شاید اِس راہ پہ کچھ اور بھی راہی آئیں ۔۔۔۔۔ دُھوپ میں چلتا رہوں سائے بِچھائے جاؤں (عبید اللہ علیم)
-
ترسا دیا ہے ابرِ گریزاں نے اس قدر ۔۔۔۔۔ برسے جو بوند بھی تو سمندر لگے مجھے (احمد فراز)
ہائے وہ شخص کہ جو نیند کی وادی میں کہیں ۔۔۔۔۔ تیری آواز سے بیدار ہو اور تُو نہ ملے (خواجہ رضی حیدر)
اب دِل سے بے عصا نہیں اُٹھتی ہے آہ بھی ۔۔۔۔ یاں تک تو ضعفِ قلب نے ہم کو بِٹھا دیا (مصحفی)
ناصحا! پوچھ نہ احوالِ خموشی مجھ سے ۔۔۔۔ ہے یہ وہ بات کہ آتی نہیں تقریر کے بیچ (قائم چاند پوری)
ہم ہوئے، تم ہوئے کہ میر ہوئے ۔۔۔۔۔ اس کی زلفوں کے سب اسیر ہوئے (میر تقی میر)
اپلوں کی آگ اب تک ہاتھوں سے جھانکتی ہے ۔۔۔۔ آنکھوں میں جاگتا ھے کورے گھڑے کا پانی (اسلم کولسری)
کہا بوسہ آستاں پر بہ طنز ۔۔۔۔ نہیں ہے یہ دہلیز درگاہ کی (داغ دہلوی)
آویزہ دیکھتے ہیں وہ جُھک کر قریب سے ۔۔۔۔ یا اُن کو کوئی راز بتاتا ہے آئینہ (محمد احمد)
پھر وہی چھت پر اکیلے ہم وہی ٹھنڈی ہوا ۔۔۔۔۔ کتنے اندیشے بڑھے جب رات طوفانی ہوئی (جمال احسانی)
میرے موسم تھے تیرے کہنے میں ۔۔۔۔ جو بھی تو نے کہا ہوا مجھ میں (صائمہ شاہ)
بھائی، کئی دنوں سے نظر نہیں آئے۔ خیر باشد!
مت پوچھ کیسے مرحلے آنکھوں کو پیش تھے ۔۔۔۔ تھا چودھویں کا چاند بھی، وہ خوش جمال بھی
میں جو ہٹ گیا تھا مدار سے، تو بھٹک گیا ہوں خلاؤں میں ۔۔۔۔ رہِ عاشقی کے مسافرو! جو جہاں جہاں ہے وہیں رہے (محمداحمد)
ویلے مٹی وانگر ڈھایا کنے ہی شہ زوراں نوں ۔۔۔۔ ساڈی کیہہ اوقات سی ایتھے،ڈھیری وانگوں ڈھے گئے آں (عذرا ناز)
اب کے وحشت نہ کسی طور سے ٹالی جائے ۔۔۔۔ دل ہی بہلے نہ کہیں مردہ خیالی جائے (صائمہ شاہ)
تغیرات جہاں دل پہ کیا اثر کرتے ۔۔۔۔ ہے تیری اب بھی وہی شکل ہو بہو مجھ میں (انور شعور)
نکل کے شہروں میں آ بھی جانا چمکتے خوابوں کو ساتھ لے کر ۔۔۔۔ بلند و بالا عمارتوں میں، پھر اپنے گاؤں تلاش کرنا (احمد سلمان)
میں ایک زمانے سے تمہیں ڈھونڈ رہا ہوں ۔۔۔ تم ایک زمانے سے خدا جانے کہاں ہو (خیال امروہوی)
اک دھوپ سے الجھا ہوا سایہ ہے کہ میں ہوں ۔۔۔۔۔ اک شام کے ہونے کا بھروسہ ہے کہ تم ہو (احمد سلمان) -
لوڈ ہو رہا ہے…
-
لوڈ ہو رہا ہے…