آج کی دلچسپ خبر!

محمد عدنان اکبری نقیبی نے 'آج کی خبر' کی ذیل میں اس موضوع کا آغاز کیا، ‏دسمبر 22, 2017

  1. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,893
    جھنڈا:
    Pakistan
    موڈ:
    Cheerful
    ماہر شیف نے انڈے کو آرٹ میں بدل دیا۔
    یوں تودنیا میں باصلاحیت لوگوں کی کمی نہیں لیکن اصل فنکار وہی کہلاتا ہے، جو اپنے فن کا مظاہرہ اس ڈھنگ سے کرے کہ سب کو دنگ کردے۔

    [​IMG]

    میکسیکو سے تعلق رکھنے والے اس شیف کا شمار بھی ایسے ہی افراد میں کیا جاسکتا ہے، جس نے انڈے کے ذریعے اپنے آرٹ کی شاندار صلاحیتوں کا مظاہرہ کر کے دیکھنے والوں کو حیران کردیا۔

    [​IMG]

    مائیکل بیلدینی نامی یہ شیف اس انداز میں انڈا فرائی کرتا ہے کہ وہ آرٹ کی شاندار شکل اختیار کرلیتا ہے۔

    [​IMG]

    انڈے کے ذریعے بے شمار آرٹ کے نمونے بنانے والے اس ماہر شیف کی ویڈیو انٹرنیٹ پر کافی مقبولیت حاصل ہورہی ہے۔​
     
    • پسندیدہ پسندیدہ × 3
    • زبردست زبردست × 3
    • متفق متفق × 1
  2. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,893
    جھنڈا:
    Pakistan
    موڈ:
    Cheerful
    :)
     
  3. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,893
    جھنڈا:
    Pakistan
    موڈ:
    Cheerful
    کرک انفو کا تینوں فارمیٹ میں سال کی بہترین ٹیموں کا اعلان

    [​IMG]
    کرکٹ کی معروف ویب سائٹ کی جانب سے سال کی بہترین ٹیسٹ، ون ڈے اور ٹی20ٹیم کا اعلان کردیا گیا ہے، جہاں حسن علی ٹی20 اور ون ڈے ٹیم میں شامل، جبکہ بابر اعظم ون ڈے ٹیم کا حصہ بن گئے ہیں۔
    سال 2017 جس میں ٹیم پاکستان نے بہت سے کامیابیاں سمیٹیں ،کسی میچ میں حسن علی نے کمال دکھایا، توکسی میچ میں بابراعظم نے بلا گھمایا۔

    [​IMG]

    کرکٹ کی معروف ویب سائٹ نے دنیا کے بہترین کھلاڑیوں کی ٹیمیں تشکیل دی ، تباہ کن بولنگ کرنے والے پاکستانی نوجوان حسن علی ٹی 20 اور ون ڈے دونوں ٹیموں میں شامل ہیں، حسن نے سال 2017 میں سب سے زیادہ 45وکٹیں حاصل کیں جبکہ وہ 46 وکٹیں لے کر ٹی 20ٹیم کا بھی انتخاب بنے۔

    [​IMG]

    ون ڈے کرکٹ میں 872رنز بنانے والے بابر اعظم بھی ون ڈے ٹیم آف دی ایئر میں شامل ہیں جبکہ ون ڈے ٹیم میں بھارت، پاکستان، جنوبی افریقا، انگلینڈ اور افغانستان کے کھلاڑی بھی شامل ہیں تاہم ٹی 20ٹیم میں ویسٹ انڈین چھائے ہوئے ہیں البتہ ٹیسٹ ٹیم میں کوئی پاکستانی جگہ نہیں بنا سکا۔
     
    • معلوماتی معلوماتی × 2
  4. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,893
    جھنڈا:
    Pakistan
    موڈ:
    Cheerful
    سعودی عرب: شیر خوار بچے سے چھیڑ چھاڑ کرنے پر تین نرسیں معطل

    [​IMG]

    سعودی عرب میں ایک شیر خوار بچے کے ساتھ چھیڑ چھاڑ کرنے پر تین نرسوں کو تا حکم ثانی کام سے روک دیا گیا ہے۔

    [​IMG]

