگفتہ]

بہت اچھا اظہار کیا ہے فاتح بھائی، بہت ہی اچھا

 

[فاتح]

ارضِ وطَن کو پھر سے لہُو کا خراج دو
قربانیوں کی رسم کو پھر سے رِواج دو


بہت خوب فاتح صاحب۔

شکریہ ماورا صاحبہ۔

 

[فاتح]

بہت خوب
فاتح صاحب کاش سب ایہلَ وطن ایسے ہی سوچنے لگیں

شکریہ زرقا صاحبہ۔
ہوئی مدّت کہ غالب مر گیا پر یاد آتا ہے
وہ ہر اک بات پر کہنا کہ یوں ہوتا تو کیا ہوتا

 

[فاتح]

واہ واہ فاتح صاحب، کیا خوب کلام ہے

ارضِ وطن کو پھر سے لہو کا خراج دو
قربانیوں کی رسم کو پھر سے رِواج دو

دھرتی کی گود میں جو پلے ہو تو اب بشیر
قرضِ وفا بھی تم مع سود و بیاج دو

سبحان اللہ، سبحان اللہ۔

نوازش ہے آپ کی حضور!

 

[فاتح]

بہت اچھا اظہار کیا ہے فاتح بھائی، بہت ہی اچھا

بہت شکریہ شگفتہ بہن!

 

[silent.killer]

عمدہ ہے۔جاری رکھیں

 

[شاکرالقادری]

بہت خوب فاتح بھائي

واہ

بس آخري مصرع پر توجہ درکار ہے

 

[خرم شہزاد خرم]

ماشاءاللہ بہت خوب جناب بہت اچھی غزل ہے

 

[فاتح]

میں آج کے خوبصورت دن کے حوالے سے اپنی یہ نظم ڈھونڈ رہا تھا کہ محفل پر ارسال کروں لیکن مجھے اپنے کمپیوٹر میں نہ مل سکی تو گوگل سے رابطہ کیا اور گوگل نے محفل کے ہی اس دھاگے کا ربط دے دیا۔ اب دوبارہ تو ارسال کر نہیں سکتا لیکن بہرحال جذبات اب بھی وہی ہیں جو برسوں پہلے یہ نظم لکھتے ہوئے تھے۔

 

[مغزل]

رسید حاضر ہے قبلہ ابھی ذرا بنک جارہا ہوں واپسی پر ۔ عرض کرتا ہوں

 

[فاتح]

بہت شکریہ مغل صاحب۔ سراپا انتظار ہوں قبلہ۔

 

[فرخ منظور]

واہ واہ بہت ہی عمدہ کلام ہے جناب فاتح صاحب! مگر اسے کچھ مزید بڑھائیں۔

 

[ملائکہ]

بہت اچھی غزل ہے بہت شکریہ

 

[فاتح]

واہ واہ بہت ہی عمدہ کلام ہے جناب فاتح صاحب! مگر اسے کچھ مزید بڑھائیں۔

نوازش ہے قبلہ۔ لیکن۔۔۔ میر سا شیوۂ گفتار کہاں سے لاؤں

 

[فاتح]

بہت اچھی غزل ہے بہت شکریہ

بہت شکریہ ملائکہ صاحبہ۔ ذرہ نوازی ہے آپ کی

 

[شاہ حسین]

بہت خوب جناب فاتح صاحب نہایت عمدہ کلام ہے ۔