شعر و شاعر (اشعار اور خالق)

[طارق شاہ]

رونے والوں سے کہو اُن کا بھی رونا رو لیں
جن کو مجبوُریِ حالات نے، رونے نہ دِیا

سدرشن فاکؔر

 

[طارق شاہ]

ایک دو روز کا صدمہ ہو، تو رو لیں فاکؔر
ہم کو، ہر روز کے صدمات نے رونے نہ دِیا

سدرشن فاکؔر

 

[طارق شاہ]

یہ خامشی تو رگ وپے میں رَچ گئی، ناصؔر !
وہ نالہ کر ، کہ دِلِ سنگ سے، صدا نکلے

ناصؔر کاظمی

 

[طارق شاہ]

ہر گھڑی رائیگاں گُزرتی ہے
زندگی اب کہاں گُزرتی ہے

شب گراتی ہے بجلیاں دل پر
صُبح آتِش بجاں گُزرتی ہے

محسؔن نقوی

 

[طارق شاہ]

تُو خفا ہے تو دِل سے یاد تِری
کِس لیے مہرباں گُزرتی ہے

مُحسؔن نقوی

 

[طارق شاہ]

شکوۂ جور کرے کیا کوئی اُس شوخ سے، جو !
صاف قائل بھی نہیں، صاف مُکرتا بھی نہیں

فراقؔ گورکھپوری

 

[طارق شاہ]

ہم نے کیا کیا نہ کر کے دیکھ لِیا
کوئی تدبیر کار گر نہ ہُوئی

کتنے سُورج نِکل کے ڈُوب گئے
شامِ ہجراں ! تِری سَحر نہ ہُوئی

عدیؔم ہاشمی

 

[طارق شاہ]

عُمر جلووں میں بَسر ہو یہ ضرُوری تو نہیں
ہر شَبِ غم کی سَحر ہو، یہ ضروری تو نہیں

نیند تو درد کے بِستر پہ بھی آ سکتی ہے !
اُن کی آغوش میں سر ہو، یہ ضرُوری تو نہیں

خامؔوش دہلوی

 

[طارق شاہ]

مِٹی مِٹی سی اُمیدیں، تھکے تھکے سے خیال
بجھے بجھے سے نگِاہوں میں غم کے افسانے

اُمیدِ پُرسِشِ غم کِس سے کیجے، ناؔصر
جو اپنے دِل پہ گُزرتی ہے کوئی کیا جانے

ناؔصر کاظمی

 

[طارق شاہ]

بیدادِ عِشق سے نہیں ڈرتا ، مگر اسؔد !
جِس دِل پہ ناز تھا مجھے ، وہ دِل نہیں رہا

مِرزا اسؔداللہ خاں غالؔب

 

[طارق شاہ]

پھر وہی رنگِ تکلّم نگِہہ ناز میں ہے
وہی انداز، وہی حُسنِ بیاں ہے کہ جو تھا

پھر تِری چشم ِ سُخن سنج نے چھیڑی کوئی بات
وہی جادُو ہے، وہی حُسنِ بیاں ہے کہ جو تھا

کب ہے اِنکار تِرے لُطف وکَرَم سے، لیکن!
تووہی دُشمنِ دِل، دُشمنِ جاں ہے، کہ جو تھا

فراقؔ گورکھپوری

 

[طارق شاہ]

زندگی کیا ہے طِلِسمات کی وادی کا سفر
پھر بھی فُرصت نہیں مِلتی مجھے حیرانی کی

مجھ سے کہتا ہے کوئی، آپ پریشان نہ ہوں
میری زُلفوں کو تو ، عادت ہے پریشانی کی

شبنمؔ رُومانی
(مِرزا عظیم بیگ چغتائی)

 

[طارق شاہ]

جلایا اور مارا حُسن کی نیرنگ سازی نے
کبھی برقِ غضب اُس کو، کبھی ابرِ کَرَم پایا

خواجہ حیدر علی آتؔش

 

[طارق شاہ]

تعرِیف کیا ہو قامتِ دِلدار کی شکیؔب
تجسیم کردِیا ہے کسی نے الاپ کو

شکؔیب جلالی

 

[طارق شاہ]

باقی ہے یہی ایک نشاں موسمِ گل کا
جاری رہے گلشن میں بیاں موسمِ گل کا

جب پھول مرے چاکِ گریباں پہ ہنسے تھے
لمحہ وہی گزرا ہے گراں موسمِ گل کا

شکیب جلالی

 

[طارق شاہ]

جِیتا ہُوا میدان، کہ ہاری ہُوئی بازی
اِس خانہ خرابی کی اَذِیّت سے مِلا کیا

اِک خِلعَتِ دُشنام و کُلاہِ سُخَن ِ بَد
شُہرت تو بہت پائی، پہ شُہرت سے مِلا کیا

افتخار عارف

 

[طارق شاہ]

کوئی سمجھے تو ایک بات کہوُں
عِشق توفِیق ہے، گُناہ نہیں

فِراؔق گورکھپوری

 

[طارق شاہ]

تِرے کَرَم سے خُدائی میں یُوں تو کیا نہ مِلا
مگر جو تُو نہ مِلا، زِیست کا مزا نہ مِلا

ن م راشد

 

[طارق شاہ]

یہ ایک مَیں ، کہ تِری آرزُو ہی سب کُچھ ہے
وہ ایک تُو کہ، مِرے سائے سے گُریزاں ہے

شہریار

 

[طارق شاہ]

آج بھی، تیری ہی دُوری ہے اُداسی کا سَبَب
یہ الگ بات کہ پہلی سی نہیں، کُچھ کم ہے

شہر یار