آج کا شعر

[شمشاد]

فیصلہ تو ہوا کے ہاتھ میں تھا
کوئی پتھر صدا کے ہاتھ میں تھا

جب دوا بھی اثر نہ کر پائی
سلسلہ پھر دعا کے ہاتھ میں تھا

 

[فرخ منظور]

تری دعا سے قضا تو بدل نہیں سکتی
مگر اس سے یہ ممکن ہے کہ تُو بدل جائے

(اقبال)

 

[محمد وارث]

وصل کی بنتی ہیں ان باتوں سے تدبیریں کہیں
آرزوؤں سے پھرا کرتی ہیں تقدیریں کہیں

(حسرت موہانی)

 

[شمشاد]

خواب بھی آنکھوں تک آنے سے ڈرتے ہیں
کرتے ہیں وہ کچھ ایسی تعبیر انوکھی
(نزہت عباسی)

 

[محمد وارث]

آخر کوئی صورت تو بنے خانۂ دل کی
کعبہ نہیں بنتا تو بُت خانہ بنا دے

(حفیظ جالندھری)

 

[شمشاد]

سو بار تیرا دامن ہونٹوں میں میرے آیا
جب آنکھ کھلی دیکھا اپنا ہی گریباں ہے
(اصغر گوندوی)

 

[محمد وارث]

ڈھونڈتے پھرتے ہیں زخموں کا مداوا نکلے
اس بھرے شہر میں کوئی تو مسیحا نکلے

(جمیل ملک)

 

[شمشاد]

خود سے آگے نظر نہیں آتا
ایسے کچھ منظروں میں رہتے ہیں

بے گھری ہی ہمارا گھر ٹھہری
ہم بھی اپنے گھروں میں رہتے ہیں
(نزہت عباسی)

 

[محمد وارث]

خدا کا گھر سمجھ رکھّا ہے اب تک ہم نے جس دل کو
قتیل اس میں بھی اک بُت خانہ بن جائے تو کیا کیجے

 

[شمشاد]

ساحل پہ ہوئے آج یہ کیوں غرق سفینے
طوفاں تو کوئی سامنے حائل نہ ہوا تھا

یہ سوچ کے آتا ہے ترے در پہ زمانہ
در سے ترے واپس کوئی سائل نہ ہوا تھا
(نزہت عباسی)

 

[فرخ منظور]

جو ہم نہ ہوں تو زمانے کی سانس رک جائے
قتیل وقت کے سینے میں ہم دھڑکتے ہیں
(قتیل شفائی)

 

[شمشاد]

تیری قربتیں بھی سراب ہیں ، یہ بھلا ہوا جو ملیں نہیں
تیری دوریاں بھی عذاب ہیں میری دشتِ جاں سے ٹلیں نہیں

 

[شعیب خالق]

جگنو کو دن کے وقت پرکھنے کی ضد کریں
بچے ہمارے عہد کے چالاک ھوگئے
پروین شاکر

 

[محمد وارث]

مل ہی جائے گی کبھی منزلِ لیلٰی اقبال
کوئی دن اور ابھی بادیہ پیمائی کر

 

[شمشاد]

کیا کریں یہ دل کسی کی ناصحا سنتا نہیں
آپ نے جو کچھ کہا اے محترم ، اپنی جگہ

 

[شعیب خالق]

تری دوری وحضوری کا ہے یہ عجیب عالم
ابھی زندگی حقیقت ، ابھی زندگی فسانہ
جگر مراد آبادی

 

[شمشاد]

زنداں میں بھی وہی لب و رُخسار دیکھتے
دروازہ دیکھتے، کبھی دیوار دیکھتے

کس درجہ آنے والے زمانے کا خوف تھا
بجتا گجر تو شام کے آثار دیکھتے
(رام ریاض)

 

[محمد وارث]

شیخ جی مُلّا کی باتیں چھوڑیئے کافر ہے وہ
آیئے ہم آپ کچھ اسلام کی باتیں کریں

(آنند نرائن مُلّا)

 

[شمشاد]

تمہارے ساتھ ہی موسم بھی رُخ بدلنے لگے
ہوا تھمی ہے تو بارش کے تیر چلنے لگے

ہمارا خون ہے لاوا، ہمارے دل پتھر
ہماری آنکھ سے آنسو کہاں نکلنے لگے
(رام ریاض)

 

[محمد وارث]

محبّت ایک خوشبو ہے ہمیشہ ساتھ چلتی ہے
کوئی انسان تنہائی میں بھی تنہا نہیں رہتا

(بشیر بدر)