شفیق خلش ::::ہُنر میں اُن سے کوئی اور کیا مَہا ہوگا:::::shafiq khalish

[طارق شاہ]

غزل

عذاب ترکِ تعلّق پہ کم سہا ہوگا
وہاں بھی سَیل سا اشکوں کا یُوں بہا ہوگا

یہ دِل شکنجئہ وحشت سے کب رہا ہوگا
کب اِختتامِ غَمِ ہجرِ مُنتَہا ہوگا

جہاں کہیں بھی وہ عُنوانِ گفتگو ٹھہرا!
وہاں پہ ذکر ہمارا بھی بارہا ہوگا

ہَوائے شب عِطرآگِیں تھی، اس پہ کیا تکرار
وُرُودِ صُبح پہ دِل نے تو کُچھ کہا ہوگا

خیال آئے یہ فُرقت کی ہچکیوں پہ ضرُور
ہمارا ذکر کسی سے وہ کر رہا ہوگا

رہائی سے تِری موقوف ہے حیات مِری
فراق تجھ سے، کب اے دردِ اِنتہا ہوگا

مَلال و حُزن بس اِس سوچ پر ہوختم، خلشؔ!
ہمارے ہاتھ وہی وقتِ بے بہا ہوگا

قلیل گوئی سے پُہنچے کمال پر ہیں خلشؔ
ہُنر میں اُن سے کوئی اور کیا مَہا ہوگا

شفیق خلشؔ​

 

[ارشد رشید]

طارق شاہ صاحب آپکے پسندیدہ شاعر شفیق خلش گو کہ خود ہی کہہ رہے ہیں کہ ہُنر میں اُن سے کوئی اور کیا مَہا ہوگا
مگر دراصل ابھی انکا کلام ناپختہ ہے - اس میں زبان و بیان کی کافی غلطیاں ہیں -

 

[طارق شاہ]

ہر کسی فہم ندارد یکساں

بقول یاس یگانہ صاحب :
علم کیا علم کی حقیقت کیا
جیسی جس کے گمان میں آئی

 

[ارشد رشید]

جناب میں نے فہم یا علم کی بات ہر گز نہیں کی تھی جو کہ سب کا اپنا اپنا ہوتا ہے - میں نے تو زبان و بیان کی غلطیوں کی طرف اشارہ کیا تھا جو سب کے لیے ایک ہی ہیں -