﴿کر گیا صد پارہ جو پل میں دلِ نخچیر ہے﴾

محمد طلحہ گوہر چشتی نے 'اِصلاحِ سخن' کی ذیل میں اس موضوع کا آغاز کیا، ‏جولائی 17, 2018

  1. محمد طلحہ گوہر چشتی

    محمد طلحہ گوہر چشتی محفلین

    مراسلے:
    34
    جھنڈا:
    Pakistan
    رمل مثمن محذوف
    فاعلاتن فاعلاتن فاعلاتن فاعلن

    کر گیا صد پارہ جو پل میں دلِ نخچیر ہے
    صید گاہِ عشق سے بھٹکا کسی کا تیر ہے

    ہو گیا پیوست پیکاں تیرِ حسنِ یار کا
    یہ مرا ہے خواب یا آئینہِ تعبیر ہے

    قابلِ تحسین کب تھی داستاں مے خوار کی
    کچھ تو ساقی کا کرم، کچھ شوخیِ تحریر ہے

    بعد مدت کے ہے چھیڑا نغمہِ درد و الم
    مطربو! اس راگ کے پیچھے کوئی تدبیر ہے؟

    اک نظر جو دیکھ لے وہ دیکھتا رہ جائے ہے
    کتنا دلکش شخص ہو گا جس کی یہ تصویر ہے

    پھونک دے برقِ تپاں اس کے قفس کو پھونک دے
    مبتلائے عشق جو ہے، واجب التعزیر ہے

    مل گیا گوہرؔ تمہیں بھی زینہِ معراجِ عشق
    غیر سمجھے تھے کہ تیری آہ بے تاثیر ہے

    ﴿محمد طلحہ گوہر چشتی﴾
     
    آخری تدوین: ‏جولائی 17, 2018
    • پسندیدہ پسندیدہ × 3
    • زبردست زبردست × 2
  2. سید عاطف علی

    سید عاطف علی محفلین

    مراسلے:
    9,033
    جھنڈا:
    SaudiArabia
    موڈ:
    Cheerful
    واہ بہت خوب ۔
    مقطع میں کچھ شتر گربگی دور ہونی چاہیئے ۔ جیسے ۔۔۔غیر سمجھے تھے تمہاری آہ بے تاثیر ہے - یا ۔مل گیا گوہرؔ تجھےبھی زینہِ معراجِ عشق
    کہیں کہیں لفظی نشست میں بہتری کی گنجائش ہے ۔ مثلاََ ۔ کچھ ہے ساقی کا کرم، کچھ شوخیِ تحریر ہے ۔یہاں پہلے "ہے " کی جگہ "تو" رکھا جائے تو مضمون کے زیادہ موافق لگے گا۔
    اس طرح غزل میں کچھ بہتری کی گنجائش ضرور ہے ۔ خود ہی بہتر کی جاسکتی ہے۔
    لیکن پھر بھی غزل بہت خوب ہے گوہر صاحب ۔
     
    • پسندیدہ پسندیدہ × 1
  3. محمد طلحہ گوہر چشتی

    محمد طلحہ گوہر چشتی محفلین

    مراسلے:
    34
    جھنڈا:
    Pakistan
    بہت ہی کرم نوازی عاطف بھائی
    تحسین کا شکریہ
    اصلاح قبول ہے
     
    • دوستانہ دوستانہ × 1
  4. محمد طلحہ گوہر چشتی

    محمد طلحہ گوہر چشتی محفلین

    مراسلے:
    34
    جھنڈا:
    Pakistan
  5. نور وجدان

    نور وجدان مدیر

    مراسلے:
    5,410
    جھنڈا:
    Pakistan
    موڈ:
    Asleep
    بہت خوب !
    واہ واہ !
    یہ شعر تو لاجواب ہے:redheart::redheart::redheart:

     
  6. محمد طلحہ گوہر چشتی

    محمد طلحہ گوہر چشتی محفلین

    مراسلے:
    34
    جھنڈا:
    Pakistan
    بہت شکریہ نور سعدیہ بہن ۔
     
    • پسندیدہ پسندیدہ × 1
  7. الف عین

    الف عین لائبریرین

    مراسلے:
    34,527
    جھنڈا:
    India
    موڈ:
    Psychedelic
    سید عاطف علی کے مشوروں کے بعد ہی دیکھ رہا ہوں۔ درست بلکہ اچھی ہے غزل
     
    • دوستانہ دوستانہ × 1
  8. محمد طلحہ گوہر چشتی

    محمد طلحہ گوہر چشتی محفلین

    مراسلے:
    34
    جھنڈا:
    Pakistan
    بہت کرم نواز محترم الف عین صاحب
    اگر آپ کو پسند آئی تو یہ میرے لئے کسی اعزاز سے کم نہیں
    تھوڑی عنایت اگر اور ہو جائے تو یہ بھی فرما دیجئے کہ اس میں اور بہتری کیسے لائی جا سکتی ہے
    والسلام۔
     
    • دوستانہ دوستانہ × 1

اس صفحے کی تشہیر