    سوشل میڈیا پر سعودی حلقوں کے درمیان ایک وڈیو کلپ گردش میں آ یا ہے جس میں طائف شہر کے ایک اسپتال میں نرس کو ایک شیرخوار بچّے کے چہرے کے ساتھ بے ہودہ قسم کی تفریح کرتے ہوئے دکھایا گیا ہے۔
    اس دوران پس منظر میں وہاں موجود دیگر نرسوں کے ہنسنے کی آوازیں بھی سنائی دے رہی ہیں۔سوشل میڈیا پر اس وڈیو کلپ کے پھیلنے کے بعد صارفین میں غم و غصّے کی لہر دوڑگئی ۔جس کے بعد طائف کے محکمہ صحت نے نوٹس لے لیا اور تحقیقاتی کمیٹی بنا دی۔
    کمیٹی نے معاملے کی ذمّے دار نرسوں کے گروپ کو شناخت کر لیا ہے اور تحقیقات مکمل ہونے تک انہیں فوری طور پر کام سے روک دینے کی ہدایت جاری کی ہے۔
     
    • غمناک غمناک × 3
    • معلوماتی معلوماتی × 1
  5. عبید انصاری

    عبید انصاری محفلین

    مراسلے:
    2,461
    جھنڈا:
    Pakistan
    موڈ:
    Cool
    کسی کو "جھنڈیر لائبریری" کے بارے میں معلومات ہیں تو ضرور بتائیں۔ کافی نام سنا ہے اس کا۔( غالباََ میلسی میں ہے؟)
     
    • پسندیدہ پسندیدہ × 1
    • متفق متفق × 1
  6. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,893
    جھنڈا:
    Pakistan
    موڈ:
    Cheerful
    لنک
    لنک
     
    • پسندیدہ پسندیدہ × 1
    • معلوماتی معلوماتی × 1
  7. خالد محمود چوہدری

    خالد محمود چوہدری محفلین

    مراسلے:
    11,610
    جھنڈا:
    Pakistan
    موڈ:
    Festive
    اب کیا کہیں۔۔۔۔


    میرا تو خیال یہ ہے کہ اگر کچھ غلط ہے تو سب سے پہلے اپنی غلطی تلاش کرکے اپنے آپ کو درست کرنے کی کوشش کرتا ہوں۔۔۔

    آج کل ایک صاحب یو ٹیوب پر بہت نظر آتے ہیں اور اپنے بارے میں فرماتے ہیں کہ "میں نے فرقہ واریت کو تین طلاق دے کر اور چار تکبیریں پڑھ کر دفن کردیا ہے" انکا اسم گرامی ہے انجینئر محمد علی مرزا
     
    • معلوماتی معلوماتی × 1
  8. جاسمن

    جاسمن مدیر

    مراسلے:
    12,551
    جھنڈا:
    Pakistan
    موڈ:
    Fine
    میں نے کئی بار وزٹ کیا ہے۔بہت بہت شاندار۔مسعود صاحب خود بہت اچھی شخصیت کے مالک ہیں۔مڈل پاس یہ شخصیت اپنے اندر علم کا ایک جہان آباد کئے ہوئے ہے۔وقت لے جائیں ملاقات کا تو زیادہ اچھا ہے۔بہترین مہمان نوازی۔دہی کا ادھ رڑکا بہت زبردست۔کافی بہت زبردست۔
    بس سب ہی زبردست ہے۔
    یہ دو لائبریریز ہیں۔بھائیوں میں تقسیم ہوئی تھی۔باقی مسعود صاحب بتانے سے منع کرتے ہیں۔چھوٹی لائبریری مسعود صاحب کے پاس ہے۔
     
    • زبردست زبردست × 3
    • معلوماتی معلوماتی × 1
  9. ہادیہ

    ہادیہ محفلین

    مراسلے:
    5,092
    جھنڈا:
    Pakistan
    موڈ:
    Angelic
    امیزنگ۔۔ زبردست۔۔:)
     
    • دوستانہ دوستانہ × 1
    • متفق متفق × 1
  10. ابو ہاشم

    ابو ہاشم محفلین

    مراسلے:
    771
    فرقہ واریت کو چھوڑنا تو اچھی بات ہے
     
    • متفق متفق × 3
  11. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,893
    جھنڈا:
    Pakistan
    موڈ:
    Cheerful
    ٹو کیو: 405کلو وزنی ٹیونا مچھلی 3لاکھ 23ہزار ڈالر میں فروخت
    ٹو کیو کے مچھلی با زارمیں سال کے آغاز پر ٹیونا مچھلی کی سالانہ نیلامی ہوئی، 405کلو وزنی ٹیونا مچھلی 3لاکھ 23ہزار امریکی ڈالر میں فروخت ہوئی۔
    جاپان میں دنیا کے سب سے بڑے مچھلی کے بازار میں ہونے والی نیلامی میں405کلو گرام وزنی دیو ہیکل ٹیونامچھلی فروخت کردی گئی۔
    سال کے آغاز پر ہونے والی ٹیونا مچھلیوں کی نیلامی میں سب سے وزنی890پونڈکی ٹیونا3لاکھ23ہزار امریکی ڈالر(36اعشاریہ4ملین ین)میں فروخت ہوئی۔

