جمال احسانی غزل ۔ جو تو گیا تھا تو تیرا خیال رہ جاتا ۔ جمال احسانی

[محمداحمد]

غزل

جو تو گیا تھا تو تیرا خیال رہ جاتا
ہمارا کوئی تو پُرسانِ حال رہ جاتا

بُرا تھا یا وہ بھلا، لمحۂ محبت تھا
وہیں پہ سلسلہ ماہ و سال رہ جاتا

بچھڑتے وقت ڈھلکتا نہ گر اُن آنکھو ں سے
اُس ایک اشک کا کیا کیا ملال رہ جاتا

تمام آئینہ خانے کی لاج رہ جاتی
کوئی بھی عکس اگر بے مثال رہ جاتا

گر امتحانِ جنوں میں نہ کرتے قیس کی نقل
جمالؔ سب سے ضروری سوال رہ جاتا

جمالؔ احسانی​

 

[کاشفی]

بہت ہی خوب!

 

[محمد وارث]

بہت شکریہ احمد صاحب خوبصورت غزل شیئر کرنے کیلیے۔

 

[محمداحمد]

بہت ہی خوب!

بہت شکریہ احمد صاحب خوبصورت غزل شیئر کرنے کیلیے۔

شکریہ کاشفی بھائی اور وارث بھائی۔۔۔۔۔۔۔۔۔۔۔۔۔۔!