ابھرا علی کا نقش کف پا کہاں کہاں - علامہ السید ذیشان حیدر جوادی کلیم الہ آبادی

[کاشفی]

سلام
(علامہ السید ذیشان حیدر جوادی کلیم الہ آبادی)

ابھرا علی کا نقش کف پا کہاں کہاں
دل نے کیا ہے شوق کا سجدہ کہاں کہاں

زیرلحد سے پردہ اسریٰ کے پار تک
پھیلا ہے مرتضی کا اُجالا کہاں کہاں

باقی ہے دار، مسجد و منبر نہیں تو کیا
مدح علی پہ بیٹھے گا پہرہ کہاں کہاں

ہم کو نہ دیکھو کہتے ہیں ہم یا علی مدد
دیکھو کہ مصطفی نے پکارا کہاں کہاں

ہنگام نزع، زہر لحد اور سر صراط
ملتا ہے مرتضی کا سہارا کہاں کہاں

باغ فدک اِدھر ہے اُدھر دشت کربلا
اُمت نے اہلِ بیت کو لوٹا کہاں کہاں

کوفہ سے لے کے تاسر میدان ِکربلا
حیدر کا خوں بہا ہے خدایا کہاں کہاں

اکبر کی لاش، ساحل دریا، سر نشیب
شہ نے کیا ہے شکر کا سجدہ کہاں کہاں

بازار کوفہ، دشت بلا اور دیار شام
در در پھرا رسول کا کنبہ کہاں کہاں

مقتل میں، پشت خیمہ پہ، زندان شام میں
روئی ہے اپنے لال کو زہرا کہاں کہاں

زنداں میں پوچھتی تھی سکینہ کہ اے پھوپھی
جائے گا اپنے ساتھ اندھیرا کہاں کہاں

نوک سناں پہ، طشت میں ، بچی کی گود میں
زینب نے سر حسین کا دیکھا کہاں کہاں

بتلائے گا یہ زخموں سے بہتا ہوا لہو
رویا ہے اپنے باپ کو بیٹا کہاں کہاں

انساں کے ساتھ روتے ہیں جن و ملک تمام
پہنچا غمِ حسین کا چرچا کہاں کہاں

اُٹھے لحد سے کہتے ہوئے یا حسین ہم
کام آیا اے کلیم یہ نوحہ کہاں کہاں

صلی اللہ علیہ وآلہ وسلم​

 

[فرخ منظور]

جزاک اللہ! بہت شکریہ کاشفی صاحب!

 

[میر انیس]

ہم کو نہ دیکھو کہتے ہیں ہم یا علی مدد
دیکھو کہ مصطفی نے پکارا کہاں کہاں

سبحان اللہ۔سبحان اللہ ۔اللہ آپ کے درجات بلند فرمائے

 

[کاشفی]

فرخ منظور صاحب!​

​

محمد وارث صاحب!​

​

میر انیس صاحب!​

​

آپ تمام احباب کا بیحد شکریہ۔۔۔ ​

 

[ام نور العين]

غلو كے ساتھ ساتھ خلاف واقعہ كلام ہے۔
باغ فدک اِدھر ہے اُدھر دشت کربلا
اُمت نے اہلِ بیت کو لوٹا کہاں کہاں
يہ صرف يار غار رسول خليفہ راشداول ، قامع فتنہ ارتداد و رد زكوة حضرت صديق اكبر رضي اللہ عنہ پر هى حملہ نہيں تمام اہل السنت و الجماعت كے متعلق خلاف واقعہ الزام ہے ۔
حب خليفہ راشد رابع ، ابن عم رسول حضرت علي رضي اللہ عنہ تمام اہل سنت کے دلوں ميں بدرجہ اتم موجود ہے ليكن محبت اور غلو ميں فرق ہوتا ہے۔ اور ايك مقدس ہستی کی محبت ميں باقى مقدس ہستيوں کے متعلق تاريخ مسخ كرنا كوئى دانش مندى نہيں۔

 

[کاشفی]

بہت شکریہ! ​

 

[کاشفی]

کیوں ثنائے حیدر صفدر سے گھبراتے ہیں لوگ
نام سنتے ہیں علی کا اور مر جاتے ہیں لوگ​

 

[نایاب]

بہت خوب منظوم تاریخ اسلام
شراکت پر بے حد شکریہ کاشفی بھائی

 

[کاشفی]

بہت خوب منظوم تاریخ اسلام
شراکت پر بے حد شکریہ کاشفی بھائی

بہت شکریہ۔۔خوش رہیئے ہمیشہ۔۔

 

[صائمہ شاہ]

سبحان اللہ

ہم کو نہ دیکھو کہتے ہیں ہم یا علی مدد
دیکھو کہ مصطفی نے پکارا کہاں کہاں

 

[محمد علم اللہ]

