شعر و شاعر (اشعار اور خالق)

[طارق شاہ]

ہووے پئی تقصِیر کِسے دی، دُکھ پیا کوئی جَردا ئے
بُھل چُک ہوندی اکھیاں کولوں، دِل جُرمانے بھر دا ئے

انؔور مسعوُد

 

[طارق شاہ]

کتابِ عُمر کا ایک اور باب ختم ہُوا
شباب ختم ہُوا، اِک عذاب ختم ہُوا

ہُوئی نِجات سفر میں فریبِ صحرا سے
سراب ختم ہُوا، اِضطراب ختم ہُوا

منؔیر نیازی

 

[طارق شاہ]

ناصؔر ! یہ شعر کیوں نہ ہوں موتی سے آبدار
اِس فن میں کی ہے مَیں نے بہت دیر جانکنی

ہر لفظ ایک شخص ہے، ہر مصرع آدمی
دیکھو مِری غزل میں مِرے دِل کی روشنی

ناصؔر کاظمی

 

[طارق شاہ]

ساتواں رنگ

بال کالے، سفید برف سے گال
چاند سا جسم، کوٹ بادل کا
لہریا آستین، سُرخ بٹن
کُچھ بَھلا سا تھا رنگ آنچل کا
اب کے آئے تو یہ اِرادہ ہے !
دونوں آنکھوں سے اُس کو دیکھوں گا

ناصؔر کاظمی

 

[طارق شاہ]

قائم تو بہرحال ہے رشتوں کا توازن
جو بُھول گئے ہم کو، وہ آتے ہیں سَوا یاد

تابؔش دہلوی

 

[طارق شاہ]

تمام اہلِ گُلِستاں نے کوشِشیں کرلِیں
بہار، حد سے زیادہ مگر نہیں رہتی

اُستاد قمر جلالوی

 

[طارق شاہ]

ذرّہ ذرّہ آئینہ تھا خود نُمائی کا ، فراقؔ!
سر بسر صحرائے عالَم جلوہ زارِ یار تھا

فراؔق گورکھپوری

 

[طارق شاہ]

مجھے کُچھ زخم ایسے بھی مِلے ہیں
کہ جِن کا وقت بھی مرہم نہیں ہے

عبید اللہ علیؔم

 

[طارق شاہ]

خِزاں گزِیدہ چمن ہُوں میں مُستقِل سا خلِؔش
نہیں یقین، کہ پھر سے بہار گُزرے گی

شفیق خلؔش

 

[طارق شاہ]

دامن کشِ حواس ہے وحشت خیال کی
کتنی جُنوں اثر ہے بہاراب کے سال کی

سیماؔب اکبر آبادی

 

[طارق شاہ]

آج! تنہائی کسی ہمدمِ دیریں کی طرح
کرنے آئی ہے مِری ساقی گری شام ڈھلے

منتظر بیٹھے ہیں ہم دونوں، کہ مہتاب اُبھرے
اور تِرا عکس جَھلکنے لگے ہر سائے تلے
.
فیض احمد فیضؔ

 

[طارق شاہ]

یہ دوستی، یہ مراسم، یہ چاہتیں، یہ خلوُص
کبھی کبھی، یہ سبھی کچھ ، عجیب لگتا ہے

جانثار اختؔر

 

[طارق شاہ]

میری بربادیوں کے افسانے
میرے یاروں کے نام لیتے ہیں

ہم بھٹک کر جنُوں کی راہوں میں
عقل سے اِنتقام لیتے ہیں

سردار انجمؔ

 

[طارق شاہ]

کُچھ سوچ کے کہنا کہ ہمَیں حرفِ تسلّی !
تازہ ہو اگر زخم، تو پیکاں سا لگے ہے

ادؔا جعفری

 

[طارق شاہ]

بَلا ہے عِشق لیکن ہر بشر قابل نہیں ہوتا
بہت پہلوُ ہیں ایسے بھی، کہ جن میں دِل نہیں ہوتا

ثاقؔب لکھنوی

 

[طارق شاہ]

ہزار شہر بَسالو، خلا نہ پُر ہوگا
اُجڑ گئے ہیں گھرانے بَسے بَسائے وہ

انور شعُور
کراچی، پاکستان

 

[طارق شاہ]

روز محِفل سے اُٹھاتے ہو تو دِل دُکھتا ہے !
اب نکلواؤ تو پھر حضرتِ آدم کی طرح

اُستاد قمرؔ جلالوی

 

[طارق شاہ]

خوف دِل سے نہ گیا صُبح کے ہونے کا، قمرؔ
وصل کی رات گُزاری ہے شَب ِغم کی طرح

اُستاد قمرؔ جلالوی

 

[طارق شاہ]

ہے یُوں ہی گھُومتے رہنے کا مزا ہی کُچھ اور
ایسی لذّت، نہ پہنچنے میں نہ رہ جانے میں

احمد مشتاقؔ

 

[طارق شاہ]

آپ کہتے تھے ،کہ رونے سے نہ بدلیں گے نصِیب
عُمر بھر آپ کی اِس بات نے رونے نہ دِیا

سدرشن فاکؔر