چودہویں سالگرہ مصرع اٹھائیے ۔ شعر بنائیے

[فلسفی]

ایلفی، لسی سمجھ کے پی بیٹھے ہیں
"غالب منہ بند ہو گیا ہے گویا"

 

[محمد تابش صدیقی]

کھا گیا وہ مرے کباب شتاب
"آنسو آتے ہیں اب شتاب شتاب"

 

[عرفان سعید]

"حسرتِ جلوہِ دیدار لیے پھرتی ہے"
تیز آندھی مری شلوار لیے پھرتی ہے

آندھی رک جائے تو بتا دیجیے گا، آپ سے ملنے آنا ہے!

 

[فلسفی]

آندھی رک جائے تو بتا دیجیے گا، آپ سے ملنے آنا ہے!

تہانوں اے دسن دی لوڑ وی نہیں کہ تسی لاہوری ہو۔ ایڈی پکی جگت خون وچ ہوندی اے۔

 

[عرفان سعید]

"لطفِ گویائی میں تیری ہمسری ممکن نہیں "
سات بہنیں اور ماں میرے نہ ہوں گر ہم نشیں

 

[عرفان سعید]

"آمدِ دوست کی نوید کوئے وفا میں عام تھی"
میں نے بریڈ اور بٹر، ساتھ میں جام رکھ دیا

 

[عرفان سعید]

کل سے کموڈ پر میں ہوں بیٹھا حجاب میں
"ساقی نے کچھ ملا نہ دیا ہو شراب میں"

 

[نکتہ ور]

مصرعہ یوں اٹھاتے ہیں۔
دہلی میں مشاعرہ جاری تھا۔ہال لوگوں سے کھچاکھچ بھرا تھا۔ایک ادھیڑ عمر شاعر کلام سنا رہے تھے کہ اچانک لائوڈسپیکر خراب ہو گیا۔شاعر صاحب کی آواز خاصی کمزور تھی جسے پیچھے بیٹھے حاضرین سن نہ پائے۔چناں چہ منتظمین ِمشاعرہ میں شامل ایک صاحب باآواز بلند بولے’’حضرت!مصرع اٹھائیے۔‘‘ محفل میں دہلی کے سابق چیف کمشنر،شنکر پرشاد بھی موجود تھے۔وہ یہ سن کر بولے: ’’صاحبو! کیوں نہ شاعر صاحب ہی کو اٹھا دیا جائے؟‘‘ اس جملے نے مشاعرے کو کشت ِزعفران بنا ڈالا۔

 

[فلسفی]

پیٹ پکڑے ہوئے وہ پوچھتے ہیں
"آخر اس درد کی دوا کیا ہے"

 

[جاسمن]

"کچھ لوگ جو خاموش ہیں یہ سوچ رہے ہیں"
کھانا جو کھلے گا تو پلیٹیں وہ بھریں گے

 

[محمد عدنان اکبری نقیبی]

بکری جو مارے گی بکرے کے سینگ
تو بکرا بھی مارے گا بکری کے سینگ

 

[محمد عدنان اکبری نقیبی]

کچھ لوگ جو خاموش ہیں یہ سوچ رہے ہیں
ڈالر کی جو قیمت ہے بدل جاتی ہے کیوں روز

 

[محمد تابش صدیقی]

آپ خاموش اچھے لگتے ہیں
"گفتگو کم سے کم کیا کیجے"

 

[محمد تابش صدیقی]

بکری جو مارے گی بکرے کے سینگ
تو بکرا بھی مارے گا بکری کے سینگ

اس میں دوسرے شاعر کا مصرع کون سا ہے؟

 

[محمد عدنان اکبری نقیبی]

آپ خاموش اچھے لگتے ہیں
"گفتگو کم سے کم کیا کیجے"

خاموشی کا درس دے کر ہمیں
وہ آم سے لطف اندوز ہوا کرتے ہیں

 

[محمد عدنان اکبری نقیبی]

اس میں دوسرے شاعر کا مصرع کون سا ہے؟

بھیا اس شعر میں شاعر اور شاعرہ دونوں کا ذکر موجود ہے تو ۔

 

[محمد تابش صدیقی]

کچھ لوگ جو خاموش ہیں یہ سوچ رہے ہیں
تبدیل قیمت ڈالر کی کیوں ہوا کرتی ہے

ڈالر کی جو قیمت ہے بدل جاتی ہے کیوں روز

 

[محمد تابش صدیقی]

خاموشی کا درس دے کر ہمیں
وہ آم سے لطف اندوز ہوا کرتے ہیں

سلسلہ کے قواعد دوبارہ بغور پڑھیے۔

 

[محمد عدنان اکبری نقیبی]

دل ناداں تجھے ہوا کیا ہے
سوجھی آنکھ تری اس کی وجہ کیا ہے

 

[جاسمن]

ای سی جی کر کے وہ ڈاکٹر بولا
"دل ناداں تجھے ہوا کیا ہے؟"