”فعولن فعولن فعولن فعولن“ کا کھیل

[محمد اسامہ سَرسَری]

نہیں یہ رباعی کہ اوزان اس کے
برابر نہیں ہیں، برابر نہیں ہیں
یہ ہےبس "دو بیتی" عجب اک زباں میں
خدا کی قسم مجھ کو اس کا یقیں ہے۔

سمجھ میں نہیں آئی مجھ کو یہ باتیں
ہو تفصیل اگر اس کی بہتر رہے گا

 

[نامعلوم اول]

کہاں ہو اسامہ؟ کہاں کھو گئے تم؟
اکیلے یہ دل میرا گھبرا رہا ہے
چلو آؤ باتیں کریں چار کہ اب
مجھے ان میں کچھ کچھ مزہ آ رہا ہے

 

[محمد اسامہ سَرسَری]

کہاں ہو اسامہ؟ کہاں کھو گئے تم؟
اکیلے یہ دل میرا گھبرا رہا ہے
چلو آؤ باتیں کریں چار کہ اب
مجھے ان میں کچھ کچھ مزہ آ رہا ہے

مزے کے لیے ہی تو کھولا تھا دھاگا
جو آیا ، ذرا کھیلا ، پھر جھٹ سے بھاگا

 

[نامعلوم اول]

سمجھ میں نہیں آئی مجھ یہ باتیں
ہو تفصیل اگر اس کی بہتر رہے گا

"دو بیتی" بھی ہے صنف اک شاعری کی
کیا جس کو مقبول "عریاں" نے پہلے
کہ وہ تھا عظیم ایک شاعر جہاں میں
مگر شعر کہتا "زبانِ دَری" میں
"دو بیتی" کا دو ہے وہی تم جو سمجھے
جو "بیتی" ہے مشتق ہے بس "بیت" سے ہی
سمجھ میں کچھ آیا کہ میں اور لکھوں
تفاصیلِ و تشریحِ صنف ِ "دو بیتی"

 

[مانی عباسی]

مجھے فلسفہ ہے بحث کا سمجھنا۔۔۔۔۔۔۔۔۔۔

 

[محمد اسامہ سَرسَری]

"دو بیتی" بھی ہے صنف اک شاعری کی
کیا جس کو مقبول "عریاں" نے پہلے
کہ وہ تھا عظیم ایک شاعر جہاں میں
مگر شعر کہتا "زبانِ دَری" میں
"دو بیتی" کا دو ہے وہی تم جو سمجھے
جو "بیتی" ہے مشتق ہے بس "بیت" سے ہی
سمجھ میں کچھ آیا کہ میں اور لکھوں
تفاصیلِ و تشریحِ صنف ِ "دو بیتی"

کہا تم نے قطعہ نہیں ہے، مگر کیوں؟

 

[نامعلوم اول]

کہا تم نے قطعہ نہیں ہے، مگر کیوں؟

"دو بیتی" سے یہ فائدہ تو ہوا ہے
کہ لفظ ایک تم کو نیا آ گیا ہے
بس اب بحث چھوڑو، مصارع بناؤ
کہ اس کھیل کا اصل مقصد یہی ہے

 

[محمد اسامہ سَرسَری]

مجھے فلسفہ ہے بحث کا سمجھنا۔۔۔ ۔۔۔ ۔۔۔ ۔

جزاک اللہ آپ آئے اس دھاگے میں جو
کہے میں نے دو شعر قطعہ سمجھ کر
مگر کوئی کہتا ہے قطعہ نہیں یہ
بتاتا ہوں تم کو وہ دو شعر یہ ہیں:

عجیبًا عجیبًا عجیبًا عجیبًا​

غریبًا غریبًا غریبًا غریبًا​

رباعی یہ دیکھو مری بن گئی اک​

قریبًا قریبًا قریبًا قریبًا​

 

[نامعلوم اول]

مجھے فلسفہ ہے بحث کا سمجھنا۔۔۔ ۔۔۔ ۔۔۔ ۔

جو پوچھا ہے تم نے سوال ایک مانی
مناسب ہے لیکن نہیں بحر میں ہے
"بَحَث" حائے مفتوحہ کے ساتھ کیوں ہے؟
سراسر غلط ہے، سراسر غلط ہے

