چلیں ٹھیک ہے۔ بھڑکیلی باتیں نہیں کرتے۔
ہم تو آپ سے بات کررہے ہیں۔۔۔
ویسے میں آپ کے جملے پکڑ کر جواب طلب تو نہیں کرتا لیکن آپ کی تشفی کے لیے آپ کے سوال کا جواب ضرور دوں گا۔
جیسے ہی اس لڑی کے موضوع پر میری کوئی بادلیل رائے بنے گی، میں پیش کروں گا۔ کوئی متعلقہ سوال اٹھا تو وہ بھی پوچھ لوں گا۔
کیا میں نے اس لڑی میں وائرس، بیکٹیریا یا مذہب پر کچھ تحریر کیا ہے جو آپ اس قسم کا سوال کر رہے ہیں؟
تھوڑا صبر کیجیے گا، میں آپ کی بات کو سمجھنے کی کوشش کر رہا ہوں۔ لڑی کا موضوع امریکی سازش ہے۔۔۔ ٹھیک۔۔۔ سوال اسرائیل کے بارے میں پوچھا جاتا ہے جو امریکہ کا قریبی ساتھی ہے، گوئٹے مالا کے بارے میں نہیں پوچھا جاتا، الجیریا کے بارے میں نہیں پوچھا جاتا، برازیل کے بارے میں نہیں پوچھا جاتا، سری لنکا کے بارے میں بھی نہیں پوچھا جاتا جو بالکل پڑوس میں ہے۔۔۔ ٹھیک۔۔۔ پوچھنے والے صاحب یہودیوں کے ساتھ کسی قسم کا obsession بھی رکھتے ہیں جسے سرچ کی سہولت استعمال کرتے ہوئے دیکھا جا سکتا ہے۔۔۔ ٹھیک۔۔۔ لیکن اس سے یہ نتیجہ بالکل اخذ نہیں کیا جا سکتا کہ یہ سوال کسی ممکنہ سازش کے بارے میں کیا گیا تھا اور ایسا سمجھنا بلا وجہ ہو گا جو کسی طرح کی ڈھکی چھپی بات کو ظاہر کرتا ہے۔ ٹھیک ہے سر۔ سمجھ گیا۔ آئندہ خیال رکھا جائے گا۔
اس مراسلے کے آخر میں اس لڑی کا پہلا مراسلہ نقل کیا گیا ہے جس سے یہ بات واضح ہے کہ اس لڑی کا موضوع فقط امریکی سازش نہیں بلکہ کورونا وائرس کے پھیلاؤ کے تناظر میں امریکہ اور چین کے خلاف بننے والی سازشی تھیوریاں ہیں، یعنی اس بات کا الزام کہ کورونا وائرس کو بطور جراثیمی ہتھیار استعمال کیا گیا ہے۔ یوں جراثیمی ہتھیار یا حیاتیاتی جنگ بھی ضمنی طور پر اس لڑی کے موضوع قرار دیے جا سکتے ہیں۔ یہ میری ذاتی رائے ہے جس پر میں مصر نہیں ہوں کہ بس میں نے کہہ دیا تو یہی لڑی کا موضوع ہوگا۔
یو ایس بائیولوجیکل وار
عوامی جمہوریہ چین کے شہرووہان سے شروع ہونے والا کورونا وائرس اپنے ساتھ جہاں خوف اور دہشت کی نہ ختم ہونی والی جو نت نئی کہانیاں لے کرآیا ہے‘ وہیں یہ دو بڑی عالمی قوتوں کی باہمی سیا ست اور ایک دوسرے کو زیر کرنے کے نت نئے منصوبوں کے متعلق افواہوں کو بھی جنم دے رہا ہے۔ مغرب کے نقطۂ نظر کے مطا بق ‘سوشل میڈیا پر یہ کہانی پھیلائی جا رہی ہے کہ کورونا وائرس کے جراثیم پھیلانے میں کسی دوسرے ملک کا ہاتھ نہیں‘ بلکہ یہ چین کا اپنا پیدا کردہ ہے‘ جس نے اس بھونچال سے فائدہ اٹھاتے ہوئے دنیا کو دھوکے میں رکھ کر اب تک بیس ارب ڈالر کما لیے ہیں اور تیس فیصد سے زائد سٹاک ایکسچینج کی وہ ادائیگیاں‘ جو ایسی کمپنیوں اورا داروں کے کھاتوں سے یورپی یونین اور امریکیوں کو ادا کی جانی تھیں‘ محفوظ کر لی ہیں۔
