چودہویں سالگرہ مصرع اٹھائیے ۔ شعر بنائیے

[فلسفی]

تو بھی گھٹیا سے بن گیا کمتر
"ہم بھی کل جانے کیا سے کیا ہو جائیں"

 

[عرفان سعید]

تو بھی گھٹیا سے بن گیا کمتر
"ہم بھی کل جانے کیا سے کیا ہو جائیں"

حالانکہ ہونا یوں چاہیے تھا

فلسفہ چھوڑ کر بنا شاعر
"ہم بھی کل جانے کیا سے کیا ہو جائیں"

 

[محمد تابش صدیقی]

بچے تھے چار ہی پیسے، جو ٹیکس میں کٹ گئے
"ہمارے جَیب کو اب حاجتِ رفو کیا ہے"

 

[فلسفی]

"ہر ایک بات پہ کہتے ہو تم کہ تُو کیا ہے"
ذلیل آدمی پہلے بتا کہ تُو کیا ہے

 

[عرفان سعید]

"جہاں تیرا نقشِ قدم دیکھتے ہیں"
ترے ابا جی کو بھی ہم دیکھتے ہیں

 

[فلسفی]

کوئی جو قرض ہمیں دے کے سرفراز کرے
"اُس آدمی کی خدا زندگی دراز کرے"

 

[فلسفی]

نام لکھنے کا کوئی فائدہ پرچے میں نہیں
"امتحاں اور بھی باقی ہو تو یہ بھی نہ سہی"

 

[فاخر]

واہ واہ !!!!!!!!!!!!!!!
واہ دل خوش ہوگیا ۔

 

[فلسفی]

ساری تنخواہ اڑائی ہے مری بیوی نے
"جانے کس جرم کی پائی ہے سزا یاد نہیں"

 

[فاخر]

اردو محفل کی سالگرہ کی خوشی میں اقبالؔ کی روح سے معذرت کے ساتھ:
ڈھٹائی سے کم بخت نے یوں کہا تھا
’’مقامات آہ وفغاں اور بھی ہیں‘‘

 

[سید شہزاد ناصر]

کہوں کس سے میں کہ کیا ہے، بیگم بڑی بلا ہے
تم کو بھی دکھاتا اگر نہ پردہ دار ہوتا
یہ مسالہ تصلف یہ ترا بنیان غالب
اس عید پہ نہ دھوتا تو ذلیل و خوار ہوتا

 

[فاخر]

یہ مسالہ تصلف یہ ترا بنیان غالب

’’ یہ مسائلِ تصوف یہ ترا بیان غالبؔ ‘‘ معذرت کے ساتھ املا کی تصحیح فرمالیں ۔

 

[سید شہزاد ناصر]

کبھی یوں بھی آ مری تاک میں کہ مری کزن کو خبر نہ ہو
مجھ کو اک پنسل نواز دے جس کے پیچھے ربڑ نہ ہو
وہ بڑا لحیم و شحیم ہے تجھ کو ایسی چماٹ عطا کرے
ترا وہ حشر کرے کہ تا حشر بھی ایسا حشر نہ ہو

 

[عرفان سعید]

ہمسائے کے چرائے تھے جو چار مرغے بھی
"دو آرزو میں کٹ گئے دو انتظار میں "

 

[سید شہزاد ناصر]

’’ یہ مسائلِ تصوف یہ ترا بیان غالبؔ ‘‘ معذرت کے ساتھ املا کی تصحیح فرمالیں ۔

جی یہ پیروڈی ہے لہذا اس میں مسالہ تصلف ہی ڈلے گا ذائقے کے لئے

 

[فاخر]

’’ یہ مسائلِ تصوف یہ ترا بیان غالبؔ ‘‘ معذرت کے ساتھ املا کی تصحیح فرمالیں ۔

معافی چاہوں گا میں نے کچھ اور سمجھ لیا معذرت ۔ آپ نے صحیح ہی لکھا ہے ’’یہ مسالہ تصلف یہ ترا بنیان غالبؔ ‘

 

[سید شہزاد ناصر]

معافی چاہوں گا میں نے کچھ اور سمجھ لیا معذرت ۔ آپ نے صحیح ہی لکھا ہے ’’یہ مسالہ تصلف یہ ترا بنیان غالبؔ ‘

آداب عرض ہے

 

[عرفان سعید]

پڑوسن ستارہ نہیں مانتی
"ستاروں سے آگے جہاں اور بھی ہیں"

 

[فلسفی]

پڑوسن ستارہ نہیں مانتی
"ستاروں سے آگے جہاں اور بھی ہیں"

پڑوسن مان جائے گی تو کیا ہو گا؟
"وہی ہو گا جو منظورِ خدا ہو گا"

 

[عرفان سعید]

پڑوسن مان جائے گی تو کیا ہو گا؟
"وہی ہو گا جو منظورِ خدا ہو گا"

زبردست!