پندرہویں سالگرہ اردو محفل کی پندرہویں سالگرہ اور ہماری فلسفیانہ سوچ

محمد عدنان اکبری نقیبی نے 'محفل کی سالگرہ' کی ذیل میں اس موضوع کا آغاز کیا، ‏جون 23, 2020

  1. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,838
    جھنڈا:
    Pakistan
    موڈ:
    Cheerful
    محترم منتظمین حضرات اور مدیرانِ کرام ،

    السلام علیکم،

    چند دن ہوئے کہ ہمارے زرخیز ذہن میں ایک انتہائی معقول سوال کا دخول ہوا کہ آیا اس مرتبہ اردو محفل فورم کی پندرہویں سالگرہ کے جشن کا اہتمام کیا جائے گا یا یہ جشن بھی کرونا وائرس کی وجہ سے مؤخر کر دیاجائےگا کیونکہ پوری دنیا میں کئی اہم تقریبات یا تو مؤخر کر دی گئی ہیں یا ان کو ایس او پیز کے تحت منعقد کیا جا رہا ہے۔

    ہم نے سوچا ابھی توجشن سالگرہ کے آغاز میں کچھ دن باقی ہیں تو کیوں نا منتظم صاحب اور مدیران کی توجہ اس جانب دلائی جائے تاکہ وہ جشن سالگرہ کے حوالے سے ایس او پیز طے کر لیں کہیں ایسا نہ ہو کہ اس سال ہم اور سب محفلین اس رنگارنگ پرمسرت جشن سالگرہ سے محروم رہ جائیں کیونکہ اردو محفل فورم بلامغالبہ اردو زبان کا سب سے بڑا فورم ہے جو اردو زبان کی ترویج و ترقی میں اپنا خاص مقام رکھتا ہے بلکہ اسے اردو زبان کا سب سے بڑا بین الاقوامی فورم کہا جائے تو زیادہ مناسب ہوگا۔

    محفل میں دن بھر محفلین کا آناجانا لگا ہی رہتا ہے۔عام دنوں میں تو خیر تعداد کوئی اتنی زیادہ نہیں ہوتی مگر جشن سالگرہ کے موقع پر تو محفل پر محفلین کاشدید رش رہتا ہے، تل دھرنے تک کی جگہ نہیں رہتی۔ کئی سالگرہ کے چاند محفلین محفل پر جلوہ گر ہوتے ہیں۔رش کے موقع پر کئی باتوں کا خیال رکھا تو جا سکتا ہے مگر ایک مخصوص حد تک، چناں چہ اس دوران محفلین کے درمیان فاصلہ رکھنا شاید دشوار ہوگا بلکہ ناممکن ہی سمجھ لیں تو زیادہ بہتر رہے گا اور ہمہیں اپنے پیارے محفلین کی صحت اور تندرستی بہت عزیز ہے۔ہم ہر وقت سب محفلین کے لیے سچے دل سے دعاگو رہتے ہیں۔

    ذہن میں زیر گردش خیالات مندرجہ ذیل ہیں:

    آپ سب محفلین ہمارے ہم خیال ہوں یہ تو قطعی ممکن نہیں۔ ماضی میں بھی ایسا ہوتا آیا ہے اب اگر پھر ہو جائے تو کوئی بات نہیں،ہم عادی مجرم ہیں ، بقول مرزا برقؔ

    ہمارے عیب نے بے عیب کر دیا ہم کو
    یہی ہنر ہے کہ کوئی ہنر نہیں آتا


    ٭ جشن سالگرہ کے موقع پر حکومت کی جانب سے اسمارٹ لاک ڈاؤن کے طے شدہ اوقات پر پابندی سے عمل ہوگا یا جشن سالگرہ کو اسمارٹ لاک ڈاؤن سے استثناء حاصل ہوگا ؟

    ٭ منتظم صاحب محفلین انجنیئرز کے ذریعے محفل کے دخول اور خروج پر جراثیم کش اسپرے والا واک تھرو گیٹ نصب کروائیں گے یا کسی مدیر کو اسپرے گن کے ذریعے اسپرے کرنے کی ذمہ داری دی جائے گی ؟