مذکورہ بالا اس کہانی کو تقویت دینے کیلئے کہا جا رہا ہے کہ کورونا وائرس سے جس تیزی سے چینی یوان نیچے کی جانب گرنا شروع ہو ا‘ اسے سب دیکھ رہے تھے‘ لیکن حیران کن طور پر چین کے سنٹرل بینک نے اپنی کرنسی کی گراوٹ کی جانب رتی بھر بھی توجہ دینے کی کوشش نہ کی‘ بلکہ یہ تک سننے میں آرہا ہے کہ چین کے پاس تو کورونا وائرس سے بچائو کیلئے ماسک بھی ضرورت کے مطا بق‘ موجود نہیں تھے اور یوان کے گرنے سے سٹاک ایکسچینج کی وہ ا دائیگیاں‘جو چین کا دردسر تھیں‘ وہ چینی کرنسی گرنے سے اس حد تک سمٹ کر رہ گئیں کہ الٹا اسے فائدہ پہنچنا شروع ہو گیا‘ جبکہ روس کے کچھ اشاعتی ادارے یہ تاثر دینے میں مصروف ہیں کہ یہ بائیولوجیکل وار امریکی پلان کا حصہ ہے ‘جس سے اس نے چند دنوں میں چین کی معیشت اور دنیا بھر سے امڈنے والے سیاحتی طوفان کو منجمد کرکے اب تک چین کو پانچ ارب ڈالر سے محروم کر دیا ہے ۔
اگر امریکا پر اٹھنے والے شکوک سامنے رکھیں تو اس وقت یہ شک اس لئے بھی پختہ ہو جاتا ہے کہ گزشتہ چھ ماہ سے امریکا اور چین کے باہمی تجارتی حجم سے امریکی پریشان ہو چکے تھے اور امریکی صدر ٹرمپ نت نئی پابندیوں کا سہارا لینے کے با وجود اپنے مقاصد حاصل نہیں پا رہے تھے ۔ دریں اثناء بڑی چالاکی سے یہ تاثر دیاجا رہا ہے کہ کیمیکل و بائیولوجیکل وار فیئر میں امریکا کی قوت اور صلاحیت باقی دنیا سے بہت کم ہے۔ اگر امریکا میں بائیولوجیکل وار فیئر کا کھوج لگایا جائے اور امریکی رپورٹس اور مشہور محقق Larry Romanoff کے اس تناظر میں پیش کئے تجزیئے کو سامنے رکھیں تو تمام شکوک و شبہات اسی طرف اشارہ کرتے ہیں‘ کیونکہ امریکا کے سرکاری اداروں‘ یونیورسٹیوں اور اس کے بہت سے دیگر تعلیمی ا داروں میں کئی دہائیوں سے بائیولوجیکل ہتھیاروں کیلئے مسلسل کوششیں کی جارہی ہیں اور اس کیلئےRace-Specific pathogens پر سب سے زیا دہ توجہ سی جا رہی ہے اور مسلسل کام کیا جا رہا ہے۔
1956ء میں امریکی افواج کو ان کے کسی بھی جنگی پلان کیلئے واضح اور غیر مبہم حکم کے ذریعے بتا دیا گیا تھاکہ بائیولوجیکل اور کیمیکل وار کو مستقبل کی کسی بھی جنگ کا بنیادی جزو سمجھا جائے اور اس کیلئے کسی بھی قسم کی مزید تشریح یا احکامات کی ضرورت نہیں‘ یہاں تک کہ کانگریس نے امریکی افواج کو First strikeکی اجا زت دے دی‘ پھر شاید کانگریس کے نئے آنے والے ارکان کو کچھ احساس ہوا اور1959ء میں اس نے فرسٹ سٹرائیک کیپشن ختم کرنے کی کوشش کی‘ لیکن وائٹ ہائوس نے اس کی ایک نہ چلنے دی اور اس وقت کے امریکی صدر جان ایف کینیڈی نے پینٹاگان کو بائیولوجیکل ہتھیاروں کیلئے مختص کئے گئے فنڈز75 ملین ڈالرسے بڑھا کر سالانہ350 ملین ڈال کر دئیے‘ جو دنیا بھر کے دفاعی ماہرین کیلئے حیران کن تھا۔اس سے قبل 1948 ء میں پینٹاگان کمیٹی کی پیش کی جانے والی رپورٹ میں تجویز کیا گیا کہ اگر امریکا کسی بھی جگہ کوئی میزائل یا راکٹ وغیرہ گراتا ہے‘ تو اس کا صاف پتا چل سکتاہے کہ یہ کہاں سے اور کس نے پھینکا ہے ‘ لیکن اگر راکٹ اور میزائل حملوں کی بجائے کسی شہر میں اچانک وبائی امراض پھوٹ پڑیں تو کسی کا بھی دھیان نہیں جا سکتا کہ یہ کسی دوسرے کی وجہ سے پھیلی ہے اور یہ پیراگراف اس ڈی کلاسیفائیڈ رپورٹ کا حصہ ہے‘ جس میں بتایا گیا کہ امریکاNon-Fatal Viruses کیلئے کام کر رہا ہے۔
