ہجائی ترتیب کے مطابق بیت بازی (صرف مرزا اسد اللہ خان غالب کے اشعار)

[سیما علی]

لرزتا ہے مرا دل زحمتِ مہر درخشاں پر
میں ہوں وہ قطرۂ شبنم کہ ہوخارِ بیاباں پر

مرتے ہیں آرزو میں مرنے کی
موت آتی ہے پر نہیں آتی

 

[فہد اشرف]

مرتے ہیں آرزو میں مرنے کی
موت آتی ہے پر نہیں آتی

نہ چھوڑی حضرتِ یوسف نے یاں بھی خانہ آرائی
سفیدی دیدۂ یعقوب کی پھرتی ہے زنداں پر

 

[سیما علی]

نہ چھوڑی حضرتِ یوسف نے یاں بھی خانہ آرائی
سفیدی دیدۂ یعقوب کی پھرتی ہے زنداں پر

وہ چیز جس کے لیے ہم کو ہو بہشت عزیز
سوائے بادۂ گلفامِ مشک بو کیا ہے

 

[مومن فرحین]

ہوگا کوئی ایسا بھی کہ غالبؔ کو نہ جانے
شاعر تو وہ اچھا ہے پہ بدنام بہت ہے

 

[سیما علی]

ہوگا کوئی ایسا بھی کہ غالبؔ کو نہ جانے
شاعر تو وہ اچھا ہے پہ بدنام بہت ہے

یہ رشک ہے کہ وہ ہوتا ہے ہم سخن تم سے
وگرنہ خوفِ بد آموزیِ عدو کیا ہے

 

[سیما علی]

یہ رشک ہے کہ وہ ہوتا ہے ہم سخن تم سے
وگرنہ خوفِ بد آموزیِ عدو کیا ہے

ابھی آتی ہے بُو ، بالش سے ، اُس کی زلفِ مشکیں کی
ہماری. دید کو ، خوابِ زلیخا ،. عارِ بستر ہے

 

[سیما علی]

ابھی آتی ہے بُو ، بالش سے ، اُس کی زلفِ مشکیں کی
ہماری. دید کو ، خوابِ زلیخا ،. عارِ بستر ہے

بہت دنوں میں تغافل نے تیرے پیدا کی
وہ اِک نگہ کہ ،. بظاہر نگاہ سے کم ہے

 

[محمد وارث]

پر ہوں میں شکوے سے یوں راگ سے جیسے باجا
اک ذرا چھیڑئیے پھر دیکھیے کیا ہوتا ہے

 

[فہد اشرف]

تو وہ بد خو کہ تحیر کو تماشا جانے
غم وہ افسانہ کہ آشفتہ بیانی مانگے

 

[مومن فرحین]

ثابت ہوا ہے گردنَ مینا پہ خون خلقٕ
لرزے ہے موجِ مے تری رفتار دیکھ کر

 

[سیما علی]

جی جلے ذوقِ فنا کی نا تمامی پر نہ کیوں
ہم نہیں جلتے نفس ہر چند آتش بار ہے

 

[سیما علی]

چرخ تک دھوم ہے کس دھوم سے آیا سہرا
چاند۔ کا دائرہ لے زہرہ نے گایا سہرا

 

[سیما علی]

حسن بے پروا خریدار متاع جلوہ ہے
آئنہ زانوئے فکر اختراع جلوہ ہے

 

[سیما علی]

خزاں کیا فصلِ گل کہتے ہیں کس کو؟ کوئی موسم ہو
وہی ہم ہیں، قفس ہے، اور ماتم بال و پر کا ہے

 

[فہد اشرف]

دے مجھ کو شکایت کی اجازت کہ ستم گر
کچھ تجھ کو مزہ بھی مرے آزار میں آوے

 

[سیما علی]

ڈھانپا کفن نے داغِ عیوبِ برہنگی
میں، ورنہ ہر لباس میں ننگِ وجود تھا

 

[سیما علی]

ذکر اس پری وش کا، اور پھر بیاں اپنا
بن گیا رقیب آخر، تھا جو رازداں اپنا

 

[سیما علی]

رات پی زمزم پہ مے اور صبح دم
دھوئے دھبّے جامۂ احرام کے

 

[سیما علی]

رگوں میں دوڑتے پھرنے کے ہم نہیں قائل
جب آنکھ سے ہی۔ نہ ٹپکا تو پھر لہو کیا ہے

 

[سیما علی]

زندگی سے بھی مرا جی ان دنوں بیزار ہے

مجھ سے مت کہہ "تو ہمیں کہتا تھا اپنی زندگی”
زندگی سے بھی مرا جی ان دنوں بیزار ہے