”فعولن فعولن فعولن فعولن“ کا کھیل

[متلاشی]

ایک تازہ شعر جو ابھی ابھی وارد ہوا ہے چونکہ فعولن کی بحر میں ہے سو حاضرِ پیشِ خدمتِ صاحبِ دھاگہ ہے ۔۔۔!
سو عرض کیا ہے ۔۔۔!
اشاروں کنایوں میں کیا گفتگو ہو؟
ذرا کھل کے بولو کہ کیا بات ہے !
(متلاشی)

 

[محمد اسامہ سَرسَری]

اصل میں وزَن کا تلفظ وَزن ہے
نہیں وزن کوئی لفظ درحقیقت

وزَن ہے نہیں یہ تو ہے وزْن بھائی
یقیں گر نہ ہو تو لغت دیکھ لو تم
لفَظ بھی غلط تم نے لکھا ہوا ہے
کہ فا لفظ میں تو ہے ساکن یقینا

 

[محمد اسامہ سَرسَری]

ایک تازہ شعر جو ابھی ابھی وارد ہوا ہے چونکہ فعولن کی بحر میں ہے سو حاضرِ پیشِ خدمتِ صاحبِ دھاگہ ہے ۔۔۔ !
سو عرض کیا ہے ۔۔۔ !
اشاروں کنایوں میں کیا گفتگو ہو؟
ذرا کھل کے بولو کہ کیا بات ہے !
(متلاشی)

مگر دوسرا مصرعہ پھر سے دیکھیں
نہیں اس کا چوتھا فعولن مکمل

 

[محمداحمد]

بہت خوب سوجھا ہے یہ کھیل بھائی​

کہ اب یاں فعولن کی تکرار ہوگی​

ادھر سے اُدھر سے ملا کر جُلا کر​

غزل اک نئی روز تیار ہوگی​

​

​

​

​

 

[مزمل شیخ بسمل]

مگر بات کیا تھی ،پیارے اسامہ ؟

یہ ”پیارے“ پِیَارے نہیں ہے اے پیارے۔
(یعنی لفظ پیارے کا تلفظ فعلن کے وزن پر ہے نہ کہ فعولن کے وزن پر)

ارے بھئی الجھتتے ہو کیوں کھیل میں تم؟
پِیارے اگر چہ غلط تو نہیں ہے
مگر عام بھی یہ نہیں ریختے میں
یہ لفظ اصل میں یائے مخلوط سے ہے
تلفظ درست اس کا پیارے ہے، پیارے!
یہاں بات اک یہ بھی ذہنوں میں رکھو
کلام تقیؔ میں تلفظ ہیں دونوں (میر تقی میرؔ)
تو اکثر یہی کہتے ہیں پڑھنے والے
کہ یہ لفظ جائز ہے ہر دو طرح سے
مگر میری یہ بات بھی ایک سن لو!
یہ پہلے کی اردو، ہے متروک اب تو!
فصاحت کی خاطر یہ الفاظ سارے
ہیں ٹھہرائے متروک اہل زباں نے
”کسو“ کو ہٹا کر ”کسی“ کردیا ہے
”کبھو“ کو ہٹا کر ”کبھی “ کردیا ہے
”چِھنا کر“ کہا کرتے تھے ”چھین کر“ کو
یوں ”جیدھر“ کہا کرتے تھے وہ ”جدھر“ کو
مگر اب تئیں کو بھی ”تُو“ مانتے ہیں
یہی ہے سلیقہ سبھی جانتے ہیں۔
”پِیاسا“ کو ”پیاسا“ ہیں محسوب رکھتے
یہ اہلِ زباں ہیں زباں خوب رکھتے۔

آداب۔
(مزید روشنی اساتذہ ڈالیں الف عین محمد یعقوب آسی)

 

[محمد اسامہ سَرسَری]

بہت خوب سوجھا ہے یہ کھیل بھائی​

کہ اب یاں فعولن کی تکرار ہوگی​

ادھر سے اُدھر سے ملا کر جُلا کر​

غزل اک نئی روز تیار ہوگی​

​

​

​

​

جزاک الالٰہ الکریم المہیمن

 

[محمد اسامہ سَرسَری]

