سیما علی
لائبریرین
اردو محفل کے نام ۔۔۔
دنیائے وفا نام سے آباد رہے گی
گر میں نہ رہوں گا تو میری یاد رہے گی
اردو محفل فورم: ماضی، حال اور مستقبل
- صاحب لڑی نبیل
- تاریخ ابتداء
-
- ٹیگ
- اردو محفل فورم
دنیائے وفا نام سے آباد رہے گی
گر میں نہ رہوں گا تو میری یاد رہے گی
گُلِ یاسمیں
لائبریرین
ابھی ابھی جچھ دنوں کے وقفے سے دو جدائیاں برداشت کی ہیں اور اب یہ تیسری۔
دل مزید اداس ہو گیا ہے۔
دل مزید اداس ہو گیا ہے۔
سیما علی
لائبریرین
اللہ پاک حضور کے دعا ہے کہ آپ کو صبر جمیل عطا فرمائے آمین
شہزاد وحید
محفلین
سمارٹ فون اور ٹیبلٹس کی ٹچ سکرینز پر ورچوئل کی بورڈ سے ٹائپنگ بھی ایک وجہ معلوم پڑتی ہے۔ کہاں فیزکل کی بورڈز پر دھڑا دھڑ فارمز کے صفحات منٹوں سکنٹوں میں بھرا کرتے تے اورُکہاں یہی سطر لکھنے میں دو منٹ سے بھی زیادہ لگ گئے۔ لاشعوری طور پر ایک ان دیکھی غیر محسوس اکتاہٹ قطرہ قطرہ اثر انداز ہو جاتی ہے شاید۔ اور ماضی قریب کی ویرانیوں میں مختصر دورانئیے کی توجہ کی انتہا کے ساتھ ساتھ ورچوئل کی بورڈ بھی قصور وار نظر آتا ہے۔
دوست
محفلین
افسوس، ماضی سے جوڑنے والی ایک اور چیز چلی جائے گی۔ بڑے عرصے سے خیال تھا کہ محفل کو سکریپ کر کے ایک ڈیٹابیس بنا لی جائے جس کی بنیاد پر اردو لسانیات پر کئی طرح کی تحقیق ہو سکتی ہے۔ اگرچہ ایسا کام چند سال پہلے ہو چکا ہے( سی کیو پی ویب لنکاسٹر یونیورسٹی کے اس پورٹل پر اردو ویب کارپس موجود ہے جو یہیں سے سکریپ کیا گیا ہے)۔ پہلے شاید کچھ فورم آرکائیو کرنے کا خیال تھا؟ کیونکہ یہی بات میں پہلے کہیں پڑھ چکا ہوں۔ بہرحال آرکائیو کرنے کے ساتھ ساتھ پبلک ڈیٹا کو اگر ڈیٹابیس کے طور پر مہیا کیا جا سکے تو میرے جیسوں کا بھلا ہو سکتا ہے۔ 18 سال یا زیادہ کا سماجی لسانیاتی ڈیٹا کئی پی ایچ ڈی پیدا کر سکتا ہے۔ چیٹ جی پی ٹی اور دیگر چیٹ باٹس کی کی خدمت تو اس فورم نے خوب کی ہی ہے، کچھ مفت تحقیق کرنے والوں کا بھی بھلا ہو جائے۔
حماد علی
محفلین
آہ دل ٹوٹ سا گیا !
کوئی فیسبک گروپ بنا لیا جائے اردو محفل کا کہ اس کی بازگشت باقی رہ سکے؟
صریر
محفلین
جی، کوئی ایسا پلیٹ فارم ہو، جہاں احباب جمع بھی ہو سکیں، اور بآسانی محفل کے روابط،دھاگے، لڑیاں اور اقتسابات، بطور یاد گار یا ریفرنس کےطور پر استعمال میں بھی لا سکیں۔ اتنا بھی بہت ہوگا محفل اور محفلین کو جوڑ کر رکھنے کےلئے۔محفلین اپنی رائے شیئر کریں اس بارے میں۔
حماد علی
محفلین
جب بھی دل اداس ہوا، محفل کا چکر لگا لیا۔ پچھلے کئی سالوں سے یہ ایک ریت سی تھی، دل مزید اداس ہو گیا، مگر وقت کی رفتار سے کون مقابلہ کرے!
صریر
محفلین
عجیب سے بے چینی ہے، مانو کسی چہکتے ہوئے چمن سے چلتے ہوئے ایک سنسان صحرا میں آن پہنچے ہیں، چلتے چلے جارہے ہیں، پر اب راستہ ہی نہیں ملتا،بس وہ خوشگوار منظر ذہن میں بار بار آ کے پریشان کئے جاتا ہے، کہ ابھی ابھی تو وہ منظر تھا، دل کو فرحت بخشنے والی ہوائیں، رنگ برنگے پھول، پرندوں کی آوازیں، لیکن چمن کو دور ہی سے دیکھ کر خوش ہو لینے کی ایک عادت، چمن سے بہت دور لے گئی، اب بس بے سمت راستے، طمانچے مارتی ہوئی گرم ہوائیں، چمن میں پھر کبھی نہ لوٹ سکنے کا شدید احساس ، اور اس احساس سے پیدا ہونے والا کرب!
نبیل
تکنیکی معاون
اچھی تجویز ہے، اور میں نے خود ریسرچرز کو محفل فورم کا پبلک ڈیٹا فراہم کرنے کی آفر کی ہے۔ایک مرتبہ فورم کو آرکائیو کرنے کا مرحلہ طے ہوجائے تو مناسب فارمیٹ میں اس کا پبلک ڈیٹا فراہم کرنے پر غور کیا جا سکتا ہے۔
محب علوی
مدیر
ڈیٹابیس کے ساتھ ساتھ اگر دیگر فارمیٹ میں بھی ڈیٹا مہیا کیا جا سکے تو زیادہ مفید ہو گا کہ فائلوں سے ڈیٹا کو پڑھنا اب ڈیٹا بیس کے مقابلے میں زیادہ آسان ہے اور اس پر ماڈل ٹریننگ کے علاوہ ایک مقبول فارمیٹ سے دوسرے فارمیٹ میں کنورٹ کرنا بھی آسان ہے۔
محب علوی
مدیر
بالکل نیک خیال ہے اور بہت سے دھاگے درکار ہوں گے محفل کے ہمہ جہت پہلوؤں کا احاطہ کرنے کے لیے۔کیا خیال ہے؟ فورم کی آخری سالگرہ کا انتظار کرنے کی بجائے ابھی سے الوداعی تقریب کا آغاز نہ کر دیا جائے؟
یہ بیس برس کا قصہ ہے، دو چار برس کی بات نہیں ۔۔
ویسے کچھ دن ابھی لوگوں کو اس خبر کو ہضم کرنے اور اردو محفل سے جدائی کے لیے خود کو تیار کرنے میں لگ جائیں گے۔