    ٭ جشن سالگرہ کے آغاز سے پہلے محفل کے زمرہ جات میں جراثیم کش اسپرے کروایا جائے گا یا اپنی مدد آپ کے تحت یہ کام سر انجام دینا ہوگا ؟

    ٭ جشن سالگرہ کی لڑیوں میں محفلین کی شرکت سے پہلے ان کا جسمانی درجہ حرارت جانچے جانے کا بھی انتظام ہو گا یا نہیں ؟

    ٭ منتظم صاحب کے خطبہء صدارت کے وقت ماسک کا استعمال لازمی ہوگا یا نہیں اور ماسک مدیران محفل کی طرف سے تقسیم ہوں گے یا سب محفلین کو اپنے ذاتی ماسک پہن کر آنا ہوگا ؟

    ٭ دوران خطبہ محفلین کی نشستوں کے درمیان فاصلہ رکھا جائے گا یا فرشی نشست کا اہتمام ہوگا ؟

    ٭ جشن سالگرہ کے لیے بنائی جانے والی لڑیوں میں بیک وقت کتنے محفلین شریک ہو سکیں گے ؟

    ٭ جراثیم کش محلول محفلین اپنا ساتھ لائیں یا اس کا انتظام منتظمین کی جانب سے ہوگا ؟

    ٭ ڈبلیو ایچ او سے جشن سالگرہ کے اہتمام کے لیے کیا باقاعدہ اجازت نامہ لیا جائے گا یا پاکستانی کرونا کنٹرول سینٹر والوں کے اجازت نامے کی سند کافی رہے گی ؟

    ٭ ایمرجنسی سے نمٹنے کے لیے ڈاکٹرز محفلین کی خدمات حاصل کی جائیں گی یا پھر اس سلسلے میں کسی اور ادارے سے رابطہ کیا جائے گا ؟

    ٭ لڑیوں میں دوران تبصرہ کھانسی آجانے پر منتظم اعلی محفلین کو گھور کر تو نہیں دیکھیں گے ؟

    ٭ اگر جشن سالگرہ کے موقع پر بےحد رش کی وجہ سے کسی محفلین کا سانس گھٹنے لگ جائے تو کیا اس کو وائرس کے شبہ میں معطل کرکے قرنطینہ میں بھیجا جائے گا یا اس کے گھر کو ہی قرنطینہ قرار دیا جائے گا ؟

    ٭ شدید گرمی اور محفلین کے رش کی وجہ سے ہونے والے حبس کو کم کرنے کے لیے بھی کوئی انتظام کیا جائے گا یا اللہ کریم کی طرف سے چلنے والی ہوا سے ہی کام چلایا جائے گا ؟

    اور ایسے کئی اہم نکات جو حفظانِ صحت کے لیے ضروری ہیں اور اس وقت ہمارے تخیل میں آ نہیں رہے تو ان کو آپ خود ہی دیکھ لیں ۔

    اب ہم آپ اربابِ اختیار منتظم صاحبان اور مدیران سے گزارش کرتے ہیں کہ ہماری ان سفارشات پر فوری توجہ دیتے ہوئے جشن سالگرہ کے لیے ایس او پیز بنانے کا آغاز کریں تاکہ جشن سالگرہ کے موقع پر کسی بھی قسم کے ناخوشگوار واقعہ سے بچا جا سکے۔


    آپ کے خلوص اور محبت کا طلب گار

    المخلص محمد عدنان اکبری نقیبی
     
    • پر مزاح پر مزاح × 18
    • زبردست زبردست × 5
    • پسندیدہ پسندیدہ × 4
  2. محمد وارث

    محمد وارث لائبریرین

    مراسلے:
    26,568
    جھنڈا:
    Pakistan
    موڈ:
    Depressed
    یہ بھی خوب ہے نقیبی صاحب، امید ہے خسروانِ محفل ان ایس او پیز کی طرف دھیان کریں گے۔

    ایک بات یہ کہ اگر جشن کے دوران "محفلی کورونا" کی وجہ سے کسی ٹرول کا انتقال ہو گیا (جسے عرف عام میں معطلی بھی کہتے ہیں) تو تجہیز و تکفین کے ایس او پیز بھی وضع کر لیے جائیں تو بہتر ہو! :)
     
