آج کا شعر - 4

کیفیت
مزید جوابات کے لیے دستیاب نہیں

کاشفی

محفلین
چہرے کو شگفتہ کچھ بنانا ہی پڑا
اٹھتے ہوئے درد کو دبانا ہی پڑا

سمجھا تھا کہ مرے ساتھ روئیں گے دوست
لیکن وہ ہنسے تو مسکرانا ہی پڑا

(پرویز شاہدی)
 

کاشفی

محفلین
حامل ہوئی جو نورِمحمد کی بوالبشر
فرماتے تھے بنازوتفاخر یہ بیشتر

بعد از خدا بزرگ توئی قصہ مختصر

جن لوگوں کو ہے ماخلق اللہ پر نظر
بالاتفاق قول ہے اونکا یہ بیشتر

بعد از خدا بزرگ توئی قصہ مختصر

(کلبِ حسین نادر)
 

راجہ صاحب

محفلین
مدتوں ذہن میں گونجوں گا سوالوں کی طرح
تجھ کو یاد آؤں گا گزرے ہوئے سالوں کی طرح

ڈوب جائے گا جو کسی روز خورشیدِ اَنا
مجھ کو دہراؤگے محفل میں مثالوں کی طرح
 

کاشفی

محفلین
پھرتا ہوں پھول پھول کو گُلشن میں سونگھتا
یارب!‌ گل مراد مرا کس چمن میں ہے

(راجہ راجیسورراؤ اصغر)
 

کاشفی

محفلین
جسے بھی دوست سمجھا، دشمنِ ایمان و جاں ٹھہرا
نہیں ہے دوستی جس سے، اسی سے دشمنی کم ہے
(آئی دو نوت نو)
 

امبرین

محفلین
حامل ہوئی جو نورِمحمد کی بوالبشر
فرماتے تھے بنازوتفاخر یہ بیشتر

بعد از خدا بزرگ توئی قصہ مختصر

جن لوگوں کو ہے ماخلق اللہ پر نظر
بالاتفاق قول ہے اونکا یہ بیشتر

بعد از خدا بزرگ توئی قصہ مختصر

(کلبِ حسین نادر)

سبحان اللہ
 

کاشفی

محفلین
نیّتِ پاک ہی کافی ہے طہارت کے لئے
نہ وضو چاہئے زاہد نہ تیمم مجھ کو

(پنڈت بشن نراین در تخلص بہ ابر)​
 

مغزل

محفلین
قیدِ زندانِ بدن اور طوقِ آزارِ خرد
اور کیا ان کے سوا ہیں زندگی معنی ترے
زھرا علوی
( رکن اردو محفل)
 

عندلیب

محفلین
جانے کب جس کاماحول مہک بن جائے
ذہن کے گوشوں کو یادوں سے معطر رکھنا
لوگ رکھتے ہیں قرینے سے خلش گھر اپنا
تم کو رکھنا ہوتو چاہت سے بھرا گھر رکھنا
 

راجہ صاحب

محفلین
روتا ہوں میں دوستو! مجھے رونے دو
دامن پہ ہے داغِ مُصیبت دھونے دو

اب نزع کی حالت میں وصیّت کیسی
جاؤ بھی، ہٹو، غُل نہ کرو، سونے دو
 

کاشفی

محفلین
اگرچہ بات تو ہے اختلاف رائے کی لیکن
تمہارے منہ سے نکلی ہے تو میں سچ مان لیتی ہوں

(عفت علوی - کراچی پاکستان)
 

کاشفی

محفلین
دُنیا کی عجب ہم نے ہستی دیکھی
پہنچے جو بلندی پہ تو پستی دیکھی

مینار قطب سے ہم نے ڈالی جو نگاہ
اُجڑی ہوئی دہلی کی بھی بستی دیکھی

(پنڈت بشن نراین در - تخلص بہ ابر)​
 
کیفیت
مزید جوابات کے لیے دستیاب نہیں
Top