”فعولن فعولن فعولن فعولن“ کا کھیل

[مزمل شیخ بسمل]

جہاں بات کرنی مصارع میں ٹھہرے
وہاں کوئی بجلی نہ کڑکا نہ طوفاں
بھلے جس طرح کوئی سمجھے، سو سمجھے
کہ ہر فی البدیہہ مؤثر کہاں ہے
۔۔۔ ۔۔

ارے محترم آپ استاد ہیں یاں
گڑھے مردے میں نے اکھاڑے نہیں ہیں
مگر جب اکھاڑے تو کیا حال ہوگا
حقیقت یہ میں خود نہیں جانتا ہوں۔
تلفظ کی تشریح میں جو بھی لکھا
وہ برجستہ الفاظ تھے میرے سارے
اسامہ کو سمجھانا مقصود جو تھا

 

[محمد یعقوب آسی]

اسامہ کو سمجھا سکا ہے کوئی کب
اسامہ کو سمجھا بھی کوئی نہیں ہے
کوئی ٹام چاچا سے پوچھے کہ چاچُو!
تری آنکھ کا بال تھا جو اسامہ
تری آنکھ میں کیوں کھٹکنے لگا تھا؟
اسامہ ہے وہ، سرسری ہو کہ لادن
کہ وہ بھی اسامہ تھا یہ بھی اسامہ
اسامہ کو کب مار سکتا ہے کوئی
کہ ہر پانچویں گھر میں ہے اک اسامہ
اسامہ ہوں میں بھی اسامہ ہے تُو بھی
وہ تھا بُو اسامہ، تُو ابنِ اسامہ

 

[محمد اسامہ سَرسَری]

ہے اپنے ادیبوں کی کیا بات یارو
اِدھر ان کو چھیڑو ادھر نظم پاؤ

 

[بنت یاسین]

ادیبوں کی قلت ہے امت ہے پیاسی
زبانیں ہوئی جارہیں آج باسی
نگاہوں کی گہرائیاں گم ہوئیں سب
دل اہلِ اردو پہ چھائی اداسی
جو مجھ جیسے شاعر ہیں یوں شعر کہتے
اکاسی بیاسی تراسی چراسی
نہ دادی سے اب سیکھتی کوئی پوتی
نہ نانی سے اب سیکھتی ہے نواسی
بنائی ہے یہ نظم دل کے قلم سے
نہ باتیں قیاسی نہ نہ چالیں سیاسی
نہ گھبرانا طولِ کلامی سے میرے
بس اک بات سن لو مری تم ذراسی
الف عین صاحب بھی ہیں شیخِ اردو
تو ہیں دوسرے شیخ یعقوب آسی

محمد یعقوب آسی​

بہت بہت بہت خوب۔

 

[بنت یاسین]

اسامہ کو سمجھا سکا ہے کوئی کب
اسامہ کو سمجھا بھی کوئی نہیں ہے
کوئی ٹام چاچا سے پوچھے کہ چاچُو!
تری آنکھ کا بال تھا جو اسامہ
تری آنکھ میں کیوں کھٹکنے لگا تھا؟
اسامہ ہے وہ، سرسری ہو کہ لادن
کہ وہ بھی اسامہ تھا یہ بھی اسامہ
اسامہ کو کب مار سکتا ہے کوئی
کہ ہر پانچویں گھر میں ہے اک اسامہ
اسامہ ہوں میں بھی اسامہ ہے تُو بھی
وہ تھا بُو اسامہ، تُو ابنِ اسامہ

بہت ہی عمدہ جناب۔

 

[عمران اسلم]

اسامہ کو سمجھا سکا ہے کوئی کب
اسامہ کو سمجھا بھی کوئی نہیں ہے
کوئی ٹام چاچا سے پوچھے کہ چاچُو!
تری آنکھ کا بال تھا جو اسامہ
تری آنکھ میں کیوں کھٹکنے لگا تھا؟
اسامہ ہے وہ، سرسری ہو کہ لادن
کہ وہ بھی اسامہ تھا یہ بھی اسامہ
اسامہ کو کب مار سکتا ہے کوئی
کہ ہر پانچویں گھر میں ہے اک اسامہ
اسامہ ہوں میں بھی اسامہ ہے تُو بھی
وہ تھا بُو اسامہ، تُو ابنِ اسامہ

اہا۔ کیا زبردست کہی

 

[محمد یعقوب آسی]

تری آنکھ کا بال تھا جو اسامہ​

تری آنکھ میں کیوں کھٹکنے لگا تھا؟​

اسے ٹھیک کر لیجئے دوست سارے
۔۔۔

تری ناک کا بال تھا جو اسامہ​

تری آنکھ میں کیوں کھٹکنے لگا تھا؟​

۔۔۔

 

[محمد یعقوب آسی]