    • پر مزاح پر مزاح × 19
    • پسندیدہ پسندیدہ × 1
  3. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,838
    جھنڈا:
    Pakistan
    موڈ:
    Cheerful
    سبحان اللہ ،
    قبلہ محترم آپ نے بہت عمدہ تجویز دی ،
    یقینا محفل کے صاحب اختیار حضرات ضرور توجہ دیں گے ۔
     
    • پسندیدہ پسندیدہ × 3
  4. جاسمن

    جاسمن مدیر

    مراسلے:
    14,554
    جھنڈا:
    Pakistan
    موڈ:
    Fine
    عدنان! بہت مزیدار تجاویز ہیں۔:D
    واہ بھئی آپ کا دماغ تو خوب کام کرتا ہے۔ کتنی نرالی باتیں بنائی ہیں۔:)
    مسکراہٹوں کے لیے شکریہ۔:):):)
    جزاک اللّہ خیرا کثیرا۔
     
    • پسندیدہ پسندیدہ × 6
    • دوستانہ دوستانہ × 1
    • پر مزاح پر مزاح × 1
  5. محمد تابش صدیقی

    محمد تابش صدیقی منتظم

    مراسلے:
    25,538
    جھنڈا:
    Pakistan
    موڈ:
    Breezy
    باقی تحریر کی داد الگ
    اور المخلص ہونے کی داد الگ
     
    • پر مزاح پر مزاح × 12
    • متفق متفق × 1
  6. محمد تابش صدیقی

    محمد تابش صدیقی منتظم

    مراسلے:
    25,538
    جھنڈا:
    Pakistan
    موڈ:
    Breezy
    سمارٹ لاک ڈاؤن کا آئیڈیا حکومت نے اردو محفل سے ہی چرایا ہے۔
    ہم نے پہلے ہی مختلف زمروں میں سمارٹ لاک ڈاؤن کیا ہوا ہے۔ :)
     
    • پر مزاح پر مزاح × 14
  7. جاسمن

    جاسمن مدیر

    مراسلے:
    14,554
    جھنڈا:
    Pakistan
    موڈ:
    Fine
    ہاں میں نے بھی اسے نوٹ کیا تھا اور بہت ہنسی آئی۔
    "المخلص"
    :D:LOL::ROFLMAO:
     
    آخری تدوین: ‏جون 23, 2020
    • پسندیدہ پسندیدہ × 3
    • متفق متفق × 1
  8. محمد تابش صدیقی

    محمد تابش صدیقی منتظم

    مراسلے:
    25,538
    جھنڈا:
    Pakistan
    موڈ:
    Breezy
    اس میں کوئی شک نہیں کہ عدنان بھائی ہی محفل کے مخلصِ خاص ہیں۔
     
    • متفق متفق × 3
    • پسندیدہ پسندیدہ × 1
    • دوستانہ دوستانہ × 1
  9. عبدالقیوم چوہدری

    عبدالقیوم چوہدری محفلین

    مراسلے:
    18,330
    جھنڈا:
    Pakistan
    موڈ:
    Relaxed
    وعلیکم السلام و رحمتہ اللہ۔
    سمجھ تے گئے ہوسو
     
    • پسندیدہ پسندیدہ × 3
  10. سید عاطف علی

    سید عاطف علی لائبریرین

    مراسلے:
    10,638
    جھنڈا:
    SaudiArabia
    موڈ:
    Cheerful
    فلسفانہ ۔
    ناقص املاء کا ذکر کیوں نہ چھڑا ؟
     
    • پر مزاح پر مزاح × 6
  11. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,838
    جھنڈا:
    Pakistan
    موڈ:
    Cheerful
    آج کل طاقت والی ادویات کا استعمال جاری ہے آپی۔
    آپ کا بھی شکریہ کہ آپ ہمیشہ دعائیہ کلمات اور حوصلہ افزائی فرماتی ہیں۔ آپ کی شفقت اور خلوص اردو محفل اور محفلین کا قیمتی اثاثہ ہے۔
     
    • دوستانہ دوستانہ × 2
  12. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,838
    جھنڈا:
    Pakistan
    موڈ:
    Cheerful
    شاہ جی مہربانی فرمائیں عنوان سے نیچے تحریر بھی آپ کے تبصرے کی منتظر ہے۔
     
