نصیر الدین نصیر منظر فضائے دہر میں سارا علی کا ہے

یوسف سلطان

محفلین
منظر فضائے دہر میں سارا علی کا ہے
جس سمت دیکھتا ہوں نظارہ علی کا ہے

مرحب دو نیم ہے سر خیبر پڑا ہوا
اٹھنے کا اب نہیں کہ یہ مارا علی کا ہے

کُل کا جمال جزو کے چہرے سے ہے عیاں
گھوڑے پہ ہیں حسین نظارہ علی کا ہے

اصحابی کالنجوم کا ارشاد بھی بجا
سب سے مگر بلند ستارا علی کا ہے

ہم فقر مست چاہنے والے علی کے ہیں
دل پر ہمارے صرف اجارا علی کا ہےِ

اہلِ ہوس کی لقمہ تر پر رہی نظر
نان جویں پہ صرف گزارا علی کا ہے

تم دخل دے رہے ہو عقیدت کے باب میں
دیکھو معاملہ یہ ہمارا علی کا ہے

اے ارض پاک تجھ کو مبارک کہ تیرے پاس
پرچم نبی کا چاند ستارا علی کا ہے

آثار پڑھ کے مہدی دوراں کے یوں لگا
جیسے ظہور وہ بھی دوبارہ علی کا ہے

تو کیا ہے اور کیا ہے تیرے علم کی بساط
تجھ پر کرم نصیر یہ سارا علی کا ہے

کلام حضرت الشیخ پیر سید نصیر الدین نصیر جیلانی رحمتہ اللہ علیہ گولڑہ شریف​
 
آخری تدوین:
سبحان اللہ۔ بہت ہی اعلیٰ منقبت
مرحب دو نیم ہے سر خیبر پڑا ہوا
اٹھنے کا اب نہیں کہ یہ مارا علی کا ہے
اہلِ ہوس کی لقمہ تر پر رہی نظر
نان جویں پہ صرف گزارا علی کا ہے

تم دخل دے رہے ہو عقیدت کے باب میں
دیکھو معاملہ یہ ہمارا علی کا ہے

اے عرض پاک تجھ کو مبارک کہ تیرے پاس
پرچم نبی کا چاند ستارا علی کا ہے
خوبصورت اشعار
 

الف نظامی

لائبریرین
بہت خوب۔ ایک شعر درست کر لیجیے:
اے ارض پاک تجھ کو مبارک کہ تیرے پاس
پرچم نبی کا ، چاند ستارا علی کا ہے
 

یوسف سلطان

محفلین
بہت خوب۔ ایک شعر درست کر لیجیے:
اے ارض پاک تجھ کو مبارک کہ تیرے پاس
پرچم نبی کا ، چاند ستارا علی کا ہے
شکریہ
تصحیح کر دی ہے بھائی ایک دفعہ پھرشکریہ ۔
بہت ہی خوبصورت شراکت۔۔۔۔
شکریہ
پیر صاحب کے درجات بلند ہوں۔
آمین
واہ۔ سبحان اللہ۔۔۔
خوبصورت شخصیت کا خوبصورت کلام۔۔۔
ممنوں ہو الشفاء بھائی پسند فرمانے کے کے لئے ۔
جزاک اللہ!
منظر فضائے دہر میں سارا علی کا ہے
جس سمت دیکھتا ہوں نظارہ علی کا ہے​
اہلِ ہوس کی لقمہ تر پر رہی نظر
نان جویں پہ صرف گزارا علی کا ہے​
جزاک اللہ !
 

نور وجدان

لائبریرین
حضرت علی علیہ سلام کا مقام ہر کسی کے بس کی بات نہیں ہے۔۔۔جس نے علی کے جیسا بننا چاہا وہ صرف سیدنا علی رض کی بُو پاسکا ۔۔۔۔۔بو علی قلندر بن گیا ۔۔۔۔۔۔ جو ان کے بارے میں لکھے تو سمجھیے وہ بندہ خود بھی سعید ہے ۔۔۔۔۔
 

یاقوت

محفلین
سبحان اللہ سبحان اللہ
سینے میں ٹھنڈ پڑگئی۔واللہ واللہ کلام احسن الکلام
 
Top