چودہویں سالگرہ مصرع اٹھائیے ۔ شعر بنائیے

[عرفان سعید]

کچھ تو نہاری کھائی تھی، کچھ ہوا کھنگال بھی
"دل کو خوشی کے ساتھ ساتھ ہوتا رہا ملال بھی "

 

[عرفان سعید]

نان دس کھا کر بھی شاید وہ ابھی تک بھوکا تھا
"جاتے جاتے اُس کا وہ مڑ کر دوبارہ دیکھنا "

 

[عرفان سعید]

"کوئی دن گر زندگانی اور ہے"
بیوی ہم نے گھر میں لانی اور ہے

 

[عرفان سعید]

میں ظلمتِ شب میں لے کے نکلوں گا اپنی خفیہ رکھی رقم کو
"شررفشاں ہوگی آہ میری ، نفس مرا شعلہ بار ہو گا"

 

[عرفان سعید]

روزِ نکاح جب ملیں گی جو سلامیاں مجھے
"آپ بھی شرمسار ہو ، مجھ کو بھی شرمسار کر "

 

[عرفان سعید]

بے خطر جیب سے میری روپے وہ لے بھاگی
" عقل ہے محو تماشائے لبِ بام ابھی"

 

[عرفان سعید]

کبھی چمٹی ہوئی بیوی بھی یاد آتی ہے شوہر کو
"کھٹک سی ہے جو سینے میں غمِ منزل نہ بن جائے"

 

[عرفان سعید]

گھڑی میری وہ اٹھا لے گیا جاتے جاتے
"ورنہ اتنے تو مراسم تھے کہ آتے جاتے"

 

[عرفان سعید]

اس کا ابا قریب ہے شاید
" جاں کرے ہے اب اضطراب بہت"

 

[محمد تابش صدیقی]

رات کھائی ہے نہاری اور پیالہ کھیر کا
"صبح کرنا شام کا، لانا ہے جوئے شیر کا"

 

[عرفان سعید]

بیوی کے جب ہاتھ موبائل مرا لگ جاتا ہے
"مدعا عنقا ہے اپنے عالمِ تقریر کا "

 

[عرفان سعید]

"سن تو سہی جہاں میں ہے تیرا فسانہ کیا "
چپکے سے روز ملتی ہے تجھ سے شبانہ کیا

 

[عرفان سعید]

"یہ آرزو تھی تجھے گُل کے روبرو کرتے"
تم اور گُل خاں بے تاب گفتگو کرتے

 

[عرفان سعید]

کانوں میں لگے مائک اتارے گا تو پھر
"شاید کہ اتر جائے ترے دل میں مری بات "

 

[عرفان سعید]

معطل ہیں عارف کریم اور سب شاہ
"مٹے نامیوں کے نشاں کیسے کیسے "

 

[عرفان سعید]

ورلڈ کپ میں پاکستان کے آخری میچ کے لیے

آخر میں میچ کھیلتے یہ خوب سوچنا
"سچ کہتے ہیں کہ گھاس کے نیچے کنواں نہ ہو "

 

[جاسمن]

اس دھاگے کے فاتح
عرفان سعید

 

[جاسمن]

میں وحشت جنوں ہوں مری مشت خاک کو
پھرتی ہیں در بہ در یہ ہوائیں لیے ہوئے
آس فاطمی
واشنگ مشین لگا کر دھوئے تھے جو کپڑے
"پھرتی ہیں در بدر یہ ہوائیں لیے ہوئے"

 

[عرفان سعید]

ہائے اللہ! کروں بجلی کا بل آتے ہی
"لوگ کہتے ہیں کہ ساغر کو خدا یاد نہیں "

 

[عرفان سعید]

"اثر اس کو ذرا نہیں ہوتا"
چانٹا گر اک جڑا نہیں ہوتا