    • دوستانہ دوستانہ × 2
  13. عبدالقیوم چوہدری

    عبدالقیوم چوہدری محفلین

    مراسلے:
    18,330
    جھنڈا:
    Pakistan
    موڈ:
    Relaxed
    گو آپ کے 13 نکات محفلین کے متعلق ہی ہیں لیکن آپ نے خود ہی تو کہا کہ۔۔۔۔
    اب بھلا کوئی محفلین کیونکر تبصرہ فرمائے۔ :tongueout:
    ۔۔۔
    دوسری اور اہم بات کہ لڑی میں رش نہیں بنانا، اس سے کرونا کے چانسز بڑھ جائیں گے۔:heehee:
     
    • پر مزاح پر مزاح × 3
    • پسندیدہ پسندیدہ × 1
  14. خالد محمود چوہدری

    خالد محمود چوہدری محفلین

    مراسلے:
    12,876
    جھنڈا:
    Pakistan
    موڈ:
    Festive
    وعلیکم السلام ورحمۃ اللہ وبرکاتہ جناب مکرم ومحترم حضرت مولانا مولوی قبلہ محمد عدنان اکبری نقیبی فلسفی صاحب
     
    • پسندیدہ پسندیدہ × 3
    • پر مزاح پر مزاح × 1
  15. جاسمن

    جاسمن مدیر

    مراسلے:
    14,554
    جھنڈا:
    Pakistan
    موڈ:
    Fine
    عدنان کے نام کے ساتھ اب خالی "محفلین" سے کام نہیں چلے گا۔
    اب ان کے نام کے ساتھ "المحفلین" لکھا اور پڑھا جاوے۔:)
     
    • پر مزاح پر مزاح × 8
  16. نبیل

    نبیل محفلین

    مراسلے:
    16,749
    جھنڈا:
    Germany
    موڈ:
    Depressed
    بہت خوب۔۔
    کیا محفل فورم کی پندرہویں سالگرہ کی کوئی تیاریاں کی جا رہی ہیں؟
     
    • پسندیدہ پسندیدہ × 4
    • معلوماتی معلوماتی × 1
  17. محمد وارث

    محمد وارث لائبریرین

    مراسلے:
    26,568
    جھنڈا:
    Pakistan
    موڈ:
    Depressed
    آپ کا دیدار ہو گیا قبلہ، اس سے بڑی تیاری اور کوئی کیا ہوگی۔ :)
     
    • پر مزاح × 3
    • پسندیدہ × 2
    • زبردست × 1
    • دوستانہ × 1
    • متفق × 1
  18. سیما علی

    سیما علی لائبریرین

    مراسلے:
    9,755
    جھنڈا:
    Pakistan
    موڈ:
    Cool
    بہت ہی اعلی تقیبی صاحب بے حد اعلی تیاریاں ہیں سالگرہ کی مناسبت سے برائے کرم
    چھینکیں بھی شجرممنوع قرار دے دیں اور کھانسنے کی تو قعطا گنجائش نہی کیونکہ محترم اور محترمہ کی شرکت مکمل ہیلتھ سریٹفیکیٹ جمع کرانے بعد ہی ہو سکے گی
     
    • پسندیدہ پسندیدہ × 3
    • متفق متفق × 1
  19. سیما علی

    سیما علی لائبریرین

    مراسلے:
    9,755
    جھنڈا:
    Pakistan
    موڈ:
    Cool
     
    • دوستانہ دوستانہ × 1
  20. سیما علی

    سیما علی لائبریرین

    مراسلے:
    9,755
    جھنڈا:
    Pakistan
    موڈ:
    Cool
    نقیبی صاحب
    پلیز انتظامات میں فاصلے زیادہ سے زیادہ رکھے جاییں کیونکہ قربتیں کرونا پسند نہی کرتا دوریاں ہی بقائے محفلین کی بقا ضمانت ہیں
    دعا گو آپکی صحت اور دارازئ عمر پروردگار آپکو سلامت رکھے آمین الہی آمین
     
    • پسندیدہ پسندیدہ × 2
    • دوستانہ دوستانہ × 1
    • متفق متفق × 1

اس صفحے کی تشہیر