معذرت کے ساتھ کلام تو اچھا ہے لیکن غلو میں لوگ ڈانڈا الوہیت تک ملا دیتے ہیں اس سے بچنا چاہئے۔

 

[کاشفی]

سبحان اللہ

ہم کو نہ دیکھو کہتے ہیں ہم یا علی مدد
دیکھو کہ مصطفی نے پکارا کہاں کہاں

شکریہ بیحد۔۔

 

[فرخ منظور]

معذرت کے ساتھ کلام تو اچھا ہے لیکن غلو میں لوگ ڈانڈا الوہیت تک ملا دیتے ہیں اس سے بچنا چاہئے۔

اصلاحی صاحب، یہ الوہیت کسے کہتے ہیں؟ ہو سکے تو ہم جیسے کم علموں کے علم میں بھی اضافہ فرمائیے گا۔ بہت شکریہ!

 

[محمد علم اللہ]

اصلاحی صاحب، یہ الوہیت کسے کہتے ہیں؟ ہو سکے تو ہم جیسے کم علموں کے علم میں بھی اضافہ فرمائیے گا۔ بہت شکریہ!

توحید مزید تفصیل کے لئے دیکھئے ۔۔۔http://www.urduencyclopedia.org/urdudictionary/index.php?title=الوہیت

 

[فرخ منظور]

توحید مزید تفصیل کے لئے دیکھئے ۔۔۔ http://www.urduencyclopedia.org/urdudictionary/index.php?title=الوہیت

جناب میں آپ کی زبانی سننا چاہتا ہوں۔ انسائیکلو پیڈیا تو میرے پاس بھی بہت سے دستیاب ہیں۔

 

[محمد علم اللہ]

جناب میں آپ کی زبانی سننا چاہتا ہوں۔ انسائیکلو پیڈیا تو میرے پاس بھی بہت سے دستیاب ہیں۔

یہی جو انسائکلو پیڈیا میں لکھا ہے یعنی خدائی یا خدا واندی، خدائی کا رتبہ، اللہ یا معبود ہونا۔وغیرہ

 

[فرخ منظور]

یہی جو انسائکلو پیڈیا میں لکھا ہے یعنی خدائییا خدا واندی، خدائی کا رتبہ، اللہ یا معبود ہونا۔وغیرہ

یہ وغیرہ سے کیا مراد ہے آپ کی؟ یعنی خدا کے سوا بھی کوئی معبود ہو سکتا ہے؟

 

[محمد علم اللہ]

یہ وغیرہ سے کیا مراد ہے آپ کی؟ یعنی خدا کے سوا بھی کوئی معبود ہو سکتا ہے؟

نہیں نعوذ باللہ وغیرہ غلط لکھ گیا ۔۔۔معذرت خواہ ہوں۔

 

[فرخ منظور]

نہیں نعوذ باللہ وغیرہ غلط لکھ گیا ۔۔۔ معذرت خواہ ہوں۔

میرے خیال میں آپ اگر برصغیر کی نعتوں کا مطالعہ کریں تو یہ غلو اور وغیرہ آپ بے آشکار ہو جائے گا۔ برصغیر کی ابتدائی نعتوں میں رسولِ اکرم کو مدینے کا بنسی بجیا بھی کہا گیا ہے۔ اور رسولِ اکرم کی خاکِ پا کے تلے بہت سے شاعر تڑپتے دکھائی دیں گے۔ یہ غلو اور وغیرہ اس برصغیر کی تہذیب و ثقافت کا حصہ ہے۔ اسے عربی اسلام متاثر نہیں کر سکتا۔

 

[محمد علم اللہ]

میرے خیال میں آپ اگر برصغیر کی نعتوں کا مطالعہ کریں تو یہ غلو اور وغیرہ آپ بے آشکار ہو جائے گا۔ برصغیر کی ابتدائی نعتوں میں رسولِ اکرم کو مدینے کا بنسی بجیا بھی کہا گیا ہے۔ اور رسولِ اکرم کی خاکِ پا کے تلے بہت سے شاعر تڑپتے دکھائی دیں گے۔ یہ غلو اور وغیرہ اس برصغیر کی تہذیب و ثقافت کا حصہ ہے۔ اسے عربی اسلام متاثر نہیں کر سکتا۔

یہ ہندی اسلام اور عربی اسلام کیا ہے اسلام تو بس ایک ہی ہے .”ان الدین عند اللّٰہ الاسلام“... (آل عمران:۱۹) ”ومن یبتغ غیر الاسلام دیناً فلن یقبل منہ۔“ (اٰل عمران:۸۵) آپ نے بالکل بجا فرمایا بر صغیر کی نعتوں میں غلو ہے لیکن بہت سارے لوگوں نے عمدہ نعتیں بھی کہی ہیں جن میں بطور خاص علامہ اقبال ،اقبال سہیل ،ماہر القادری ،کوثر اعظمی،مجاہد اعظمی،عامر عثمانی وغیرہ کے نام شامل ہیں۔