آج کا شعر

[فرحت کیانی]

شریکِ جرم نہ ہوتے تو مخبری کرتے
ہمیں خبر ہے لٹیروں کے ہر ٹھکانے کی

 

[شمشاد]

مرا دل اور تم کو بھول جائے ، غیر ممکن ہے
تمہاری یاد سے دم بھر یہ غافل ہو نہیں سکتا

 

[فرحت کیانی]

ابھی مایوس کیا ہونا
خدا کا نام باقی ہے

 

[شمشاد]

وہ تو کر ہی نہیں سکتی ہے ہماری پُرسش
پھر تری چشمِ فسوں ساز سے کیا کرنا ہے

 

[محمد وارث]

غالب چُھٹی شراب پر اب بھی کبھی کبھی
پیتا ہوں روزِ ابر و شبِ ماہتاب میں

 

[شمشاد]

میں اور فقط اسی کی تلاش
اخلاق میں جھوٹ بولتا ہوں
(جون ایلیا)

 

[زونی]

تو بوئے گل ھے اور پریشاں ہوا ہوں میں
دونوں میں ایک رشتہء آوارگی تو ھے
اے خواب خواب عمرِ گریزاں کی ساعتو
تم سن سکو تو بات میری گفتنی تو ھے


( عبیداللہ علیم)

 

[زونی]

وہ شمع میرے گھر میں تو بے نور ہی ٹھہری
بازار میں وہ جنس ہو نادر تو مجھے کیا



(عبیداللہ علیم)

 

[فرحت کیانی]

وہ شمع میرے گھر میں تو بے نور ہی ٹھہری
بازار میں وہ جنس ہو نادر تو مجھے کیا



(عبیداللہ علیم)

بہت خوب زونی

 

[فرحت کیانی]

زندگی اک دکاں کھلونوں کی
وقت بگڑا ہُوا سا بچہ ہے

 

[محمد وارث]

ہم سے کھل جاؤ بوقتِ مے پرستی ایک دن
ورنہ ہم چھیڑیں گے رکھ کر عذرِ مستی ایک دن

(غالب)

 

[شعیب خالق]

اتر تا ھوں کبھی جب میں کتابوں کے سمندر میں
کسی خوابیدہ چہرے کی ادائیں رقص کرتی ہیں

 

[شمشاد]

میں جُرم کا اعتراف کر کے
کچھ اور ہے جو چُھپا گیا ہوں

 

[زینب]

رسمِ الفت ہی اجازت نہیں دیتی ورنہ

ہم بھی تہمیں ایسا بھولیں کہ سدا یاد کرو۔۔۔۔۔۔۔۔۔۔۔

 

[فرخ منظور]

کہتے ہو، نہ دیں گے ہم، دل اگر پڑا پایا
دل کہاں کہ گم کیجیے، ہم نے مدّعا پایا

(مرزا)

 

[شمشاد]

مجھے کسی سے محبت نہیں کسی کے سوا
میں ہر کسی سے محبت کروں کسی کے لیے
محسن نقوی

 

[شعیب خالق]

گرچہ ھوں دیوانہ ،پرکیوں دوست کو کھاؤں فریب؟
آستیں میں دَشنہ پنہاں ،ہاتھ میں نشتر کھلا
غالب​

 

[شمشاد]

اے شخص! میں تیری جستجو میں
بےزار نہیں ہوں، تھک گیا ہوں
(ون ایلیا)

 

[فرخ منظور]

غنچہء ناشگفتہ کو دور سے مت دکھا، کہ یوں
بوسے کو پوچھتا ہوں میں، منہہ سے مجھے بتا، کہ یوں
(مرزا)

 

[محمد وارث]

غنچہء ناشگفتہ کو دور سے مت دکھا، کہ یوں
بوسے کو پوچھتا ہوں میں، منہہ سے مجھے بتا، کہ یوں
(مرزا)

اس لب سے مل ہی جائے گا بوسہ کبھی تو، ہاں
شوقِ فضول و جرأتِ رندانہ چاہیئے

(مرزا )