‘زلف‘

[شمشاد]

آنچل میں رَچے رنگ نکھاریں تیری زلفیں
اُلجھی ہوُئی زُلفوں کو سنوارے تیرا آنچل
(محسن نقوی)

 

[راجہ صاحب]

نیند اسکی ہے،دماغ اسکا ہے،سوچیں اسکی ہیں
تیری زلفیں جس کے بازو پہ پریشان ہوگئیں

 

[شمشاد]

رو و خال و زلف ہی ہیں سنبل و سبزہ و گُل
آنکھیں ہوں تو یہ چمن آئینۂ نیرنگ ہے
(میر تقی میر)

 

[راجہ صاحب]

منہ نہ کھلنے پرہے وہ عالم کہ دیکھا ہی نہیں
زلف سے بڑھ کر نقاب اُس شوخ کے منہ پر کھلا

غالب

 

[عرفان سرور]

بلائیں تیری زُلفوں کی لے رہا ہوں میں
کہیں یہ بلائیں میرے سر ہو نہ جائیں۔۔۔
کلیم عاجز۔۔۔

 

[عرفان سرور]

زُلف آوارہ گریباں چاک گھبرائی نظر
آج کل یہ ہے جہاں میں زندگانی کا نظام ۔۔۔
ساغر صدیقی۔۔

 

[عرفان سرور]

زُلف آوارہ گریباں چاک گھبرائی نظر
آج کل یہ ہے جہاں میں زندگانی کا نظام ۔۔۔
ساغر صدیقی۔۔

 

[شمشاد]

دھوپ کو دیکھ کے اس جسم پہ پڑتی ہے چمک
چھاؤں دیکھیں گے تو اس زلف کا دھیان آئے گا
(احمد راہی)

 

[عرفان سرور]

بہت مشکل ہے دُنیا کا سنوارنا
تیری زُلفوں کا پیچ و خم نہیں ہے ۔۔۔
مجاز۔۔

 

[عرفان سرور]

تیری زُلفوں کو چھیڑتی تھی صبا
خود پریشان ہو گئی ہوگی۔۔۔

 

[شمشاد]

چہرے پہ مرے زُلف کو پھیلاؤ کسی دن
کیا روز گرجتے ہو برس جاؤ کسی دن
(امجد اسلام امجد)

 

[عرفان سرور]

زُلف میں خوشبو نہ تھی یا رنگ عارض میں نہ تھا
آپ کس کی آرزو میں گلستاں تک آگئے ۔۔۔

 

[شمشاد]

ازل ہو یا ابد دونوں اسیر زلف حضرت ہیں
جدھر نظریں اُٹھاؤ گے، یہی اک سلسلہ ہو گا
(جگر مراد آبادی)

 

[عرفان سرور]

جو کُھل کراُن کی زُلفیں بال آئیں سر سے پیروں تک
بلائیں آکے لیں سو سو بلائیں سر سے پیروں تک۔۔۔!
ذوق۔۔

 

[شمشاد]

کیا کیا اُلجھتا ہے تری زلفوں کے تار سے
بخیہ طلب ہے سینہء صد چاک شانہ کیا؟
(حیدر علی آتش)

 

[عرفان سرور]

دل دیوانہ بتا تیرا ارادہ کیا ہے؟
زُلف بھی کھینچ رہی ہے مجھے زنجیر بھی آج۔۔۔!

 

[شمشاد]

غزالوں نے وہیں زلفوں کے پھیلا دیئے سائے
جن راہوں پہ دیکھا ہے بہت دھوپ کڑی ہے
(بشیر بدر)

 

[عرفان سرور]

گئی تھی کہہ کے میں لاتی ہوں زُلف یار کی بُو
پھری تو باد صبا کا دماغ بھی نہ ملا۔۔۔
جلال لکھنوی

 

[شمشاد]

جو دیکھتے تیری زنجیر زلف کا عالم
اسیر ہونے کی آزاد آرزو کرتے
(حیدر علی آتش)

 

[عرفان سرور]

نکہت زُلف پریشاں داستان شام غم
صبح ہونے تک اسی انداز کی باتیں کرو۔۔۔
فراق۔۔