    [​IMG]

    گزشتہ کئی سالوں کی طرح رواں برس بھی آکشن میں اس دیو ہیکل ٹیونامچھلی کو کئی غیر ملکی بولی کنندگان کو مات دیتے ہوئے جاپان کے ایک سوشی ریستوران کے مالک نے خرید لیا۔
    اس با زا ر میں ہر سال کے آغاز پر دیو ہیکل مچھلیاں نیلا می کے لیے پیش کی جاتی ہیں جس میں 5سال قبل222 کلو گرام وزنی ٹیو نامچھلی 14 لاکھ80ہزار ڈالر کی ریکارڈ قیمت پر نیلام ہو ئی تھی۔
     
    • معلوماتی معلوماتی × 1
  12. لئیق احمد

    لئیق احمد معطل

    مراسلے:
    12,179
    جھنڈا:
    Pakistan
    موڈ:
    Cool
    سندھ کے کچھ ایسے ہی ڈاکؤوں کا لائیو انٹرویو بھی ٹی وی پر چلا تھا۔ جس میں انہوں نے بتایا کہ سندھ کے کچھ وڈیروں نے ڈاکؤوں کے خاندانوں کو پولیس کے ذریعے اغوا کر رکھا ہے اور ان ڈاکؤوں کو ڈاکہ زنی کے لئے مجبور کیا جاتا ہے۔
     
    • غمناک غمناک × 2
  13. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,893
    جھنڈا:
    Pakistan
    موڈ:
    Cheerful
    کراچی کے پارک میں گل داؤدی کی نمائش

    [​IMG]
    کراچی کا رخ کرتے ہیں جہاں ڈسٹرکٹ سینٹرل میں گل داؤدی کی نمائش سج گئی ہے، خوش رنگ پھولوں نے ماحول کو اور بھی خوبصورت بنادیا۔
    سردیوں کی ٹھنڈی ٹھنڈی ہواوٴں میں دھوپ کا احساس انسان کو ایک عجیب سکون بخشتا ہے، ایسے میں اگر رنگین پھول نظروں کے سامنے ہوں تو مزاج اور طبیعت پر ایک خاص اور مثبت اثر ہوتا ہے۔
    کراچی کے مقامی پارک میں شہری انتظامیہ کی جانب سے پھولوں کی قسم گلِ داؤدی کی پانچ روزہ نمائش کا انعقاد کیا گیا۔
    گلِ داؤدی کے پھولوں کی 100 کے قریب اقسام نمائش کا حصہ ہیں ، جس میں ہلکے پیلے، لال، گلابی، سفید اور جامنی رنگ کے گلِ داؤدی کے خوبصورت پھول خوشگوار تاثر پیدا کر رہے ہیں، قدرت کی خوبصورتی کو دیکھ کر شہری نہایت متاثر ہیں۔
    شہری انتظامیہ کا کہنا ہے کہ گزشتہ کچھ برسوں سے ایسی نمائشوں کا سلسلہ شروع کیا گیا ہے جبکہ اس نمائش میں 80 سے 100 کے لگ بھگ گلِ داؤدی کی اقسام نمائش کیلئے رکھی گئی ہیں۔
    داؤدی پھولوں کی وہ قسم ہے جس کے پودے کو بیج کے بجائے جڑوں کو کھاد میں دبایا جاتا ہے، جس کے ایک سال کے عرصے کے بعد ماہ جنوری میں اس کا پھول کھلتا ہے، جبکہ اس پھول کی عمر صرف 25 دن سے ایک ماہ تک ہوتی ہے۔
     
    • پسندیدہ پسندیدہ × 1
    • زبردست زبردست × 1
  14. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,893
    جھنڈا:
    Pakistan
    موڈ:
    Cheerful
    پیرومیں سالانہ فائٹ فیسٹیول کا انعقاد

    [​IMG]

