جون ایلیا ہم رہے پر نہیں رہے آباد - جون ایلیا

[محمداحمد]

غزل

ہم رہے پر نہیں رہے آباد
یاد کے گھر نہیں رہے آباد

کتنی آنکھیں ہوئی ہلاک ِ نظر
کتنے منظر نہیں رہے آباد

ہم کہ اے دل سخن تھے سر تا پا
ہم لبوں پر نہیں رہے آباد

شہرِ دل میں عجب محلے تھے
جن میں اکثر نہیں رہے آباد

جانے کیا واقعہ ہوا، کیوں لوگ
اپنے اندر نہیں رہے آباد


جون ایلیا

 

[فاتح]

ہم کہ اے دل سخن تھے سر تا پا
ہم لبوں پر نہیں رہے آباد​

خوبصورت غزل شیئر کرنے پر شکریہ۔

 

[ہما]

شہرِ دل میں عجب محلے تھے
جن میں اکثر نہیں رہے آباد

زبردست ۔۔۔۔۔۔۔۔۔۔۔۔۔۔۔۔۔!

 

[محمد وارث]

شکریہ احمد صاحب جون ایلیا کی خوبصورت غزل شیئر کرنے کیلیئے

 

[ابن علی]

واہ جی کیا کلام ہے

 

[محمداحمد]

اسلم صاحب , خرم شہزاد خرم صاحب , فاتح صاحب , وارث صاحب اور ابنِ علی صاحب

نے حد نوازش آپ سب کی!

 

[فرحت کیانی]

جانے کیا واقعہ ہوا، کیوں لوگ
اپنے اندر نہیں رہے آباد

بہت خوب بہت شکریہ محمد احمد

 

[محمداحمد]

جانے کیا واقعہ ہوا، کیوں لوگ
اپنے اندر نہیں رہے آباد

بہت خوب بہت شکریہ محمد احمد

فرحت کیانی صاحبہ ،

آج یہ غزل پھر سے یاد آئی تو آپ کی رائے دیکھی۔

دیر سے سہی!شکریہ کے لئے حاضر ہیں۔