امریکی وزیر دفاع رابرٹ میکنا مارا نے1960ء کی دہائی کے آخر اوراوائل1970ء میں ایک سو پچاس سے زائد انتہائی خفیہ بائیولوجیکل ہتھیارتیار کرتے ہوئے ان کے تجربات کئے‘ جن میں کچھ امریکیوں پرآزمائے گئے تو بہت سے ویران جگہوں پر تو کچھ بیرونی ممالک میں ان کے فیلڈ ٹیسٹ کئے گئے۔ میکنا مارا نے پینٹاگان کے جائنٹ چیف آف سٹاف کو اختیار دے دیا کہ وہ ان کیمیکل ہتھیاروں اور تجربات کو امریکا کے دشمن کے خلاف استعمال کرنے کیلئے وہ تمام وسائل اور طریقہ کار اختیار کرے اور اس کیلئے یہ اندازہ بھی کرنا ہو گا کہ اس کی امریکا کیلئے سیا سی قیمت اور اس کے فوائد کہاں تک جا سکتے ہیں۔2000 ء میں امریکا کیلئے نئی صدی کیلئےRe-building America's defences نام سے ایک رپورٹ تیار کی گئی‘ جس کے ایک پیرا گراف میں یہ الفاظ لکھے ہوئے ہیںترجمہ) ''بائیولوجیکل وار فیئر کے جدید اور تیز ترین طریقے جس سے امریکا کیلئے وقتی طور پر فوجی فوائد کی بجائے سیا سی اور معاشی فائدے حاصل کئے جا سکیں گے‘‘۔
24 ستمبر2005 ء کو شائع ہونے والے ایک آرٹیکل میں انکشاف کیا گیا تھا کہ امریکی افواج بہت بڑی تعداد میںAnthrax ( جانوروں کو لگنے والی انتہائی مہلک بیماریوں کے جراثیم جو جانوروں سے انسانوں میں بھی منتقل ہو جاتے ہیں)کی خریداری میں دلچسپی لے رہی ہے اور اس کا اقرار ڈائریکٹر آف سن شائف ڈیوڈ ہیمنڈ نے بھی کیا تھا اور اس کے ذریعے مختلف کمپنیوں سے رابطے کرتے ہوئے انہیں بڑی مقدار میں ''انتھراکس‘‘ کی فراہمی کے آرڈر دیئے گئے اور اس سلسلے میں ایک کمپنی کو دیا جانے والا کنٹریکٹ پندرہ سو لیٹر کا تھا۔ اب‘ اگر امریکا یہ تان لگاتا رہے کہ اس کا بائیولوجیکل وار فیئر سے کوئی تعلق نہیں یا وہ اس قسم کے کسی بھی پلانٹ یا تیاری میں مصروف نہیں تو اس سے ایک سیدھا سا سوال پوچھا جا سکتا ہے کہ '' آپ اگر بائیولوجیکل وار میں دلچسپی نہیں رکھتے اور نہ ہی ہتھیاروں کی تیاری کر رہے ہیں تو پھر'' انتھراکس‘‘ کی اس قدر بھاری مقدار کن مقاصد کیلئے خریدی جا رہی ہیں اور امریکی صدر کینیڈی نے آج سے ساٹھ برس قبل اس مد میں بجٹ میں تین سو پچاس ملین ڈالر تک منظور کرایا‘ وہ کن مقاصد کیلئے اور تھا؟ چلیں‘ اگر امریکی یہ توضیح بھی نہیں مانتے تو پھر ان کو1994 ء کی اکائونٹ ایبلٹی رپورٹ کا حوالہ دیتے ہوئے سوال کیا جا سکتا ہے کہ اس رپورٹ کے ایک پیراگراف میں یہ کیوں پوچھا گیا ہے کہ ''یو ایس ملٹری بائیولوجیکل ڈیفنس پروگرام‘‘ جس کے کئی درجن شعبے ‘ ریسرچ سینٹرز ‘ بائیولوجیکل انٹیلی جنس جیسے ادارے ہیں‘ ان سب کے ہوتے ہوئے کیسے تسلیم کر لیا جائے کہ امریکا نے اب تک کسی بھی جگہ کبھی بائیولوجیکل حملہ نہیں کیا‘ جبکہ دنیا جانتی ہے کہ میری لینڈ ‘فورٹ ڈیٹرک میں امریکی افواج کا چھوت کی بیماریوں کیلئے میڈیکل ریسرچ انسٹیٹیوٹ قائم ہے‘ جہاں بائیولوجیکل اور کیمیکل وار فیئر کیلئے کام ہوتا ہے ۔