    بڑے کہتے ہیں کہ لڑنا جھگڑنا بُری با ت ہے، لیکن اس کے باوجود پیرو میں لڑائی جھگڑوں کے لیے خصوصی طورپر سالا نہ فائٹ فیسٹیول کا انعقاد کیا جاتا ہے ، اس قدیم لڑائی میں درجنوں افراد نے حصہ لیتے ہیں۔
    نئے سال کے آغاز کے ساتھ ہی پرانے مسئلے مسائل اور جھگڑوں کو ختم کرنے کی خاطر اس لڑائی کا میدان سجایا جاتا ہے۔

    [​IMG]

    مرد و خواتین کے ساتھ ساتھ بچے بھی اس فائٹ فیسٹیول کا فائدہ اٹھاتے ہوئے زور آزما ئی کرتے نظر آتے ہیں ۔
    اس فیسٹیول کے ذریعے نوجوان اپنی طاقت اور ہمت کا مظاہرہ پیش کر کے شہرت اپنے نام کر تے ہیں، جس کے بعد حریف دوست بھی بن جاتے ہیں۔
     
    • معلوماتی معلوماتی × 1
    • پر مزاح پر مزاح × 1
  15. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,893
    جھنڈا:
    Pakistan
    موڈ:
    Cheerful
    مصر کے 13 سالہ بچے عبدالرحمان حسین نے دنیا کے ذہین ترین بچے کا اعزاز حاصل کرلیا ہے

    [​IMG]

    غیرملکی خبررساں ادارے کے مطابق مصر کے 13 سالہ طالب علم عبدالرحمان حسین نے دنیا کا ذہین ترین بچہ ہونے کا اعزاز حاصل کرلیا ہے۔ ملائیشیا میں منعقد ہونے والے ذہانت کے مقابلے میں 70 سے زائد ممالک کے 3000 بچوں نے شرکت کی، تاہم عبدالرحمان نے صرف 8 منٹوں میں ریاضی کے 230 مشکل سوالات حل کرکے دنیا بھر کے 3000 بچوں کو پیچھے چھوڑ دیا اور پہلی پوزیشن حاصل کی۔

    اعزازحاصل کرنے کے بعد 13 سالہ عبدالرحمان کا کہنا تھا کہ کامیابی کا تمام تر سہرا اساتذہ کے سر جاتا ہے جنہوں نے مقابلے میں شرکت کےلیے اسے خصوصی تربیت دی جبکہ ان اساتذہ میں سرفہرست خاتون استاد بتول محمد منتصر ہیں۔

    عبدالرحمان کی خاتون استاد بتول محمد منتصر کا کہنا ہے کہ یادداشت اور مشاہدے کو مضبوط بنانے کےلیے عبدالرحمان کی تربیت کا آغاز 2014 سے کیا گیا۔ اس دوران پیچیدہ نوعیت کی ذہنی مشقوں سے یہ بات سامنے آئی کہ عبدالرحمان کی ذہنی استعداد اور کام کرنے کی رفتار میں بڑی حد تک اضافہ ہوچکا ہے۔ مقابلے میں امیدواروں کو 4 صفحات پر مشتمل ریاضی کے 315 پیچیدہ سوالات دیئے گئے تھے اور انہیں مقررہ وقت میں ان میں زیادہ سے زیادہ سوالات کو حل کرنا تھا۔ مقابلے میں عبدالرحمان نے سب سے زیادہ 230 سوالات حل کر کے پہلی پوزیشن حاصل کی۔
     
    • پسندیدہ پسندیدہ × 2
    • معلوماتی معلوماتی × 2
    • زبردست زبردست × 1
  16. عبید انصاری

    عبید انصاری محفلین

    مراسلے:
    2,461
    جھنڈا:
    Pakistan
    موڈ:
    Cool
    خدا تعالیٰ اس بچے کو نظر بد سے بچائے۔
     
    • پسندیدہ پسندیدہ × 1
    • دوستانہ دوستانہ × 1
  17. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,893
    جھنڈا:
    Pakistan
    موڈ:
    Cheerful
    ایک روپے کا سکہ نہیں لیں گے، بھارتی فقیروں کا انکار

    [​IMG]

