طبع زاد اشعار کی بیت بازی

[اکمل زیدی]

ایک تجویز


یکسانیِ حالات سے گھبرا گئے عاشق، سو پھر
مجنوں ہوا تیشہ بکف، فرہاد ہے صحرا نشیں

نہیں لگتا کہ گلے دال اپنی شاعری کی
سخن کو بھی یہاں انداز کہنہ مانگتا ہے

 

[محمد عبدالرؤوف]

اچھا موزوں کیا ہے لیکن کیا تیشہ بکف بھی مسکن شمار ہو گا؟
اپنی جہالت کی پیشگی معذرت چاہتا ہوں

آپ کی نکتہ چینی بالکل ٹھیک ہے 😊
جلدی جلدی موزوں کرنے کے چکر میں کئی مرتبہ ایسی غلطیاں رہ جاتی ہیں۔

 

[محمد عبدالرؤوف]

نہیں لگتا کہ گلے دال اپنی شاعری کی
سخن کو بھی یہاں انداز کہنہ مانگتا ہے

یوں نہ گھبرائیں، کہ کہنہ مشقوں نے بھی
شعر کیا ہو گا کبھی پہلی مرتبہ

 

[محمداحمد]

نہیں لگتا کہ گلے دال اپنی شاعری کی
سخن کو بھی یہاں انداز کہنہ مانگتا ہے

دال گلتی نظر نہیں آتی
آئیں دلیہ پکائیں سب مل کر

 

[محمد عبدالرؤوف]

یوں نہ گھبرائیں، کہ کہنہ مشقوں نے بھی
شعر کیا ہو گا کبھی پہلی مرتبہ - (ہ)

(د) دال گلتی نظر نہیں آتی
آئیں دلیہ پکائیں سب مل کر

محمد احمد بھائی کی اس غلطی پر ایک نظم سی بن گئی۔ جس کا نام رکھا ہے

احمد بھائی کی پھرتیاں 😜

رکن دیکھیں یہ کھیل آ کر
کھیلا احمد نے جو یہاں پر

ہ سے لانا تھا شعر اگرچہ
چل دئیے ہیں وہ دال لا کر

دال دلیے میں کھوئے ایسے
کر گئے بھول اک بھینکر

 

[مقبول]

آپ کی نکتہ چینی بالکل ٹھیک ہے 😊
جلدی جلدی موزوں کرنے کے چکر میں کئی مرتبہ ایسی غلطیاں رہ جاتی ہیں۔

اس بیت بازی میں شعر کا فی البدیہہ ہونا ضروری ہے یا کوئی بھی شعر ہو مگر اپنا ہو؟

 

[محمد عبدالرؤوف]

اس بیت بازی میں شعر کا فی البدیہہ ہونا ضروری ہے یا کوئی بھی شعر ہو مگر اپنا ہو؟

کوشش تو یہی ہونی چاہیے کہ فی البدیہہ ہو کیونکہ اس سے کھیل پر لطف ہو جاتا ہے

 

[مقبول]

کوشش تو یہی ہونی چاہیے کہ فی البدیہہ ہو کیونکہ اس سے کھیل پر لطف ہو جاتا ہے

ہمیں پھر اس کھیل سے خارج سمجھیں - یہ آپ جیسے چست دماغ شعرا کا کام ہے🌹
البتہ ہم داد دیتے رہیں گے

 

[محمد عبدالرؤوف]

ہمیں پھر اس کھیل سے خارج سمجھیں - یہ آپ جیسے چست دماغ شعرا کا کام ہے🌹
البتہ ہم داد دیتے رہیں گے

نہیں نہیں۔۔۔ ایسے نہیں چلے گا
اس لڑی کو مشقِ سخن سمجھ کے کھیلیں۔ یہاں نہ ہارنے پر کوئی سزا ہے اور نہ ہی جیتنے پر کوئی ٹرافی 😊

 

[مقبول]

نہیں نہیں۔۔۔ ایسے نہیں چلے گا
اس لڑی کو مشقِ سخن سمجھ کے کھیلیں۔ یہاں نہ ہارنے پر کوئی سزا ہے اور نہ ہی جیتنے پر کوئی ٹرافی 😊

بدقسمتی سے میرا دماغ اتنا تیز نہیں چلتا بھائی۔ 🥲

 

[محمد عبدالرؤوف]

بدقسمتی سے میرا دماغ اتنا تیز نہیں چلتا بھائی۔ 🥲

کوشش کرنے میں کیا جاتا ہے

 

[عظیم]

رہنے دیں بات چیت کہیں اور کے لیے
یہ سلسلہ ہے شعر کا اس میں ہو نثر کیوں؟

 

[محمد شکیل خورشید]

نا مناسب لگ رہی ہیں اس قدر پابندیاں
ہلکی پھلکی گفتگو کی خیر ہے شعروں کے بیچ

 

[محمد عبدالرؤوف]

چند گھڑیوں کا اسے وقفہ ہی جانیے حضور
گفتگو آ جائے، جب بھی یہاں شعروں کے بیچ

 

[محمد شکیل خورشید]

اس بیت بازی میں شعر کا فی البدیہہ ہونا ضروری ہے یا کوئی بھی شعر ہو مگر اپنا ہو؟

طبع زاد کی شرط تھی غالباَ، کیا فی البدیہہ ہونا بھی ضروری ہے؟

تابش بھائی کا مطلب طبع زاد ہی تھا۔ آپ اپنا پرانا شعر لکھ دیں تب بھی چلے گا۔

لڑی کے بانی وضاحت دے چکے کہ پرانا شعر بھی چلے گا محض طبع ذاد کی شرط ہے

 

[محمد عبدالرؤوف]

لڑی کے بانی وضاحت دے چکے کہ پرانا شعر بھی چلے گا محض طبع ذاد کی شرط ہے

جی ہاں۔ اس بات کی بھی مقبول بھائی کو وضاحت کر دی تھی۔

کوشش تو یہی ہونی چاہیے کہ فی البدیہہ ہو کیونکہ اس سے کھیل پر لطف ہو جاتا ہے

میں نے یہاں صرف کوشش ہی کا کہا تھا۔ کوئی شرط عائد نہیں کی 😊

 

[فہد اشرف]

چند گھڑیوں کا اسے وقفہ ہی جانیے حضور
گفتگو آ جائے جب بھی یہاں شعروں کے بیچ

چاروں طرف پھیلی ہوئی تھی اجنبیت، دفعتاً
اک آشنا چہرہ نظر آیا مجھے چہروں کے بیچ

 

[محمد عبدالرؤوف]

۔

 

[فہد اشرف]

چاروں جانب تھے عدو، صف بہ صف اور سر بکف
مصطفیٰ عزمِ سفر، تھے انہیں پہروں کے بیچ

دوسرے مصرعے میں عزمِ سفر؟؟ کیا عازمِ سفر نہیں ہونا چاہیے؟؟

 

[محمد عبدالرؤوف]

دوسرے مصرعے میں عزمِ سفر؟؟ کیا عازمِ سفر نہیں ہونا چاہیے؟؟

جی ہاں۔۔۔۔ مجھے بھی کھٹک رہا تھا