ارے بھئی الجھتتے ہو کیوں کھیل میں تم؟
پِیارے اگر چہ غلط تو نہیں ہے
مگر عام بھی یہ نہیں ریختے میں
یہ لفظ اصل میں یائے مخلوط سے ہے
تلفظ درست اس کا پیارے ہے، پیارے!
یہاں بات اک یہ بھی ذہنوں میں رکھو
کلام تقیؔ میں تلفظ ہیں دونوں (میر تقی میرؔ)
تو اکثر یہی کہتے ہیں پڑھنے والے
کہ یہ لفظ جائز ہے ہر دو طرح سے
مگر میری یہ بات بھی ایک سن لو!
یہ پہلے کی اردو، ہے متروک اب تو!
فصاحت کی خاطر یہ الفاظ سارے
ہیں ٹھہرائے متروک اہل زباں نے
”کسو“ کو ہٹا کر ”کسی“ کردیا ہے
”کبھو“ ہٹا کر ”کبھی “ کردیا ہے
”چِھنا کر“ کہا کرتے تھے ”چھین کر“ کو
یوں ”جیدھر“ کہا کرتے تھے وہ ”جدھر“ کو
مگر اب تئیں کو بھی ”تُو“ مانتے ہیں
یہی ہے سلیقہ سبھی جانتے ہیں۔
”پِیاسا“ کو ”پیاسا“ ہیں محسوب رکھتے
یہ اہلِ زباں ہیں زباں خوب رکھتے۔

آداب۔
(مزید روشنی اساتذہ ڈالیں الف عین محمد یعقوب آسی)

جزاک الالٰہ الکریم المہیمن
بہت اچھی تشریح کرتے ہو پیارے
بڑی فائدے مند باتیں بتائیں
ملی دل کو تسکین تفصیل پڑھ کر
بہت شکریہ اے مزمل تمھارا

 

[محمد یعقوب آسی]

پِیارے اگر چہ غلط تو نہیں ہے​

مگر عام بھی یہ نہیں ریختے میں​

یہ لفظ اصل میں یائے مخلوط سے ہے​

تلفظ درست اس کا پیارے ہے، پیارے!​

یہاں بات اک یہ بھی ذہنوں میں رکھو​

کلام تقیؔ میں تلفظ ہیں دونوں (میر تقی میرؔ)​

ان دونوں شعروں کی صحت کو تسلیم کرتے ہوئے یہ ماننا پڑے گا کہ ’’پیارے‘‘ فعلن کے وزن پر ہے اور ’’پیار‘‘ وتدمفروق ہے۔
ع ۔۔۔ ’’

تلفظ درست اس کا پیارے ہے، پیارے!‘‘ فعولن چار بار۔ ’’پارے‘‘ کے وزن پر آیا ہے۔​

پارہ بھی تو خاصا وزنی ہوتا ہے (جملہء معترضہ)​

 

[محمد یعقوب آسی]

مگر میری یہ بات بھی ایک سن لو!​

یہ پہلے کی اردو، ہے متروک اب تو!​

فصاحت کی خاطر یہ الفاظ سارے​

ہیں ٹھہرائے متروک اہل زباں نے​

یہ ’’متروک‘‘ والا معاملہ بہت عجیب ہے۔ میرا تو جی چاہتا ہے کہ ایسے الفاظ کو پھر سے برتا جائے، تاہم سلیقے سے۔ جمالیات کی بات البتہ ہے!

 

[محمد یعقوب آسی]

”چِھنا کر“ کہا کرتے تھے ”چھین کر“ کو​

یوں ”جیدھر“ کہا کرتے تھے وہ ”جدھر“ کو​

مگر اب تئیں کو بھی ”تُو“ مانتے ہیں​

یہی ہے سلیقہ سبھی جانتے ہیں۔​

یہاں جو الفاظ مذکور ہیں، وہ غالباً مختلف علاقائی لہجے تھے جو شروعات میں تو اردو میں مستعمل رہے، مگر جوں جوں یہ زبان معروف اور مقبول ہوتی گئی، ان لہجوں کی چنداں ضرورت نہ رہی ہو گی۔ سو، اہلِ قلم نے چھوڑ دیے۔

امیر خسرو کے ہاں جو تراکیب ملتی ہیں: مقامی اور فارسی اسماء کی، وہ بھی زبان کی تشکیل کا مرحلہ سمجھا جاتا ہے۔ اور ظاہر ہے زبان کی تشکیل میں مہینے سال تو نہیں لگتے، نسلیں لگتی ہیں۔

 

[محمد اسامہ سَرسَری]

گزارش ہے سب سے کہ اس دھاگے میں سب
جو باتیں کریں سب فعولن میں کرلیں

 

[محمد یعقوب آسی]