اردو محاورے کے مطابق:
’’ناک کا بال ہونا‘‘ (محبوب ہونا) پہلے روا روی میں ’’آنکھ کا بال‘‘ لکھ دیا جو درست نہیں۔
’’آنکھ کا بال ہونا‘‘ اور ’’آنکھ میں کھٹکنا‘‘ ہم معنی ہیں (ناپسندیدہ ہونا)۔
۔۔۔۔۔ دعا کا طالب ہوں۔

 

[منیب احمد فاتح]

تعارف ہوا جب سے یاں سرسری سے
ہوا سامنا پھر عجب شاعری سے
کہیں آم و اخروٹ کے فائدے ہیں
کہیں جنتوں کے سبھی تذکرے ہیں
اور اب یہ فعولن کا دھاگہ ملا ہے
کہ جس میں ہر اک صاحبِ فن سلا ہے
تخلص عجب سرسری کر رہے ہیں
میاں آپ تو ساحری کر رہے ہیں
مجھے یاد اپنی غزل آ رہی ہے
کہو تو سنا دوں؟ مٹی جا رہی ہے:

ابھی تو میں تنہا تھا اور اب نہیں ہوں​

کھڑا میں جہاں تھا اگرچہ وہیں ہوں​

محقق ہوں میں اور نہ باریک بیں ہوں​

مگر دستِ فطرت میں یکتا نگیں ہوں​

میسر نہیں مجھ سے کچھ بھی کسی کو​

الٰہی میں کس سنگ دل کی زمیں ہوں​

بچا کون فاتح حسینوں کی زد سے​

کہ میں بھی رہینِ خریدارِ دیں ہوں​

سدا اہلِ محفل کی چاہت رہو تم
محمد اسامہ سلامت رہو تم

 

[محمد اسامہ سَرسَری]

تعارف ہوا جب سے یاں سرسری سے
ہوا سامنا پھر عجب شاعری سے
کہیں آم و اخروٹ کے فائدے ہیں
کہیں جنتوں کے سبھی تذکرے ہیں
اور اب یہ فعولن کا دھاگہ ملا ہے
کہ جس میں ہر اک صاحبِ فن سلا ہے
تخلص عجب سرسری کر رہے ہیں
میاں آپ تو ساحری کر رہے ہیں
مجھے یاد اپنی غزل آ رہی ہے
کہو تو سنا دوں؟ مٹی جا رہی ہے:

ابھی تو میں تنہا تھا اور اب نہیں ہوں​

کھڑا میں جہاں تھا اگرچہ وہیں ہوں​

محقق ہوں میں اور نہ باریک بیں ہوں​

مگر دستِ فطرت میں یکتا نگیں ہوں​

میسر نہیں مجھ سے کچھ بھی کسی کو​

الٰہی میں کس سنگ دل کی زمیں ہوں​

بچا کون فاتح حسینوں کی زد سے​

کہ میں بھی رہینِ خریدارِ دیں ہوں​

سدا اہلِ محفل کی چاہت رہو تم
محمد اسامہ سلامت رہو تم

منیب احمد اب آپ بھی آگئے ہیں
صدا گونجی اہلا وسہلا کی دل میں

 

[متلاشی]

بہت خوب سوجھی ہے تدبیر تم کو!

 

[محمد اسامہ سَرسَری]

فعولن کے دھاگے سے سب خوش ہوئے ہیں

 

[متلاشی]

وزَن ہے نہیں یہ تو ہے وزْن بھائی
یقیں گر نہ ہو تو لغت دیکھ لو تم
لفَظ بھی غلط تم نے لکھا ہوا ہے
کہ فا لفظ میں تو ہے ساکن یقینا

بہت شکریہ آپ کا اے اسامہ!

 

[محمد اسامہ سَرسَری]

الف عین صاحب کی خدمت میں میری
ادب سے گزارش ہے تشریف لائیں

 

[متلاشی]

مگر دوسرا مصرعہ پھر سے دیکھیں
نہیں اس کا چوتھا فعولن مکمل

خطا کی طرف جو توجہ دلائی
بہت شکریہ آپ کا اے اسامہ

 

[متلاشی]

الف عین صاحب کی خدمت میں میری
ادب سے گزارش ہے تشریف لائیں

الف عین صاحب تو شاید ہیں مصروف
وگرنہ یہاں جلد تشریف لاتے ۔۔!

 

[محمد اسامہ سَرسَری]

چلو انتظار ان کا کرتے ہیں مل کر

 

[محمد اسامہ سَرسَری]

خطا کی طرف جو توجہ دلائی
بہت شکریہ آپ کا اے اسامہ

یہ نسیاں ہے بھائی خطا اور شے ہے

 

[محمد اسامہ سَرسَری]

الٰہی! گناہوں سے ہم کو بچالے۔

 

[متلاشی]

الٰہی! گناہوں سے ہم کو بچالے۔

بچا کر گناہوں سے ہم کو اے مولا
تو دامانِ رحمت میں اپنے چھپا لے