آنکھ، چشم، نین، دیدہ، نگاہ، نظر پر اشعار

[زیرک]

آنکھوں کو سب کی نیند بھی دی خواب بھی دیے
ہم کو شمار کرتی رہی دشمنوں میں رات
شہریار​

 

[زیرک]

سانولی چاند سے اجلی ہے اور اِس پر اُس نے
نینوں میں اجمیر کا کجلا ڈال رکھا ہے
زین شکیل​

 

[زیرک]

نین تو یوں ہی تمہارے ہیں بلا کے قاتل
اس پہ تم روز سنور جاتے ہو، حد کرتے ہو​

 

[عبدالرحمن آزاد]

ادا سے دیکھ لو جاتا ہے ہے گلہ دل کا
بس اک نگاہ پہ ٹھرا ہے فیصلہ دل کا
ارشد علی خان قلق

 

[زیرک]

کھولی ہیں ذوقِ دید نے آنکھیں تری اگر
ہر رہ گزر میں نقشِ کفِ پائے یار دیکھ​

 

[زیرک]

برفیلی رُت کی تیز ہوا کیوں جھیل میں کنکر پھینک گئی
اِک آنکھ کی نیند حرام ہوئی، اِک چاند کا عکس خراب ہوا
محسن نقوی​

 

[زیرک]

کبھی وصل میں محسن دل ٹوٹا کبھی ہجر کی رُت نے لاج رکھی
کسی جسم میں آنکھیں کھو بیٹھے، کوئی چہرہ کھلی کتاب ہوا
محسن نقوی​

 

[زیرک]

بادل تو بہت ہیں، مگر اس شہر میں ہم نے
آنکھوں کے سوا کچھ بھی برستے نہیں دیکھا​

 

[زیرک]

آنکھ کے ریگستان کو تیری یاد کا بادل
چھو جائے تو پل میں جل تھل کر دیتا ہے​

 

[زیرک]

لگتا تو بے خبر سا ہوں، لیکن خبر میں ہوں
تیری نظر میں ہوں تو میں سب کی نظر میں ہوں
وسیم بریلوی​

 

[زیرک]

بوندیں گریں تو آنکھ میں آنسوبھی آ گئے
بارش کا اس کی یاد سے رشتہ ضرور ہے​

 

[رباب واسطی]

اپنی عادت ہی زمانے سے جدا رکھی ہے
دوستی ہم سے کرو ہم میں وفا رکھی ہے
اک نظر دیکھنے والا تجھے مر جاتا ہے
تو نے جلووں میں کوئی ایسی ادا رکھی ہے

 

[زیرک]

دیکھیں چشمِ حیراں کیا انتخاب کرتی ہے
میں کتابِ تنہائی، تم نصاب دنیا کے​

 

[زیرک]

آنکھوں سے بول پیاس کے صحرا سے بول دیں
بارش نہ مانگنا، کہ گھٹا اب کے اور ہے​

 

[عبدالرحمن آزاد]

آنکھیں نہ جینے دیں گی تری بے وفا مجھے
کیوں کھڑکیوں سے جھانک رہی ہے قضا مجھے

 

[زیرک]

وفورِ تشنہ لبی تھا کہ نقصِ دیدہ وری
مجھے تو جتنے سمندر ملے، سراب ملے​

 

[زیرک]

جو تیرے غم میں بہتا ہے وہ آنسو رشکِ گوہر ہے
سمجھتے ہیں متاعِ دیدہ و دل، دیدہ ور تجھ کو
حبیب جالب​

 

[زیرک]

کہاں کہاں ہوئے روشن ہمارے بعد چراغ
ستارے دیدۂ تر سے حساب پوچھتے ہیں
محسن نقوی​

 

[زیرک]

برس پڑیں تری آنکھیں تو پھر یہ بھید کھلا
سوال خود سے بھی اپنا جواب پوچھتے ہیں
محسن نقوی​

 

[زیرک]

تُو نے جھیلی ہے کبھی ایسی اذیت جس میں
لبِ خاموش ہنسے، دیدۂ پُرنم برسے
رحمان فارس​