 

[مانی عباسی]

محمد اسامہ سَرسَری
کاشف عمران
میں اتنا بھی ماہر نہیں میرے بھائی
یہاں ھوں فقط دل کو بہلانے آیا

 

[نامعلوم اول]

میں اتنا بھی ماہر نہیں میرے بھائی
یہاں ھوں فقط دل کو بہلانے آیا

بہت خوب، دل کی بھی اچھی سنائی
یہ دل ہی تو ہے جس کے ہاتھوں سے شاعر
تڑپتے ہیں، مرتے ہیں، کھاتے ہیں دھوکے
مگر پھر بھی کرتے نہیں کوئی شکوہ
یہ سادہ دلانِ جہانِ ستم گر
کوئی ان سے دل ان کا لے لے تو بہتر

 

[مانی عباسی]

محمد اسامہ سَرسَری
بجاہی کہا ہوگا کامل نے یار

 

[نامعلوم اول]

محمد اسامہ سَرسَری
بجاہی کہا ہوگا کامل نے یار

خبردار پھر بحر کی ناک ٹوٹی

 

[مانی عباسی]

کاشف عمران
بہت خوب، دل کی بھی اچھی سنائی
یہ دل ہی تو ہے جس کے ہاتھوں سے شاعر
تڑپتے ہیں، مرتے ہیں، کھاتے ہیں دھوکے
مگر پھر بھی کرتے نہیں کوئی شکوہ
یہ سادہ دلانِ جہانِ ستم گر
کوئی ان سے دل ان کا لے لے تو بہتر

میں تعریف کرنا نہیں چاہتا تھا
مگر قرض تو اب چکانا پڑے گا
کہوں گا فقط اتنا مجھکو یقیں ہے
کہ تجھ سا ملا مجھکو کوئی نہیں ہے

 

[نامعلوم اول]

چلو تھک گئے اب بہت رات بیتی
رہی زندگی تو ملیں گے دوبارہ

 

[محمد اسامہ سَرسَری]

کاشف عمران
کہوں گا فقط اتنا مجھکو یقیں ہے
کہ تجھ سا ملا مجھکو کوئی نہیں ہے

خدا خیر فرمائے ہم سب کی اب تو
ہوا چاہتا ہے شروع ایک عشق اب

 

[شہزاد احمد]

فعولن کی مشقوں میں مصروف ہیں سب
بڑی رونقیں ہیں ۔۔۔۔ بڑی رونقیں ہیں

 

[نامعلوم اول]

کاشف عمران
بہت خوب، دل کی بھی اچھی سنائی
یہ دل ہی تو ہے جس کے ہاتھوں سے شاعر
تڑپتے ہیں، مرتے ہیں، کھاتے ہیں دھوکے
مگر پھر بھی کرتے نہیں کوئی شکوہ
یہ سادہ دلانِ جہانِ ستم گر
کوئی ان سے دل ان کا لے لے تو بہتر

میں تعریف کرنا نہیں چاہتا تھا
مگر قرض تو اب چکانا پڑے گا
کہوں گا فقط اتنا مجھکو یقیں ہے
کہ تجھ سا ملا مجھکو کوئی نہیں ہے

مرے حرف تم نے کچھ اس طرح لکھے
کہ لگتے تمہارے ہیں، میرے نہیں ہیں
مگر خیر دنیا میں ہوتا ہے یوں بھی
جہاں تک تعلق ہے تعریف کا تو
بہت شکریہ آپ کا اس میں بھائی

 

[مانی عباسی]

@محمد اسامہ سَرسَری

مجھے عشق استاد سے ہے تمہیں کیا
سکھایا ہے مجھکو بہت کچھ انہوں نے

 

[نامعلوم اول]

خدا خیر فرمائے ہم سب کی اب تو
ہوا چاہتا ہے شروع ایک عشق اب

کہاں عشق ہے؟ دونوں جانب ہیں مونچھیں۔
یہ رشتہ ادب ہے، نہیں عاشقی یہ
سنبھالو قلم کو اسامہ کہ اب یہ
بہکنے لگا ہے، بھٹکنے لگا ہے!