شعر و شاعر (اشعار اور خالق)

[طارق شاہ]

گہ غمِ حُور، گہے عِشقِ بُتاں اے مومؔن !
میں سدا سوختۂ حُسن خُدا داد رہا

مومن خاں مومؔن

 

[طارق شاہ]

روزِ محشر کی توقّع ہے عَبث
ایسی باتوں سے ہو خاطر شاد کیا

بُت کدہ جنّت ہے چلیے بے ہراس
لب پہ مومؔن ! ہر چہ بادا باد کیا

مومن خاں مومؔن

 

[طارق شاہ]

چھوٹا وَڈّا
لِسّی لِسّی، ماڑی ماڑی ماڑیاں دی بِھیڑ وی
اِک وی وڈیرا ہووے کِنّاں بھارا ہُندا اے

وَڈّی ساری کیِڑی وی تے نِکّی جِنّی جاپدی
نِکّا جِنّا ہاتھی وی تے وَڈّا سارا ہُندا اے

انوؔر مسعوُد

 

[طارق شاہ]

کُچھ اِتنا تیز بہاؤ تھا غم کا دِل کی طرف
ہزار روکنا چاہا، ُرکا نہیں مجھ سے

وجودِ خاک پریشان کر رہا تھا مجھے
سو بارِ عُمر زیادہ اُٹھا نہیں مجھ سے

ڈاکٹر محمد نعیم اختر

 

[طارق شاہ]

اُبھرتا ہے کوئی چہرہ طلُوعِ مہر کی صُورت
بناتا ہے مُصوّر شاہکار آہستہ آہستہ

تبسّم دِھیرے دِھیرے اُن کے ہونٹوں پر اُبھرتا ہے
وہ سُنتے ہیں مِرے دِل کی پُکار آہستہ آہستہ

شبِ غم چٹکیاں لیتی ہے اُن کی یاد، رہ رہ کر
ہلاتے ہیں وہ سازِ دِل کے تار، آہستہ آہستہ

مِرا زخمِ تمنّا ، بنتے بنتے پُھول بنتا ہے
اُترتی ہے مِرے دِل میں بہار ، آہستہ آہستہ

ایاؔز صدیقی
ملتان، پاکستان

 

[طارق شاہ]

اب تک اُسی رَوِش پہ ہے، اکبرِ مَست و بے خبر
کہہ دو کوئی عزیزِ مَن فصلِ بہار ہوچُکی

اکؔبر الٰہ آبادی

 

[طارق شاہ]

قسمت کا چلن ہم سے کوئی ٹھیک کہاں تھا
قائم رہی تحقیر و حقارت نہ ملے وہ

اِک قصّۂ پارِینہ ہُوئی جاتی ہے اُلفت !
کردیتے بیاں اُن سے حکایت نہ ملے وہ

شفیق خلؔش

 

[طارق شاہ]

مَیں وہ نہیں، کہ کوئی مجھ سے مِل کے ہو بدنام
نجانے کیا تِرے خاطر میں یار گُزرے ہے

گُزر مِرا تِرے کُوچے میں گر نہیں، تو نہ ہو
مِرے خیال میں تُو، لاکھ بار گُزرے ہے

مِرزا رفیع سودؔا

 

[طارق شاہ]

تِرا غرُور، مِرا عجز تا کُجا ظالم
ہر ایک بات کی آخر کُچھ اِنتہا بھی ہے

مِرزا محمد رفیع سودؔا

 

[طارق شاہ]

تیری سمجھ کے آگے ناقص نہیں عِبارت !
گو ہم سے حرفِ مطلب لِکھنے میں رہ گیا ہے

سودؔا

 

[طارق شاہ]

دفتر ہے ایک معنیِ بے لفظ و صَوت کا
سادہ سی ، جو نِگاہ کے جا رہا ہُوں مَیں

آگے قدم بڑھائیں، جنھیں سُوجھتا نہیں
روشن چراغِ راہ کیے جا رہا ہُوں مَیں

جِگؔر مُراد آبادی

 

[طارق شاہ]

افسوس الگ بات ہے ، جینا ہُوا مُشکل !
کب کم سی رہے اِس پہ ندامت، نہ ملے وہ

شفیق خلؔش

 

[طارق شاہ]

تمام عُمر جہاں ہنستے کھیلتے گُزری
اب اُس گلی میں بھی ہم ڈرتے ڈرتے جاتے ہیں

ناصؔر کاظمی

 

[طارق شاہ]

گُل ریز میری نالہ کشی سے ہے شاخ شاخ !
گُل چِیں کا بس چلے تو یہ فن مجھ سے چِھین لے

ناصؔر کاظمی

 

[طارق شاہ]

زباں سُخن کو، سُخن بانکپن کو ترسے گا
سُخن کدہ ، مِری طرزِ سُخن کو ترسے گا

انہی کے دم سے فروزاں ہیں ملّتوں کے چراغ
زمانہ صحبتِ ارباب فن کو ترسے گا

ناؔصر کاظمی

 

[طارق شاہ]

فروغِ جوہرِ ایماں، حُسینؑ ابنِ علیؑ
کہ شمعِ انجمنِ کبریا کہیں اُس کو

کفیلِ بخششِ اُمّت ہے، بن نہیں پڑتی
اگر نہ شافعِ روزِ جزا کہیں اُس کو

مِرزا اسداللہ خاں غالؔب

 

[طارق شاہ]

دوستو ! آؤ کہ بُجھنے کو ہے جلتی ہُوئی شام
پِھر وہی دِل کی خلش تا بہ سَحر جائے گی

آؤ اِک جامِ مئے تُند بنامِ خورشید
رات تو، رات کے ماتم میں گُزر جائے گی

عطاء الرّحمان جمیلؔ

 

[طارق شاہ]

چاند ابھی تھک کر سویا تھا
تاروں کا جنگل جلتا تھا

پیاسی کونجوں کے جنگل میں
مَیں پانی پینے اُترا تھا

ہاتھ ابھی تک کانپ رہے ہیں
وہ پانی کتنا ٹھنڈا تھا

آنکھیں ابھی تک جھانک رہی ہیں
وہ پانی کتنا گہرا تھا

جسم ابھی تک ٹُوٹ رہا ہے
وہ پانی تھا یا لوہا تھا

گہری گہری تیز آنکھوں سے
وہ پانی مجھے دیکھ رہا تھا

کتنا چُپ چُپ، کِتنا گُم سُم
وہ پانی باتیں کرتا تھا

ناصؔر کاطمی

 

[طارق شاہ]

خیال و خواب ہُوا برگ و بار کا موسم
بچھڑ گیا تِری صُورت بہار کا موسم

کئی رُتوں سے مِرے نیم وا دریچوں میں !
ٹھہر گیا ہے تِرے اِنتظار کا موسم

پروین شاکر

 

[طارق شاہ]

یُوں سرِ عام، کھُلے سر میں کہاں تک بیٹھوں
کِسی جانب سے تو اَب میری رِدا آئی ہو

تیرے تحفے تو سب اچھے ہیں، مگر موجِ بہار!
اب کے میرے لیے خوشبوئے حِنا آئی ہو

پروین شاکر