آپکی پسندیدہ خوشبوئیں کون کون سی ہیں؟؟؟

[تعبیر]

چلیں جی کچھ نیا شروع کرتے ہیں

آپ سب نے بتانا ہے کہ آپ کی پسندیدہ خوشبوئیں کون کونسی ہیں؟؟؟

پہلے میں جواب دیتی ہون تاکہ آپکو کچھ اندازہ ہو جائے کہ کیا کرنا ہے
میری لسٹ کچھ لمبی ہے کچھ اور بھی یاد آیا تو پھر دوبارہ پوسٹ کرونگی کوئی پابندی تھوڑی نا ہے

*بارش کے بعد مٹی کی سوندھی سوندھی خوشبو
* گھاس کٹنے کے بعد اسکی تازہ تازہ خوشبو
*ڈیٹول ور اسپرٹ کی خوشبو
*کچھ ڈیٹرجینٹس اور واشنگ پاؤڈراور فلور کلینرز کی خوشبو

پھولوں میں
* گلاب۔موتیے اور رات کی رانی کی خوشبو
پرفیومز میں
مجھے جنٹس پرفیوم زیادہ پسند ہیں ویسے اور لیڈیز میں narciso rodriguez پنک والا،coco chanel اور jimmy choo اور بھی بہت سارے ہیں وہ پسند ہیں

کھانے پینے میں
*coffee کی خوشبو
*بیکنگ کی خوشبو
*بار کیو کی خوشبو
*پراٹھوں کی خوشبو
* چاولوں کی بھی
ویسے بھوک لگی ہو تو ہر کھانے کی ہی خوشبو اچھی لگتی ہے

اس کے علاوہ
دھند میں جو ایک عجیب سا atmosphere ہوتا ہے نا اسکی خوشبو
اور
دھویں کی
باقی یاد نہیں آرہا
میرے خیال سے بہت ہو گیا

 

[قرۃالعین اعوان]

میری لسٹ خاصی لمبی ہوجائے گی اس لیئے آرام سے بناتی ہوں فہرست

 

[شمشاد]

مجھے تو بس ایک ہی خوشبو پسند ہے اور وہ ہے نئے نئے کرارے نوٹوں کی۔ اور مہینے کے آخر میں تو یہ اور بھی پسندیدہ ہو جاتی ہے۔
میری رائے میں تو اس کا عطر بنا کر رکھ لینا چاہیے اور تمام تنخواہ دار طبقے کو مہینے کی آخری تاریخوں میں یہ عطر لگانا چاہیے۔

 

[شمشاد]

ایک خوشبو چھوٹے بچوں سے بھی آتی ہے جو ان کی معصومیت اور سچائی کا پتہ دیتی ہے۔

 

[زبیر مرزا]

السلام علیکم
ِ چمپا ، موتیا اورچنبیلی کے پھولوں کی خوشبو
اچار کی خوشبو
کراچی میں صبح کے وقت جمعدار کاغذ جمع کرکے جلاتے ہیں اس کی مہک میں ایک اُداسی سی ہوتی ہے مجھے وہ بہت پسند ہے
(جی مجھے وہ ہلکا ہلکا دھواں اور خوشبو ہی محسوس ہوتی ہے )
لوبان کی خوشبو (جس کی دھونی دی جاتی ہے ہمارے گھرمیں اکثر)
آم کی خوشبو
زیرہ اور سونف کی خوشبو
پودینے کی خوشبو

 

[شمشاد]

دن میں موتیے کی اور رات میں رات کی رانی کی خوشبو میرے قدم پکڑ لیتی ہیں۔

 

[انیس الرحمن]

*ڈیٹول ور اسپرٹ کی خوشبو
اور
دھویں کی

کوچۂ ملنگاں میں خوش آمدید۔۔۔

 

[حسیب نذیر گِل]

گلاب ،موتیے اور چنبیلی کی خوشبو
الائچی کی خوشبو (دو منٹ منہ میں ڈالنے کے بعد آنیوالی خوشبو)
دودھ پتی کی خوشبو (یاد رہے چائے اور دودھ پتی کی خوشبو میں فرق ہوتا )
چپس کی خوشبو،
خشک دھنیا،پودینہ ہرا دھنیا الغرض اس طرح کے گرم مصالحے سب ہی زبردست ہیں
جو بھی ہانڈی پک رہی ہو سب کی خوشبو ہی اچھی لگتی ہے
آج تک کسی بھی پرفیوم کا نام یاد نہیں کیا (کبھی مستقل استعمال کیا ہو تو پتہ ہو) کبھی کبھار دوست سے لیکر استعمال کرتا ہوں۔خود کبھی بھی نہیں خریدا۔بہرحال عطر کافی خریدے ہیں لیکن انکے نام بہت اوکھے ہیں لہذاٰ جب یاد آئیں گے بتا دیں گے

 

[حسیب نذیر گِل]

دن میں موتیے کی اور رات میں رات کی رانی کی خوشبو میرے قدم پکڑ لیتی ہیں۔

تو پھر آپ چلتے کیسے ہیں؟

 

[شمشاد]

اس کو بھی ساتھ لیکر چل پڑتا ہوں۔

 

[محمود احمد غزنوی]

ہر وہ خوشبو جسے سونگھتے ہی خودبخود آنکھیں سرور کے عالم میں بند ہوجائیں (کلوروفام وغیرہ اس سے مستثنیٰ ہے)
اور ہر وہ خوشبو جسے سونگھتے ہی بے اختیار زبان پر سبحان اللہ جاری ہوجائے
ویسے خربوزے کو پکڑ کر کبھی سونگھا ہے؟ ۔۔واہ واہ سبحان اللہ

 

[نبیل]

جب تیز دھوپ سے جھلسی ہوئی زمین پر بارش کی پھوار پڑتی ہے تو اس کے بعد مٹی سے اٹھنے والی خوشبو مجھے بہت پسند ہے۔

 

[انیس الرحمن]

اصل مشک اور اصل صندل۔۔

 

[شمشاد]

اصل مشک اور اصل صندل۔۔

یہ کہاں ملتے ہیں؟

 

[نیلم]

کچی مٹی کی جو بارش کےبعدآتی ہے

 

[افلاطون]

کوچۂ ملنگاں میں خوش آمدید۔۔۔

پھر تو صمد بونڈ ان کی پسندیدہ ہونی چاہئیے تھی

 

[انیس الرحمن]

پھر تو صمد بونڈ ان کی پسندیدہ ہونی چاہئیے تھی

شاید ان کے ہاں صمد بونڈ نہیں ملتا۔۔۔

 

[انیس الرحمن]

یہ کہاں ملتے ہیں؟

شمشاد بھائی پاکستان میں سب ملتا ہے۔۔
صندل تو عام مل جاتی ہے۔
ایک نمبر مشک جو سونے سے بھی زیادہ مہنگی ہے مشکل سے ملے گی مگر مل جاتی ہے۔

 

[افلاطون]

شاید ان کے ہاں صمد بونڈ نہیں ملتا۔۔۔

بد قسمتی ہے ان کی پھر

 

[انیس الرحمن]

بد قسمتی ہے ان کی پھر

وہ آج آئیں گی تو پوچھ لوں گا۔