ایسا ہی ہے، بالکل ایسا ہی ہے مگر کیا پاکستان میں ہندو، اور ہندوستان میں مسلمان، آئینی لحاظ سے نہیں، بلکہ عملی طور پر، برابر کے شہری تصور کیے جاتے ہیں۔ اگر ایسا ہے تو خوش آئند بات ہے، اگر ایسا نہیں ہے تو، یہ جان لینا چاہیے کہ یہ سب ایک خواب و سراب ہے۔ دونوں طرف مذہبی انتہاپسندی ہے جس کے باعث اقلیتیں اچھوت بن کر رہ گئی ہیں۔
یہ بحث محفل میں کوئی پانچ چھے بار تو ہو ہی چکی ہوگی؟
اسکا مطلب تو یہی نکلتا ہے کہ مولانا آزاد دور حاضر کے زرداری لیول کے آدمی تھے جو اکثریتی ووٹ (جمہوریت) کیخلاف جوڑ توڑ کر کے اقلیت میں سے وزیر اعلی پنجاب بنانے میں کامیاب ہو گئے۔
کافی مغربی بات کر دی آپ نے!
زرداری کے علاوہ بھی ایک بدنام زمانہ شخصیت جنرل یحیی کا نام ذہن میں آ رہا ہے۔ جس نے ۱۹۷۰ کے الیکشن نتائج کے مطابق اکثریتی جماعت عوامی لیگ کی حکومت نہیں بننے دی اور یوں پاکستان دو ٹکڑے کروا کر دم لیا۔
ویسے دلچسپ بات یہ ہے کہ زرداری تو بد نام ہیں ہی، ان سے قبل جہانگیر ترین نے اکثریت کو اقلیت میں تبدیل کر دیا تھا۔ مسلم لیگ نون پنجاب میں 2018 میں زیادہ نشستیں جیت کر سامنے آئی تھی۔ اس حساب سے تو ان کی حکومت بننے دینی چاہیے تھی، مگر جہانگیر ترین اور مقتدر قوتوں نے تحریک انصاف کے لیے جوڑ توڑ کر کے ان کی حکومت بنوائی تھی۔ تحریک انصاف کی مسلم لیگ نون کے مقابلے میں آٹھ نشستیں کم تھیں۔
آپ میرا مدعا صحیح سمجھے نہیں۔ میرا زور "جوڑ توڑ" پر تھا۔ کسی اکثریتی پارٹی کے خلاف مختلف پارٹیوں کا مل کر حکومت بنا لینا غیر آئینی یا غیر جمہوری نہیں ہے لیکن اس عمل کے پیچھے کیا کیا کچھ ہوتا ہے اس کو کم از کم "غیر اخلاقی "ضرور کہہ سکتے ہیں۔
اس میں مغربی کیا ہے؟
غیر اخلاقی کی وضاحت درکار ہے تاکہ پتہ چلے کہ وہ اخلاق جو رہ گئے انسانیت کے لیے کس قدر مضر یا مفید ہیں۔
اب یہی دیکھ لیجے کہ مولانا آزاد کو عہدِ قدیم کا زرداری ہونے کا اعزاز مل گیا۔
ہے نا نئی بات۔
جی میرے نزدیک اخلاقی اور غیر اخلاقی کا مطلب تو وہی کچھ ہے جو یہ الفاظ سننے یا پڑھنے پر سب سے پہلے ذہن میں آتا ہے، باقی اس کی وضاحت تو کوئی "فلسفی" ہی کر سکتا ہے۔
معذرت کے ساتھ مولانا انسانیت کے مصلح و ہادی تو تھے نہیں (ویسے ان کے سوانح نگار لکھتے ہیں کہ وہ ایک زمانے میں امام مہدی ہونے کا اعلان کرنے والے تھے لیکن پھر رک گئے)، ایک کانگریسی سیاستدان تھے اور سیاسی طور پر وہی کچھ کرتے رہے جو کہ عام طور پر سیاستدان کرتے ہیں یعنی مخالف کو زک پہنچانے اور اس کا راستہ روکنے کے لیےکسی بھی حد تک چلے جانا، اب اس کا نام آپ "راضی کرنا" رکھیں، "انسانیت کی خدمت "کرنا رکھیں یا کچھ اور رہتا یہ ایک سیاسی مشن ہی ہے اور فائدہ بھی اس سے سیاسی ہی اٹھایا جاتا ہے۔
رافع صاحب کی شخصیت، بصد معذرت، مجھے شروع سے مشکوک لگتی ہے، عجیب متضاد باتیں کرتے ہیں ... جاسم کے بارے میں کسی حد تک کہہ سکتا ہوں کہ وہ شاید اس سب میں سے "اسلامی صدارتی نظام" برآمد کرناچاہتے ہوں ... کیونکہ ان کے ممدوح نے آج کل پھر یہ شوشہ چھوڑ رکھا ہے
تاریخ کا مطالعہ
آپ کو اس سے قبل بھی کچھ باتیں متضاد لگیں تھیں۔ جب انکے درمیان ربط بیان کیا گیا تو آپ اپنی اس رائے سے دستبردار ہو ئے۔