آج کا شعر

[شمشاد]

اپنے حصے میں طوفان کی تقدیر تھی
زندگی اپنی موجوں کی زنجیر تھی
ڈوب جانے کا اپنے ہمیں غم نہ تھا
اس کا ساحل پے آنا غضب ہو گیا
(شیوان بجنوری)

 

[شعیب خالق]

سوچوں کے بند ہیں جو دریچے وہ کھول دو
تازہ ھوا کے ساتھ اجالا بھی آئے گا
اس دور ِمصلحت نے مجھے کھودیا ، مگر
ایک عہد مجھکو ڈھونڈنے والا بھی آئے گا​

 

[شمشاد]

بیاضِ دل پر غزل کی صورت رقم کیے ہیں
ترے کرم بھی، ترے ستم بھی حساب سارے

یہ سانحہ ہے کہ واعظوں سے الجھ پڑے ہم
یہ واقعہ ہے کہ پی رہے تھے شراب سارے
(فراز)

 

[زینب]

وہ آنکھ چپکے سے یوں‌دل کے بھید کہہ جائے

کہ جیسے بات کوئی یاد آکے رہ جائے

نہ میں‌حسین،نہ تو خوبرو مگر پھر بھی

ہمیں جو ساتھ دیکھے دیکھتا ہی رہ جائے

 

[شمشاد]

ہر درد یہ کہتا ہے ، دوا بن جاؤں
ہر زخم یہ کہتا ہے ، شفا بن جاؤں

آہیں نہ رہیں مری اثر سے خالی
ہر حرف یہ کہتا ہے ، دعا بن جاؤں

 

[فرخ منظور]

پڑیے گر بیمار تو کوئی نہ ہو تیماردار
اور اگر مرجائیے تو نوحہ خواں کوئی نہ ہو
(مرزا)

 

[شمشاد]

فیصلے کے لمحے میں عدل کرنا مشکل ہے
چشم دید لوگوں کے کیوں بیاں نہیں ملتے

 

[فرخ منظور]

فارغ تو نہ بیٹھے گا محشر میں جنوں میرا
اپنا گریباں چاک یا دامنِ یزداں چاک

(اقبال)

 

[شمشاد]

اک تندی سیلاب کا باعث بھی جو ٹھہری
آنکھوں کی فقط اشک فشانی ہی کہاں تھی

 

[فرحت کیانی]

خود ہی مثالِ لالہء صحرا لہو لہو
اور خود فراز اپنے تماشائیوں میں ہوں

 

[شمشاد]

عاشق بھی ہم ہوئے تو عجب شخص کے ہوئے
جو ایک دم میں خون کرے سو ندیم کا

 

[محمد وارث]

خوش ہوتے ہیں پر وصل میں یوں مر نہیں جاتے
آئی شبِ ہجراں کی تمنا مرے آگے

(غالب)

 

[شعیب خالق]

اَنا نے توڑ دیا جام التجا محسن
وگرنہ پیاس کی زد میں کہاں نہ تھا پانی

 

[شمشاد]

کچھ نہ پا کر بھی مطمئن ہیں ہم
عشق میں ہاتھ کیا خزانے لگے

 

[فرخ منظور]

غالب ندیمِ دوست سے آتی ہے بوئے دوست
مشغولِ حق ہوں بندگیِ بوتراب میں
(مرزا)

 

[شمشاد]

چُھپ گیا آج چاند بھی جلدی
اس میں بھی روشنی نہیں باقی

ایسا بدلا ہے کائنات کا رنگ
اب لبوں پہ ہنسی نہیں باقی

 

[فرخ منظور]

ہمتِ التجا نہیں باقی، ضبط کا حوصلہ نہیں باقی
اِک تری دید چھن گئی مجھ سے، ورنہ دنیا میں کیا نہیں باقی
(فیض)

 

[فرخ منظور]

عاشق ہوئے ہیں آپ بھی اک اور شخص پر
آخر ستم کی کچھ تو مکافات چاہیے
(مرزا)

 

[سیدہ شگفتہ]

ساحلِ امن کہاں ، منزلِ مقصود کہاں
کس بھنور میں ہوں کہ دلدل کا سفر ہے اب تک

کس کے ہاتھوں نے مرا رختِ سفر باندھا تھا
پاؤں زخمی ہوئے پیدل کا سفر ہے اب تک



ہما اعظمی

 

[شمشاد]

تیرا وعدہ بھی دل کے جیسا تھا
ایک شیشہ تھا چُور چُور ہوا

ٹوٹ کر جو گرا ہے پلکوں سے
وہی آنسو چراغ طُور ہوا