آخر میں سوالات‘ جو تاحال جواب طلب ہیں کہ کیا امریکا نے شمالی کوریا کی زراعت تباہ کرنے کی کوشش نہیں کی؟ اور کیا یہ غلط ہے کہ Plum Islandمیں امریکا برڈ فلو اور سوائن فلو جیسے وائرس کی تیاریوں میں ایک عرصے سے مصروف عمل نہیں رہا ہے؟
سو باتوں کی ایک بات کہ جب موضوع بحث امریکی سازش کا امکان ہو اور کوئی آ کر اسرائیل میں وائرس پہنچنے نہ پہنچنے کے متعلق سوال کرے، جبکہ اس سے پہلے اسرائیل کا تذکرہ نہ آیا ہو، تو سیاق و سباق سے یہ اخذ کرنا کہ وہ اس میں کسی یہودی سازش کے امکان کی بات کر رہا ہے، خالصتاً "بلا وجہ" ہو گا جس کے پیچھے "ضرور کوئی بات" ہو گی۔ آخر کو ہم کون ہوتے ہیں سیاق و سباق سے کسی کا مدعا اخذ کرنے والے۔
اس سب گھڑمس میں ریسرچ آرٹیکل صرف ایک ہی سائٹ کیا ہوا ہے (جسے اس مضمون نے اس کے متعلق ایک میڈیا رپورٹ اور ایک غیر متعلقہ پیپر شامل کر کے ایک کے تین ریفرینسز بنا لیا ہے)۔
یہ رہا جاسم اور آپ کا مراسلہ۔ ان مراسلوں میں آپ حضرات کی جانب سے چھیڑی گئی غیر متعلقہ بحثوں اور الزام تراشیوں کے بعد کیا مجھے یہ بھی کہنے کا حق نہیں تھا کہ " کچھ تو ہے جس کی پردہ داری ہے۔"
ارے بھائی کیوں سابقہ مباحثے یاد دلانا چاہتے ہیں۔ کیا گوئٹے مالا، الجیریا، برازیل، سری لنکا کی ٹیکنالوجیکل اور سائنٹفک حیثیت اتنی ہی ہے جو اسرائیل کو حاصل ہے؟ کیا گوئٹے مالا، سری لنکا اور برازیل وغیرہ کی ایجنسیاں سی آئی اے اور ایف بی آئی اور کانگریس اور پینٹاگون میں اتنی ہی زیادہ فعال اور سرائیت کرچکی ہیں جتنا کچھ موساد کرتی آرہی ہے؟
امریکا اور اسرائیل زمینی لحاظ سے یقینا الگ ہیں لیکن ان کے ادارے اور ماہرین دنیا بھر کے تمام ممالک سے زیادہ ایک دوسرے کے ساتھ تعاون کرتے چلے آرہے ہیں کیوں کہ امریکی انتخابات اور فوجی اداروں میں یہودی اور موساد کی سرائیت کسی سے ڈھکی چھپی نہیں۔ آپ کیوں ان حقائق پر پردہ ڈال رہے ہیں؟ پھر جب کوئی دوسرا یہ کہتا ہے کہ آپ پردہ داری، یا پردہ دری کررہے ہیں تو بھڑک جاتے ہیں۔۔۔ یہ کونسی ذہنیت ہے؟
جناب میں نے کہا تو ہے کہ بالکل بھی نہیں پوچھوں گا۔ مجھے کوئی اعتراض نہیں اس جملے پر جو آپ نے کہا۔ بلا وجہ ہی کیوں غصہ کر رہے ہیں؟ کیا میں نے کچھ کہا؟
لیکن وہ تو کہہ رہے ہیں کہ ان کا یہ کہنے کا مطلب قطعی یہ جتانا نہیں تھا کہ اس میں اسرائیل کی کوئی سازش شامل ہے۔ آئی ایم سو کنفیوزڈ۔
غصہ نہیں کیا، آپ کے مراسلے میں غیر متفق بات کا جواب دیا ہے۔ باقی آپ کی سمجھ۔
یقینا وہ یہی کہہ رہے ہیں کہ
یار۔۔۔ سیریسلی؟
