‘زلف‘

[شمشاد]

پرپیچ بہت ہے شکن زلف سیاہ
وارفتہ نہ رہ اس کا دلا بے گہ و گاہ
میر تقی میر

 

[گُلِ یاسمیں]

نیند اس کی ہے دماغ اس کا ہے راتیں اس کی ہیں
تیری زلفیں جس کے بازو پر پریشاں ہو گئیں
مرزا غالب

 

[شمشاد]

جب اس کی زلف میں پہلا سفید بال آیا
تب اس کو پہلی ملاقات کا خیال آیا
شہزاد احمد

 

[ام عبدالوھاب]

اس زلف کے کیا کہنے جو دوش پہ لہرائی
سمٹی تو بنی ناگن پھیلی تو گھٹا چھائی

 

[گُلِ یاسمیں]

کبھی کھولے تو کبھی زلف کو لہرائے ہے
زندگی شام ہے اور شام ڈھلی جائے ہے

 

[ام عبدالوھاب]

رنگ پیرہن کا، خوشبو زلف لہرانے کانام
موسمِ گل ہے تمہارے بام پر آنے کا نام
پروین شاکر

 

[ام عبدالوھاب]

خوشبو کہیں نہ جائے یہ اصرار ہے بہت
اور یہ بھی آرزو کے ذرا زلف کھولئے
پروین شاکر

 

[گُلِ یاسمیں]

ایہہ تن من میرا جے کنگھی
تے میں زلف محبوب دی واواں
پوش میری دی بن جائے جُتی
تے میں سوہنڑے دے پیری پانواں
جے سوہنڑا میرے دُکھ وچ راضی
تے میں سُکھ نوں چُلھے ڈانوان
یار فریدا جے مل پوے سوہنڑا
تے میں رو رو حال سناواں

حضرت خواجہ غلام فرید

 

[شمشاد]

کون سی شام نہیں صبح ہوئی اے مغرور
ایک دن ہوتی ہے یہ زلف سیہ فام سفید
حیدر علی آتش

 

[گُلِ یاسمیں]

چہرے پہ مرے زُلف کو پھیلاؤ کسی دن
کیا روز گرجتے ہو برس جاؤ کسی دن

رازوں کی طرح اُترو مرے دل میں کسی شب
دستک پہ مرے ہاتھ کی کُھل جاؤ کسی دن
امجد اسلام امجد

 

[گُلِ یاسمیں]

بکھری ہوئی وہ زلف اشاروں میں کہہ گئی
میں بھی شریک ہوں ترے حال تباہ میں
جلیل مانک پوری

 

[اے خان]

اس کی زلف آراستہ پیراستہ
اک ذرا سی برہمی درکار ہے

فراق گورکھپوری

 

[سیما علی]

فرمودہ غالب

منہ نہ کھلنے پرہے وہ عالم کہ دیکھا ہی نہیں
زلف سے بڑھ کر نقاب اُس شوخ کے منہ پر کھلا

جب یار نے اٹھا کر زلفوں کے بال باندھے
تب میں نے اپنے دل میں لاکھوں خیال باندھے

سودا