آپ کے پسندیدہ اشعار!

[سیما علی]

ترا جواب کہاں فتنہِ قیامت میں
ستم ستم ہے، کرم اک مثال ہے تُو ہے

شکیبؔ، رات کے تاروں کی مسکراہٹ میں
ترا جلال ہے، تیرا جمال ہے، تُو ہے
شکیب جلالی

 

[سیما علی]

آداب وہی ہیں الفت کے، ترتیب نے پہلو بدلے ہیں
جب رانجھے سجدہ کرتے تھے اب ہیریں سجدہ کرتی ہیں
شکیب جلالی

 

[علی وقار]

سوچو تو سلوٹوں سے بھری ہے تمام روح
دیکھو تو اِک شکن بھی نہیں ہے لباس میں

شکیب جلالی

 

[علی وقار]

یہ قربتیں بہت اذیتیں دیتی ہیں فراز
کسی سے واسطہ رکھنا تو دور کا رکھنا

 

[سیما علی]

دوستی سے تجربہ یہ ہو گیا
دشمنوں سے پیار کرنا چاہئے
انجم رہبر

 

[علی وقار]

ہزار تشنہ سی حسرتوں کے بوجھ تلے
‎یہ جو دھڑکتا ہے ، دِل کمال کرتا ہے

اظہر ناظر

 

[علی وقار]

زندگی کٹ گئی مناتے ہوئے
اب ارادہ ہے روٹھ جانے کا

 

[مریم افتخار]

جو ہم پہ گزری سو گزری مگر شبِ ہجراں
ہمارے اشک تری عاقبت سنوار چلے

فیض

 

[علی وقار]

جو جھیل گئے ہنس کے کڑی دھوپ کے تیور
تاروں کی خنک چھاؤں میں وہ لوگ جلے ہیں

 

[علی وقار]

لطف ہوتا تو یہی تھا کہ نہ ہوتے برباد
ہم جو برباد ہوئے تو کوئی شکوہ بھی نہیں

 

[علی وقار]

صد سُخن آئے تھے لب تک، پر نہ کہنے پائے ایک
ناگہاں ۔۔۔۔۔۔۔۔۔ اُس کی گلی سے اپنا جانا ہو گیا

رہنے کے قابل تو ہرگز نہ تھی یہ عبرت سرائے
اتفاقاً ۔۔۔۔۔۔۔۔۔۔۔۔۔۔۔۔۔۔۔۔۔ اس طرف اپنا بھی آنا ہو گیا


میر تقی میر

 

[علی وقار]

اب آئے ہیں وہ پُرسِشِ احوال کے لیے
جب ۔۔۔۔ اعتبارِ عُمرِ گُریزاں نہیں رہا


حنیف اخگر

 

[سیما علی]

کیا ہے پیار جسے ہم نے زندگی کی طرح
وہ آشنا بھی ملا ہم سے اجنبی کی طرح
کبھی نہ سوچا تھا ہم نے قتیل اس کے لیے
کرے گا ہم پہ ستم وہ بھی ہر کسی کی طرح
قتیل شفائی

 

[سیما علی]

سراج اورنگ آبادی

فہد اشرف
السلام علیکم
کہاں ہیں بھیا آپ ؟?؟؟؟?

 

[سیما علی]

کھل رہے ہیں مجھ میں دنیا کے سبھی نایاب پھول
اتنی سرکش خاک کو کس ابر نے نم کر دیا
صبا اکبر آبادی

 

[سیما علی]

نہ اتنا چھیڑ کر اے وقت دیوانہ بنا ہم کو
ہوئے دیوانے ہم تو سب کو دیوانہ بنا دیں گے

نہ جانے کتنے دل بن جائیں گے اک دل کے ٹکڑے سے
وہ توڑیں آئنہ ہم آئنہ خانہ بنا دیں گے

کلیم عاجز

 

[سیما علی]

امید ایسی نہ تھی محفل کے ارباب بصیرت سے
گناہ شمع کو بھی جرم پروانہ بنا دیں گے

ہمیں تو فکر دل سازی کی ہے دل ہے تو دنیا ہے
صنم پہلے بنا دیں پھر صنم خانہ بنا دیں گے

 

[سیما علی]

بیکسی ہے اور دل ناشاد ہے
اب انہیں دونوں سے گھر آباد ہے

اب انہیں کی فکر میں صیاد ہے
جن کے نغموں سے چمن آباد ہے
کلیم عاجز

 

[ظفری]

دھونے سے بھی جا تی نہیں اس ہاتھ کی خوشبو
ہم ہاتھ چھڑا کر بھی، چھڑانے میں لگے ہیں
عباس تابش

 

[محمد عبدالرؤوف]

دھونے سے بھی جا تی نہیں اس ہاتھ کی خوشبو
ہم ہاتھ چھڑا کر بھی، چھڑانے میں لگے ہیں
عباس تابش

واہ واہ