ہو سکتا ہے مجے غلطی ہو رہی ہو مگر یہاں

”پِیاسا“ کو ”پیاسا“ ہیں محسوب رکھتے​

یہ اہلِ زباں ہیں زباں خوب رکھتے۔​

لفظ پیاسا کا وزن دونوں جگہ فعلن ہے۔ اور فی زمانہ فعلن ہی معروف ہے۔ یہاں زیر کی علامت ادائیگی پر کوئی عروضی اثر تو نہیں دکھا رہی۔

 

[مزمل شیخ بسمل]

ہو سکتا ہے مجے غلطی ہو رہی ہو مگر یہاں



لفظ پیاسا کا وزن دونوں جگہ فعلن ہے۔ اور فی زمانہ فعلن ہی معروف ہے۔ یہاں زیر کی علامت ادائیگی پر کوئی عروضی اثر تو نہیں دکھا رہی۔

پیاسا :: فعولن
ک پیاسا :: فعولن
ہ محسو :: فعولن
ب رکتے :: فعولن

 

[محمد یعقوب آسی]

گزارش ہے سب سے کہ اس دھاگے میں سب​

جو باتیں کریں سب فعولن میں کرلیں​

​

معافی، معافی! یہ مشکل ہے بھیا!
مجھے اپنے لہجے میں کرنی ہیں باتیں
وگرنہ یہ سب بے ثمر، رائگاں ہے
کہ ابلاغ مردہ، تو اشعار لاشے

 

[محمد یعقوب آسی]

پیاسا :: فعولن
ک پیاسا :: فعولن
ہ محسو :: فعولن
ب رکتے :: فعولن​

​

​

چلو شیخ جی، آپ کی بات مانی
مگر اک گزارش بھی کرنی ہے مجھ کو
گڑے ہیں جو مردے اکھاڑیں نہ اُن کو
تعفن جو پھیلا تو سمجھو، گئے ہم
۔۔۔۔۔۔۔۔۔۔۔۔۔۔

 

[محمد اسامہ سَرسَری]

معافی، معافی! یہ مشکل ہے بھیا!
مجھے اپنے لہجے میں کرنی ہیں باتیں
وگرنہ سبھی بے ثمر رائگاں ہے
کہ ابلاغ مردہ، تو اشعار لاشے

یقینا کسی میں نہیں اتنی جرات
کہ وہ آپ کو اس میں پابند کرلے
جناب آپ کی مرضی جیسے کہیں اب
ہمیں تو فقط فائدہ ہے اٹھانا ہے
نہ ہو نظم سے تو ہے یہ نثر کافی

 

[مزمل شیخ بسمل]

چلو شیخ جی، آپ کی بات مانی
مگر اک گزارش بھی کرنی ہے مجھ کو
گڑے ہیں جو مردے اکھاڑیں نہ اُن کو
تعفن جو پھیلا تو سمجھو، گئے ہم
۔۔۔ ۔۔۔ ۔۔۔ ۔۔۔ ۔۔

یہ بجلی کا کڑکا تھا یا صوتِ طوفاں؟


محمد اسامہ سَرسَری
http://www.urduweb.org/mehfil/threads/بحر-میں-جملے.53517/

 

[محمد یعقوب آسی]

یہ بجلی کا کڑکا تھا یا صوتِ طوفاں؟​

جہاں بات کرنی مصارع میں ٹھہرے
وہاں کوئی بجلی نہ کڑکا نہ طوفاں
بھلے جس طرح کوئی سمجھے، سو سمجھے
کہ ہر فی البدیہہ مؤثر کہاں ہے
۔۔۔۔۔

 

[محمد اسامہ سَرسَری]

ادیبوں کی قلت ہے امت ہے پیاسی
زبانیں ہوئی جارہیں آج باسی
نگاہوں کی گہرائیاں گم ہوئیں سب
دل اہلِ اردو پہ چھائی اداسی
جو مجھ جیسے شاعر ہیں یوں شعر کہتے
اکاسی بیاسی تراسی چراسی
نہ دادی سے اب سیکھتی کوئی پوتی
نہ نانی سے اب سیکھتی ہے نواسی
بنائی ہے یہ نظم دل کے قلم سے
نہ باتیں قیاسی نہ نہ چالیں سیاسی
نہ گھبرانا طولِ کلامی سے میرے
بس اک بات سن لو مری تم ذراسی
الف عین صاحب بھی ہیں شیخِ اردو
تو ہیں دوسرے شیخ یعقوب آسی

محمد یعقوب آسی​

 

[محمد اسامہ سَرسَری]

یہ بجلی کا کڑکا تھا یا صوتِ طوفاں؟


محمد اسامہ سَرسَری
http://www.urduweb.org/mehfil/threads/بحر-میں-جملے.53517/

یہ اردو ادب کا تھا بس ایک عرفاں