    بھارتی ریاست اتر پردیش کے فقیروں نے ’متفقہ ‘فیصلہ کیا ہے کہ اب وہ بھیک میں ایک روپے کا سکہ نہیں لیں گے۔
    اتر پردیش کے شہر رام پور کے فقیروں نے اس کی وجہ یہ بتائی ہے کہ آسمان سے باتیں کرتی مہنگائی کے اس دور میں ایک روپے اس کی کوئی اہمیت نہیں رہی۔
    شکرا مانی فقیر نے میڈیا سے بات کرتے ہوئے کہا کہ وزیر اعظم نریندرمودی کی جانب سے اس بات کا اعلان کیا گیا ہے کہ جلد 500 اور 1000 کے نوٹ ختم کرکے اس کی جگہ سکے متعارف کرائے جائیں گے۔
    اس نے مزید کہا کہ جب 500 اور 1000 کے سکے آجائیں گے تو آپ خود اندازہ لگائیں کہ ایک روپے کے سکے کی کیا اہمیت ہوگی اور اس کا کیا سائز ہوگا؟؟
    دکانداروں اور رکشہ ڈرائیوز نے بھی فقیروں کے ساتھ اظہار یکجہتی کرتے ہوئے کہا ہے کہ انہیں بھی ایک روپے کا سکہ لینا منظور نہیں۔
     
    • پر مزاح پر مزاح × 3
  18. لئیق احمد

    لئیق احمد معطل

    مراسلے:
    12,179
    جھنڈا:
    Pakistan
    موڈ:
    Cool
    ماشاءاللہ
     
    • دوستانہ دوستانہ × 1
  19. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,893
    جھنڈا:
    Pakistan
    موڈ:
    Cheerful
    ابوظہبی: بھارتی شہری نے 21کروڑ کی لاٹری جیت لی

    [​IMG]
    متحدہ عرب امارات میں ایک بھارتی شہری نے ایک کروڑ 20لاکھ درہم (تقریباًبھارتی21 کروڑ روپے ) کی لاٹری جیت لی۔
    بھارتی اخبار ’’ٹائمز آف انڈیا‘‘ کے مطابق ہری کرشن نامی بھارتی شہری کی ابوظہبی انٹرنیشنل ایئرپورٹ پر ’’بگ ٹکٹ‘‘ لاٹری میں یہ تیسری کوشش تھی، اس سے قبل دو مرتبہ ٹکٹ خرید چکا تھا۔
    ہری کرشن کا کہنا ہے کہ لاٹری جیتنے کے حوالے سے اُس نے کئی فون کالز نظرانداز کردی تھیں لیکن جب بعض ریڈیو اسٹیشنز اور صحافیوں نے رابطہ کیا،تو میں اپنی اہلیہ سے لاٹری ٹکٹ چیک کرنے کا کہا ، اُس نے بتایاکہ واقعی ہم لاٹری جیت گئے ہیں۔
    ہری کرشن کا مزید کہنا تھا کہ وہ دو مرتبہ پہلے بھی 500درہم کا لاٹری ٹکٹ خرید چکا تھا ، اس بار بھی کوئی خاص اُمید نہیں تھی لیکن خوش قسمتی سے اس بار لاٹری جیت گیا۔
    پانچ فروری کو ملنے والی انعامی رقم خرچ کرنے سے متعلق ہری کرشن کا کہنا تھا کہ وہ اس رقم سے بچوں کی تعلیم اور ریٹائرمنٹ کے بعد اخراجات پورے کرے گا۔
     
    • پسندیدہ پسندیدہ × 1
    • پر مزاح پر مزاح × 1
  20. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,893
    جھنڈا:
    Pakistan
    موڈ:
    Cheerful
    ہیلمٹ خرید کر لاؤ، موٹر سائیکل لے جاؤ

    [​IMG]

    موٹر وے پولیس نے بغیر ہیلمٹ موٹرسائیکل چلانے والے موٹر سائیکل سواروں کے خلاف کارروائی کرتے ہوئے 250 موٹر سائیکلیں ضبط کرلیں اور شرط عائد کی کہ ہیلمٹ خرید کر لائو اور موٹر سائیکل لے جاؤ ۔
    ترجمان موٹروے پولیس سیکٹر تھری نعیم صدیقی کے مطابق آئی جی ہائی ویز اینڈ موٹر وے کی ہدایت پر ایم نائن کراچی، حیدرآباد، نوری آباد، جامشورو اور مٹیاری کے مقامات پر کارروائیوں کے دوران بنا ہیلمٹ چلانے والے 250 سے زائد موٹرسائیکل سواروں کی موٹرسائیکلیں ضبط کر لی ہیں۔
    موٹروے پولیس نے موٹر سائیکل سواروں کو ہدایت دی ہے کہ ہیلمٹ خرید کر لائیں اور آئندہ بنا ہیلمٹ موٹرسائیکل نہ چلانے کا وعدہ کر کے اپنی موٹرسائیکلیں واپس لے جائیں ۔
     
    • معلوماتی معلوماتی × 2
    • متفق متفق × 1

اس صفحے کی تشہیر