آج کا شعر۔۔۔۔(2)

[فرخ منظور]

فراز اب کوئی سودا نہیں‌ جنوں بھی نہیں
مگر قرار سے دن کٹ رہے ہوں یوں بھی نہیں

لب و دہن بھی ملا گفتگو کا فن بھی ملا
مگر جو دل پہ گزرتی ہے کہہ سکوں بھی نہیں

 

[طالوت]

بک جائیں جو ہر شخص کے ہاتھوں سر بازار
ہم یوسف کنعاں ہیں نہ ہم لعل و گوہر

(حبیب جالب)

 

[زونی]

نہ جانے کیسی قیامت کا پیش خیمہ ہیں
یہ الجھنیں تیری بے انتساب آنکھوں میں



( افتخار عارف)

 

[طالوت]

کہہ رہا تھا شورِ دریا سے سمندر کا سکوت
جس کا جتنا ظرف ہے وہ اتنا ہی خاموش

 

[مغزل]

کہہ رہا تھا شورِ دریا سے سمندر کا سکوت
جس کا جتنا ظرف ہے وہ اتنا ہی خاموش

کہہ رہا ہے شورِ دریا سے سمندر کا سکوت
جس میں جتنا ظرف ہے اتناہی وہ خاموش ہے۔

 

[مغزل]

لے میرے تجربے سے سبق اے مری رقیب
دو چار سال عمر میں تجھ سے بڑ اہوں میں

نیّر ندیم

 

[محمداحمد]

لے میرے تجربے سے سبق اے مری رقیب
دو چار سال عمر میں تجھ سے بڑ اہوں میں

نیّر ندیم

مغل بھیا کیا یہ نیّر ندیم کا شعر ہے۔ ؟

 

[مغزل]

جی ہاں جناب۔۔۔

محفوظ رکھنا ترکِ تعلق کا تجربہ
آئندہ عشق میں بھی یہی کام آے گا

نیر ندیم

 

[محمداحمد]

نگاہ بلند، سخن دلنواز، جاں پُرسوز
یہی ہے رختِ سفر میرِ کارواں کے لیے
​

 

[مغزل]

تجھ کو تنہا کرگیا ہے منفرد رہنے کا شوق
اب اکیلے بیٹھ کر یادوں کے منظر دیکھنا
طاہر محمود (مرحوم)

طاہر بہاولپور کے نوجوان شعراء میں سے تھے
ایک دن انہوں سے تازہ غزل ۔۔ ریڈیو پاکستان بہالپور کے ادبی پروگرام انچارج
افضال بیلہ کو سنائی ۔۔ افضال نے انہیں کہا بیٹا ۔۔ اللہ نظرِ بد سے بچائے اور لمبی
عمر عطا فرمائے ۔۔ تم جیتے نظر نہیں آتے۔۔۔۔
دوسرے دن ریڈیو کی ریکارڈنگ تھی۔۔ پتہ چلا کہ طاہر انتقال کرگئے۔

افضال بیلا کی کتاب ’‘ دسترس ’‘ سے اقتباس

 

[محمداحمد]

بدلا نہ میرے بعد بھی موضوعِ گفگو
میں جا چکا ہوں پھر بھی تری محفلوں‌ میں ہوں

 

[مغزل]

جانے کیوں جی میں یہ آتا ہے کہ سب سے ملیے
کل کہیں شہر سے جانے کا ارادہ بھی نہیں
لیاقت علی عاصم

 

[محمداحمد]

اب کسی تازہ مسافت پہ نکلتے ہیں سلیم
اب تو وعدہ بھی نہیں کوئی نبھانے کے لئے

سلیم کوثر

 

[مغزل]

سمجھ کے منزل ٹھہر نےوالو، مقامِ آخر تو یہ نہیں ہے
بتا رہے ہیں نشاں قدم کے ، کوئی یہاں سے گزر چکا ہے

احتشام انور

 

[محمداحمد]

سرسری تم جہان سے گزرے
ورنہ ہر جا جہانِ دیگر تھا
​

 

[مغزل]

آپ کہتے ہیں مان لیتے ہیں
ورنہ ہم کو جہان کچھ بھی نہیں

 

[محمداحمد]

بہت عجیب ہیں یہ بندشیں محبت کی
نہ اُس نے قید میں رکھا نہ ہم فرار ہوئے

​

 

[مغزل]

زنداں سے جوگئے وہ گھروں میں اسیر ہیں
اچھا ہوا کہ میری سزا کم نہیں ہوئی

نصیر کوٹی

 

[محمداحمد]

زنداں سے جوگئے وہ گھروں میں اسیر ہیں
اچھا ہوا کہ میری سزا کم نہیں ہوئی

نصیر کوٹی

واہ بہت اچھا شعر ہے۔۔

اُس نے اپنا بنا کے چھوڑ دیا
کیا اسیری ہے کیا رہائی ہے

 

[مغزل]

تیرے آنے کا انتظار رہا
عمر بھر موسمِ بہار رہا
رسا چغتائی