ظہیراحمدظہیر
لائبریرین
کسی کے کردار یا کسی کے اچھے برے ہونے کی تو بات ہی نہیں ہورہی ۔ جو باتیں آپ نے لکھی ہیں وہ ہر معقول ذہن رکھنے والے کو معلوم ہیں ۔ کسی کی بات کا مطلب اس کے سیاق و سباق سے متعین کیا جاتا ہے۔
میں تو یہ کہہ رہا ہوں کہ آج کی دنیا کے منظر نامے پر ہر جگہ خصوصاً مغرب میں کہ جہاں مسلمانوں کے خلاف باقاعدہ اور منظم اسٹیریوٹائپ پیدا کردیا گیا ہے وہاں اگر قابل ، تعلیم یافتہ اور محنتی لوگ اپنی ثقافتی روایات اور عقائد کے مطابق نظر آنے کی عملی کوشش کریں تو نہ صرف یہ اس پروپیگنڈے کا جواب ہے بلکہ دوسروں کے لیے ایک مثال بھی ہے۔ اس کے برعکس یہ بھی ہوسکتا ہے کہ ہم اپنی شناخت کو ترک کرتے ہوئے کسی دوسرے رنگ میں رنگ جائیں ۔ کردار اور چلن کا اس سے بالکل کوئی تعلق نہیں ۔لیکن:
شکوہ کرو نہ دیدۂ ظاہر پرست کا
جیسے دکھائی دیتے ہو ویسا کہیں گے لوگ
یہ میری ذاتی رائے ہے اور کسی اور کا اس سے متفق ہونا یا نہ ہونا ضروری نہیں ۔
